Romu 8:37 - Kamano

³⁷ Hakare'zana hurantega hazanagi, agatere hankavetia Kraisi avesirante'nemo manine.

Anumzamofo Routage Avantafere

³⁷ Hakare zana hurantega hazanagi, agatere hankavetia Kraisi'ma avesirante'nemo agra'a mani'ne.

Romu 8:37 Referans Kwoze

1 Korinti 15:57

Hu'neanagi Anumzamofo muse huntesune, Rantimofo Jisasi Kraisimpi taza higeta hara agatenerone.

1 Joni 4:4

Mofavre naganimote Anumzamofo mofavre mani'naze. Mani'nageno tamagu'afima mani'nea Avamu'mo'a, mopafima mani'nea havige avamura agatere'ne.

2 Korinti 2:14

Na'ankure Anumzamofo avurera tagra Kraisina mana nentake zankna huta mani'neta, zamagumavazi'nea vahete ene fnanene hanaza vahetera knare mna viankna nehuta susu hunentone.

Revalesen-Hufo Hu'ne 21:7

Iza'o ha'ma agateresimo'a ama anazantamina erisanti haresigena Nagra agri Anumza mni'nena, agra Nagri mofavre manigahie.

Revalesen-Hufo Hu'ne 12:11

Zamagra ana ne'mo'ma ha'ma huzmantea hara, Sipisipi anentamofo koranteti'ene agenke'ama huama hazareti agatenere'za, zamagra zmavufagura nontahi'za, zamagri'ma zmahe frizanku enena korera osu'naze.

Juti 1:24

Hagi menina Anumzamo'a tanafama ruzankura kegva huneramantena, Agra tavaresigeta Agri'a msafi kumitami omanena, tusi'a musezampi manigahaze.

Galesia 2:20

Nagra Kraisi'ene keka zafare ko fri'noankina, menima mni'noana nagra'a omani'noanki, Kraisi nagu'afina mani'negena, nagrama ama navufare'ma mani'noana, Anumzamofo Nemofonte namentinti nehu'na Agra'a avesinanteno asimu'a nami'nemofonte mani'noe.

2 Korinti 12:9

Hianagi Ramo'a amanage huno nasmine, Nagri nasunkuzamo'a knare kagrira hugantene. Na'ankure hanave ka'a omanesirera, Nagri hanavemo'a knare hugantegahie. E'ina hu'negu, Ramofo hankavemo'a knarezantfa huno refite nantegahiankina hanaveni'a omanesifina muse nehuna navufga ra hugahue.

Revalesen-Hufo Hu'ne 17:14

Ana kini vahe'mo'za Sipisipi Anentamofo ha' hunte'naku hugahazanagi, Sipisipi Anentamo'a zmaheno zmagateregahie. Na'ankure Agra ramokizmi, Ra mnineno, kini'mokizmi Kini manine. Agrama zamigi huno huhampri zmantege'za mni fatgo hu'namo'za, Agranena mnigahaze.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

1 Joni 4:19

Tagripima ovesinte avesinte avu'avama me'neana, na'ankure Agra esera avesirante'ne.

Joni 16:33

Ama'ina naneke Nagra neramasmuana, Nagripinti tamarimpa fru erigahaze. Ama mopafina hazenke zane, kasuzamo egahianagi, oti hanavetiho, na'ankure Nagra ama mopa hago agtere'noe.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

1 Korinti 15:54

Hu'neanagi ana kasri avufgamo onkasri tvufga erisigeno'a, fri avufgamo'a ofri avufga erina, avontafepi amanage huno kre'nea kemo e'ama hugahie: fri'zana Anumzamo ahe fanane hugahie! (Aisa 25:8)

2 Tesalonaika 2:16

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino,

Revalesen-Hufo Hu'ne 3:9

Ko, Sata mono nagamo'za hu'za, Jiu vahe mani'none nehu'za havige nehaza vahera, Nagra zmatufesuge'za e'za, tamagri tamagafi eme zmare'nare'za, tamage Nagra tamavesi neramantoe hu'za, zamagra ke'za antahiza hugahaze.

1 Joni 4:10

Ama ana avesi'zana, tamage tagra Anumzamofona avesi ontenonkeno, Agra'a tagrira avesi ranteno, magoke ante'nea Nemofona huntegeno, kumitimofona nona huno apaserante'ne.

2 Korinti 12:19

Tamagrama tamagesa antahizana, tagrikura zmagra'a ke erihanavetinaku nehaze hutma tamagesa nentahizafi? Tamage e'inahu tamagesa nentahizanagi, Anumzamofo avurera Kraisinku keaga nehuta tamagrima tamaza hanigeta hageta mrerisaza zanku tamavesi neramantona nerafugatagu nehune.

Romu 8:35

Kraisi avesi zampintira nazamo tazeri atregahie? Tusi'a kna zamopi, amuhoma hurante zamopi, tazeri haviza huzamopi, tatamanegria zamopi, kukenagu atupa hanuna zamopi hazenke zamo'a tagripima Jisasi avesizama me'neana eri otregahie.