Romu 15:16 - Kamano

¹⁶ Kraisi Jisasi eri'za erina megi'a vahetega prisi vahe' kna hu'na, Anumzamofo knare musenke huama nehue. Ana hanige'za megi'a vahe'mokizmia Ruotge Avamumo zmazeri ruotage hu'nige'za, Anumzamo muse huno eneria kre sramnagna hugahaze.

Anumzamofo Routage Avantafere

¹⁶ Krais Jisasi eri'za eri'na megi'a vahetega pristi vahe kna hu'na, Anumzamofo Knare Musenke huama nehue. Ana hanige'za megi'a vahe'mokizmia Ruotge Avamumo zamazeri ruotage hanige'za, Anumzamo'ma muse huno eneria Kresramanavu ofagna hugahaze.

Romu 15:16 Referans Kwoze

Romu 11:13

Ana maka kema nehuana, megi'a vahe'mota tamagriku nehue. Anumzamo'a megi'a vahe'mokizmi aposol manio huno huhampri'nantenegu ama ana eri'zamo'a nagripina kota eri'zani'a me'ne.

Romu 1:1

Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Filipai 2:17

Hianagi ana zanke hu'zama waini ofagna hu'zama korani'a tagi netre'za, kre sramna neviaza hanaza zamo'a tamentintia tamaza nehina, nagra nagu'areti musena neha'nena, tamagrane muse hugahaze.

Aposol 9:15

Hianagi Ramo'a anage huno agrira asami'ne, Vuo, na'ankure agrira ko huhampri ante'noakino, Nagri eri'za ne' manigahie. Hagi Nagri nagi nagenkea erino megi'a vahete'ene, kini vahete'ene, Israeli vahetera vugahie.

2 Timoti 1:11

Ananku huno Anumzamo'a huhamprinantenege'na ke'a huama nehuna, aposol eri'zana e'nerina, vahera knare musenkea rempia hunezmue.

1 Timoti 1:11

msa'nentake konarari'ane knare musenke'afi (gospol) asomu'ane Anumzamo, huzamasmio huno huhamprinante'ne.

Hibru 13:16

Hagi knare tamavu'tamavama nehuta, atupama hanaza vahe'ma zamaza huzankura tamagera okaniho. Na'ankure e'inahukna avu'avapima tagra'ama amivgareta amizankura, Anumzamo'a muse nehie.

Romu 15:18

Mago'a zankura nagra navufga erisaga osugahuanki, Kraisi'ma nagripima erivgarenea eri'zamo higeno, megi'a vahe'mo'za amagera nentaze.

Aposol 20:24

Hu'neanagi navufagura nagesa nontahue, tusi'a zana eri'zani'a erivaga nere'na, Ra Jisasi'ma eri'zama namino vahe'ma zamasmio hu'nea eri'za eri'na Anumzamofo asunku zankura knare nanekea vahera zamasmigahue.

1 Timoti 2:7

Ana zanteku huno nagrira nazeri oti'ne, Anumzamofo mono naneke zamasmi'nena antahisnagu, nazeri oti'nea aposol ne'mo'na, nagra tamage nehue, havigea nosue. Zamufga tga osu vahe (gentiles) rempi huzminena zamentinti hu'za tamage nanekea antahihogu huama nehue.

2 Korinti 5:20

E'ina hu'negu tagra Kraisi agi erita mani'none. Higeno Anumzamo'a vahe'agura tagripi huvazino kea nehie. Ana hita tagra Kraisinku huama nehanunketa tamagra Anumzamo'enena erimago hugahaze.

1 Korinti 4:1

Atregeno vahe'mo'za tagriku'ma antahi ramisazana, Kraisi eriza vahere hu'za nehu'za, Anumzamofo oku'zama eri ama neha'a netre'ne hugahaze.

1 Pita 2:5

Tamagranena asimu eri havegna hu'nazageno, avamupi mono nona kiaza nehigetma, avamupi ruotge prisi vahe'mofo nonkna nehutma, Anumzamo avesi'nea ofa Jisasimpi avamupina hunentaze.

1 Pita 1:12

Zamagrite'ma eriamama hiana zmagra'a zamaza nosazanagi, tamagriku knare musenkema huama hazafina, monafinti'ma e'nea Ruotge Avamumofo hanavere huama nehaze. Ankero vahe'mo'za anama huamama hzazama kesagura, tusiza huno zmavesi'ne.

