Romu 14:18 - Kamano

¹⁸ Na'ankure iza'o Kraisima ama ana avu'avatetima avaririsimofona, Anumzamo'a muse hunetesigeno, vahe'mo'za nege'za hugnare huntegahaze.

Anumzamofo Routage Avantafere

¹⁸ Na'ankure iza'o Kraisima ama ana avu'avatetima avaririsimofona, Anumzamo'a muse hunentesigeno, vahe'mo'za nege'za hugnare huntegahaze.

Romu 14:18 Referans Kwoze

2 Korinti 8:21

Anumzamofo avurekera fatgo huta omanisunanki, vahemofo avure enena fatgo huta manisunazanku tavenesie.

1 Pita 2:20

Tamagrama haviza hu'nenage'za, havizamofo nona hu'za tamazeri haviza hanazana, mago knare'zana e'origahaze. Hianagi tamagrama knare tamavutmazama nehanage'za, tamazeri havizama hanazana, Anumzamo'a asomu huramantegahie.

1 Pita 2:5

Tamagranena asimu eri havegna hu'nazageno, avamupi mono nona kiaza nehigetma, avamupi ruotge prisi vahe'mofo nonkna nehutma, Anumzamo avesi'nea ofa Jisasimpi avamupina hunentaze.

2 Korinti 5:11

E'ina hu'negu Ramofo koro hunte'za antahi'ama hunonku, hanavetita vahe'mokizimi antahintahia eriama huta nezamavrone. Hianagi Anumzamo'a tageno antahino hu'ne, hagi nagrama nentahuana tamagranena tageta antahita nehaze.

1 Pita 3:16

tamagu'tamagesafina ama' huta fatgo hutma maniho. E'inahu'ma hanutma, Kraisi'enema knare'ma hutma mni'naza zanku'ma havigema humaneramantesia vahe'mo'za zmagazegu hugahaze.

1 Timoti 5:4

Hu'neanagi mago kento a'ma mofavre'afi, negehoma maninesuno'a esera zamagra rempi hu'za mono'mo hu'nea kante nozamifi zamarera zamafaza kva krizmante'naza nona hu'za kva huzmanteho, Anumzamofona e'inahu zanku ave'nesie.

1 Timoti 2:3

E'inahu zamo'a Anumza Tzahu ne'mofo (Savior) avufina knare nehigeno musena nehie.

Kolosi 3:24

Kagra Ramofontegatima musezana erisintiharegahane hu'nea zana erisana zankura ko antahinane. E'i Ramofo Kraisi erizama enerinane.

Filipai 4:18

Na'ankure rama'aza nagrira namizageno avite'ne, upa'ma hu'noa zama'a mika eri'noe. Na'ankure Epafrotitusi musezama antageno erino e'nefina mananentake zama, kre sramna vu ofagna nehigeno, Anumzamo'a muse huno e'inahu musezana e'nerie.

2 Korinti 6:4

Hakare'azama humpina Anumzamofo eriza vahe mni'none huta eriama nehune. Hakare'a knazampima ufronana kazigazi huta nevuta, maka tatafima nevuta, knazampina unefronke'za,

2 Korinti 4:2

Hianagi tagra agazegu huno oku'a huga avu'avara nosune, vahe'mokizmi rezmatga huta zmazeri havizahu avu'avazana nosuta, Anumzamofo kegaga eriruvahe huta vahe'mokizmia rezmatga nosune. Hianagi Anumzamofo avure ene vahe'mokizmi antahizampina, tagripina tamage'zamo eama hanigeza kegahaze.

1 Korinti 7:22

Hu'negu i'zano, kazokzo eri'za vahe mani'nesigeno, Ramo agi hu'nesimo'a, Ramofompina kina vahera omnigahie. Anankanteke kina vahe'ma omni'nenigeno agi hunesimo'a, Kraisi kazakzo eri'za vahe manigahie.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

Romu 14:4

Kagra izaga rumofo eri'za vahera refko hunezmantane? Agri'a kva'amo refko hunteno, kagra eriza ka'are otigahananki, kagra evuramigahananki huno huntegahie. Hu'negu Ramoke azeri otisigeno, otino manigahie.

Romu 12:11

Tamavesra osutma hanavetitma eri'zana erinkeno, Avamumo'a tamazeri otina Ramofo eri'zana eriho.

Romu 6:22

Hu'neanagi menina kumimo'a kina reoramantegetma Anumzamofo kazokzo eri'za vahe'a mani'nazageno, e'i ana avu'avazampinti tamazahu'zana enerizageno, sese huramanteno tamazeri ruotage huno, manivava tamasimu tamamigahie.

Aposol 10:35

Hianagi mika kotegati vahe'mo'za (nation) Agri'ma koro hunte'za, fatgoma hu'neazama nehaza vahera, Agra avesi nezmanteno, Agrarega zamarenente.

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Maki 13:34

Amanahu hugahie, mago ne'mo afete vunaku, kazokzo eriza vahe'a noma'a kegva hiho hunezmanteno, magoke magoke eri'za vahe'a eri'za refko hunezamino, kafante kva nekura kavu antenka maninenka kva hu so'e huo huno hunte'ne.

Jenesis 4:7

Hianagi kagra'ma knare'za hnanke'na, Nagra muse hugantegahue. Hanki kagrama havizama hnankeno'a, kumimo'a kazeri kagaterega hianagi kagra hankavetinka mani'nenka kumira azeri agatero.

2 Korinti 5:9

E'ina hu'negu ama mopafima manisunano, Ramo ene umanisunano, Anumzamofoma ra agima amisunazankuke nehune.

Filipai 4:8

Vgare nanekea nafuhetane nasarhetma maka knafina tamavutamavama hanazana, na'amo tamage zana me'ne, na'ante vahe'mo'a antahi nemie, na'amo fatgoa hu'ne, na'amo avu sese hu'ne, na'amo vahe'mofona asane hugahie. Na'amo agi'a erisaga hugahie. So'e zantfama me'neniane, husga hunte'zama me'nesiana, anazante antahintahi nehutma hampona hutma maniho.

1 Pita 2:12

Hagi maka kna tamagra megi'a vahe'mokizmi amunompima mani'netma, knare tamavutmava nehinke'za, zamagrama huhavizama huramantesu'za, knare tamavutamavaza zamagra nege'za, Anumzamo'ma refkoma hania knarera, ana tamavutamava hu'naza zankura, Agi erisaga hugahaze.