Romu 3:23 - Kamano

²³ Na'ankure maka'mota kumi huta Anumzamofo hanave'ane kumapina umanigara osuta, atupa hu'nonane.

Anumzamofo Routage Avantafere

²³ Na'ankure maka'mota kumi huta Anumzamofona hanave'ane kumapina umanigara osuta, atupa hu'nonane.

Romu 3:23 Referans Kwoze

Romu 3:9

Na'ane huta hugahune, tagra Jiu vahe'mota mago'a nagara zamagetereta knare hu'none hugahumpi? I'o, na'ankure tagra ko ana miko Jiu vahero, megi'a vahera kumimofo hankavemo refitezmantenegeta zamageta antahita hu'none. Hagi Jiu vahe'mota ru vahera zmageterenompi?

Galesia 3:22

Hianagi Anumzamofo avontafemo'a anage hu'ne, Kumi'mo'a maka vahera kina huzmante'negu, Anumzamo'ma huvempa hu'neazama erisazana magoke kana, Jisasi Kraisinte zamentinti hanamo'za erigahaze.

Romu 11:32

Anumzamo'a maka vahe'mokizmi asuragizmantenaku ana maka'mokizmi zmatrege'za ke ontahi avu'avazamifi, kina hu'za mani'naze.

1 Tesalonaika 2:12

Tagra ana nehanunketma tamagrama kama vnazana, Anumzamo'ma tamagi nehuno, Agri'a masanentake kuma erigahaze hu'nea Ne'mofo so'e kumapi vugahaze.

Romu 3:19

Tagra antahi'none kasegama krente'nea kemo'a kasegema eri'naza vahe nezmasamie. Ana hanigeno mago'mo'a huno nagra ftago vahe mni'noe huno osugahie. I'o miko mopafi vahe'mota Anumzamofo avurera hazenketi me'nea vahe mni'none.

2 Tesalonaika 2:14

Tagrama knare musenkema huama hunazampi, Anumzamo'a tamavare kana retro higetma, Ranti Jisas Kraisi hihamu masazama'a e'nerize.

1 Pita 4:13

Hianangi ana tamatazama e'neriza zankura muse huvava hiho. E'i anazamo'a Kraisi'ma atama eri'neaza nehazankino, Agrama hanavenentake masa'ane eama hanigetma, magokama muse hanaza zamofo retro huneramante.

Romu 5:2

Na'ankure Kraisimpi tamentinti hu'nazamo tavreno amama mreri agatere'nea kumapi efregeta menina otineta, hankavea e'nereta, Anumzamo'ma msazama'anema esigura avega ante'nonazamo higeta musena nehune.

Romu 1:28

Zamagrama Anumzamofo zmefi hunte'za agorga'ama omninazana neginagi zane hu'za nehaza zanku, Anumzamo'a atregeno havi antahintahizazmimo rentrako hige'za, osuga avu'avazana nehaze.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

1 Pita 5:1

E'ina hu'negu mono kva vahe'motma, nagranena tamagrikna huna mono kva ne' mni'nena, Kraisi'a atazana erigena, ke'nomonane, tamagrane magoka Kraisi hanavemo eama hanigeta erisumona neramasamue.

Hibru 4:1

E'ina hu'negu manifruhu kumapi ufregahaze huno huvempama hu'nea knama menesire, mago'tamimo'ma ana manifru hu kumapima uofre'zankura, kore nehutma kva hiho.

Jenesis 8:21

Kre sramna vu'nea mna'agu Ra Anumzamo muse nehuno amanage Agra hu'ne, vahe'mo'za kumi hanaza zankura mago'anena ama mopa eri haviza osugahue. Hakare'mo'za nehzanteti mani'za menima e'naza knarera havi antahi'zampi mani'naze. Hakare zgarmima zamasimu nentaza zgarmina menima huaza hu'na zamahe refi otegahue.