Romu 3:8 - Kamano

⁸ Hagi mago'amo'za tananke nekafriankna hu'za kegaga zamifintira kea nehu'za, mago'ane kumira nehanunkeno knare'za efore hanie hu'za nehaze. Iza'o e'inahukna nanekema nehanimofona kna erinogu nehie.

Anumzamofo Routage Avantafere

⁸ Hagi mago'amo'za tananke nekafriankna hu'za kegaga zamifintira kea nehu'za, mago'ane kumira nehanunkeno knare'za efore hanie hu'za nehaze. Iza'o e'inahukna nanekema nehanimo'a kna erinogu nehie.

Romu 3:8 Referans Kwoze

Romu 6:1

Hagi tagra na'ane huta hugahune, mago'ane kumira nehanukeno Anumzamo'a asunku hurantevava hugahio?

Romu 6:15

Mago'ene kasegemofo kvafina omni'none. Anumzamofo asunku'zamo taza hu'ne. Ana hu'negu mago'ene kumira hugahumpi? A'o, ana osugahune.

Romu 7:7

Hagi na'ane hugahu'ne, Nagra kasegemo'a kumi me'ne nehufi? I'o. Tamage kasegea kumira omnene. Hianagi kasegemo kumira tamaveri nehie. Nagrama rumofo zankuma kenunu huzana, kumire hu'na antahi ama osuanagi, kasegemo eriama higena keama nehue.

Romu 5:20

Anumzamoma kasegema zami'neana miko vahe'mo'za kumima nehazaza kesazegu zamine. Hianagi vahe'mo'zama rama'a kumima hzageno'a, Anumzamofo knare asunku'zamo'a mago'ane rama'a nehie.

Juti 1:4

Na'ankure mago'a mono ontahi vahe'mo'za onkazageno, ko rerakaure'za amuno tamifi efre'naze. Ana vahe'mo'za amanage hugahaze, Anumzamo'a kumira atre'nezamantea zanku amane havi avu'avara hugahune hu'za nehaze. E'inahukna vahe'mo'za inankna henka hugahaze, korapa refako huzamantene. Na'ankure Kva netimofo Ranti Jisas Kraisina ha'rentegahaze.

Matiu 5:11

Vahe'mo'ma huhaviza huneganteno, knonkeve negamino, maka hankromofo nanekea havige huno hugofi neganteno, Nagriteku huno hugantesimoka, Asomu erigahane.

2 Korinti 6:8

mago'amo'za rantagia neramizageno, mago'amo'za husaga hunorantaze. Tamage kea hunerantazageno, havige kea hunerantaze. Tagra tamage vahe mni'nonanagi, krunagea vahere hunerantaze.

2 Korinti 11:15

E'ina hu'negu antri osiho. Sata eri'za vahe'mo'za krunaza hu'za fatgo eri'za vahekna hugahaze. Ana nona'a eri'zama e'neri'za avamente mizama'a, henka'a erigahaze.