1 Tesalonaika 5:23

Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

1 Tesalonaika 2:9

Nenafugata tamagra antahi'naze, kenage'ene feru'enema tamuna nehagegeta maraguzatita tagrima taza haniazanku erizana e'nerita, Anumzamofo Knare Musenkea huama nehunana, magomofo knaza eri amisunegu anara nosune.

1 Tesalonaika 2:2

Tagri'ma Filipai kumate'ma tazeri haviza nehu'za, nerahe'za hu'nazazana, tamagra antahi'naze. Hianagi Anumzamo'ma tazeri hanavetigeta, Agri knare musenkea huama huta tamagri'enena neramasamunkeno, maka vahe'mo'za ha'rerante'naze. (Apo 16:19-24, 17:1-9)

Filipai 4:18

Na'ankure rama'aza nagrira namizageno avite'ne, upa'ma hu'noa zama'a mika eri'noe. Na'ankure Epafrotitusi musezama antageno erino e'nefina mananentake zama, kre sramna vu ofagna nehigeno, Anumzamo'a muse huno e'inahu musezana e'nerie.

Efesasi 2:22

Tamagra ana nonkna hutma mani'nazageno, Anumzamo'ene Avamu'amo'a ana nompina mani'ne.

Efesasi 2:18

Na'ankure Agripinti tarega vahe'mota, magoke Avamu e'nerita, Nerfantera vugahune.

Galesia 3:5

Anumzamo'ma Ruotge Avamu'a neramamino, kaguvazama tamagripima erifore hu'neana, Mosese kasege avaririzageno anara hu'nefi? Anumzamofo ke nentahita, Agrite tamamentinti hzageno anara hu'ne?

2 Korinti 11:23

Zamagra Kraisi eriza vahepi? Ama nanekema hanuana neginagi vahe'mo'za nehazankna nehue. Nagra zamagterena tusiza hu'na Anumzamofo eri'za e'nerina, zamagterena kina nompina rama'a zupa manina, rama'a zupa kanonutira nahetere hazage'na frikante vu'noe.

2 Korinti 8:5

Hagi e'inahu hugahaze huta tagesa antahi ozamunanagi, pusazana zamagrazmi Ramofo amite'za, Anumzamofo avesite tagrira tami'naze.

1 Korinti 6:19

Tmavufamo'a Ruotage Avamumofo mono no me'negeno, Ruotge Avamuma Anumzamo'ma tmagri'ma tmi'nea avamumo'ma anampinkama mni'neana tamagra ontahi'nazo? E'ina hu'negu tamagra 'a su'ana omni'naze.

1 Korinti 3:5

Apolosi'a inanknahu nere? Poli'na iza'ne? Tagra eri'za vahetfa mani'no'e. Ramo hurantegeta tagra eri'zana e'neru'e. Anumzamo tagripi huvazino tamaza higeta tamentinti'a hu'naza eri'za ne' tre'ne.

Romu 15:29

Nagra antahinoe tmagritegama esu'na, Kraisi asomumo avitenenkena egahue.

Romu 5:5

Hagi amuhama humita avega anteta mani'nona zamo'a, amuhama hu'nazana erinotre. Na'ankure tagra antahi'none Anumzamo'ma Ruotge Avamu tamigeno, avesizama'a Ruotge Avamu'afi huvazino tagu'afi eritagi avinete.

Aposol 22:21

Anante Ramo'a anage huno nasami'ne. Vuo! Na'ankure afete hugante'nugenka megi'a vahepi ke'ni'a erinka ome zamasmigahane hu'ne.

Aposol 20:32

Hagi menina nagra Anumzante'ene, Agri asunku'zamofo kere maniho hu'na huneramantoe. Ama kemo'a tamazeri hanave netina, ruotage'ma hu'za mani'naza nagapi tamagra erisanti haregahaze.

Aposol 13:2

Anamo'za Ramofonte mono hunente'za, ne'za a'o hu'za nunamu nehzageno, Ruotge Avamu'mo'a anage hu'ne, Banabasine Soli kizni huhampri znante'keno, eri'za eriogu hua eri'zana eri'o hu'ne.

Romu 15:19

Ruotge Avamumofo hankavefine, avame'zane, ruzahu ruzahu'za kaguvaza erifore hu'zamofo hanavere, Kraisi musenkea Jerusaleti huama hu'na Ilirikium kaziga (Masedonia-Italy) ome huvgare'noe.

Romu 15:20

Hianagi nagra, Kraisi agima nohaza vahepi knare musenke huama hu'na zmasamisuegu, tusi'za huno navenesiankina nagra rumo'za kinaza tratera nona nonkue.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.