Romu 6:4 - Kamano

⁴ E'ina hu'negu tagra mono tima fronazamo'a, Kraisi ene frunke'za aserente'naze nehie. Hagi Kraisima fripintima azeri oti'neaza huno, Nefa'a Agra'a hankave'anu fripintira tazeri otine. Higeta tagranena kasefa manizampi mni'none.

Anumzamofo Routage Avantafere

⁴ E'ina hu'negu tagra mono tima fronazamo'a, Kraisi'ene frunke'za aserente'naze nehie. Hagi Kraisima fripinti'ma azeri oti'neaza huno, Nefa'a Agra'a hankave'anu Kraisi'enema fri'nompintira tazeri oti'neankita, tagranena kasefa manizampi Kraisi'ene maninunku anara hu'ne.

Romu 6:4 Referans Kwoze

2 Korinti 5:17

E'ina hu'negu mago'mo'ma Kraisimpima manisimofona Anumzamo'a azeri kasefa vahe fore nehie. Antahi ani huo, korapa avu'avamo'a fnane nehigeno, kasefa avu'ava fore nehie.

Kolosi 3:10

Hagi menina magoke magoke'motma kasefa vahe nemanitma, troma huramante'nea nekna maka kna nehutma, mago'ene agrira antahi ama hugahaze.

Romu 7:6

Hu'neanagi tagra ko kasegemofo kinafintira katuferantegeta fru huta mni'none. Na'ankure Kraisi'ene frunkeno mago'ene kasegemofo kinafintira tavre'ne. Hianagi menina amne Anumzamofo erizana erinenteta, korapa tavutva huta kasegefima krente'naza kemofo amage' antezanopage, Avamumofo kasefa kante vugahune.

1 Pita 3:21

E'i ana timo'a mono tima frezamofo avame zankino, Jisasi Kraisi'ma friteno oti'neazamofo hanavemo tamagura vazi'ne. Hankino mono tima frezamo'a pehena erinotreanki, agru tagutagesareti Anumzamofoma antahimisunazane.

Romu 6:9

Tagra ama ana zankura antahi'none. Na'ankure Kraisi'a fripintira oti'neankino, mago'anena ofrisigeno fri'zamo'a kegva huontegahie.

2 Korinti 13:4

Tamage, hanave'a omanegeno keka zafarera fri'ne. Menina Agra, Anumzamofo hankavere kasefa huno asimu erino mani'ne. Na'ankure tagri'enena anahukna huno hanavetia omneanagi, Kraisimpi mani'neta Anumzamofo hanave erineta, ana hanavereti tamagripina erizana e'nerune.

Romu 6:3

Hifi Jisas Kraisi enema mikamota hagerefita mono ti freankna huta friteta, oti'nazana tamagra ontahinazo?

1 Joni 2:6

Mago'mo'ma Anumzane mani'noe hanimo'a, Jisasi'ma vano hu'nea kna huno vano hugahie.

1 Korinti 6:14

Anumzamo'a Ramofona azeri oti'neankino, tagri enena anazanke huno, Agri'a hanavereti tazeri otigahie.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Efesasi 4:17

Ramofo hanave'afi anage hu'na neramasamue, mono nontahiza vahe knara (Gentiles) osiho, zamagra hzanegre'za mago'zana zamagu'areti hugara osu'naze.

Romu 6:19

Na'ankure vahe'motama kefo tavu'tvama nehunazante, nagra antahintahitamia eriama hu'naku kazokzo eri'za vahete ene kva vahetera hunte'na nehue. Korapara kasege ha'nentagita agru huno avu sese osu tamavutamava huta vu'nazanagi, menina atretma fatgozamofo kazokzo eri'za vahe nemnita, agru nehutma ruotge huta manigahaze.

Joni 11:40

Jisasi'a anage huno ana ara asmi'ne, Ko kasmi'noe, kagrama kmentinti hnunka Anumzamofo hankve'a (glori) kegahane hu'na kasmi'nofi?

Aposol 2:24

Hianagi Anumzamo'a fri'nefinti azeri otino, fri'zamofo atazampinti azeri so'e hu'ne. Na'ankure frizamofo hanave'amo'a azerintega osu'ne.

Kolosi 4:1

Kva vahe'mota, kazokzo eri'za vahetamia fatgo huno knarema hu'nesia tamavutamava hunezmanteta magomofonkukera osiho, na'ankure tamagra antahi'naze, tamagri'enena mago Kva vahetamia monafinka mani'ne.

Efesasi 5:8

Na'ankure korapara hanizampi mani'nazane, hianagi menina Ramofo Msafi mofavre'aza hutma, ana msafi vano hutma maniho.

Joni 2:11

Agra'a kaguva avu'ava zama'a erigafa huno Jisasi'a Galili kaziga Kana kumate nehuno, Agri'a hihamu msa zama'a eri ama hige'za, Agri amage nentaza disaipol naga'mo'za Agrite zamentinti hu'naze.

Aposol 2:32

E'i ana Jisasina, Anumzamo'a fri'nefinti azeri otigeta, tagra maka'mota tavufinti ke'nona zanku nehune.

Romu 6:8

Hagi tagra Kraisi'ene frisuta, tamentintima hunana tagranena Kraisi'ene manigahune.