Romu 11:22 - Kamano

²² E'ina hu'negu Anumzamofo fru avu'ava ene hihamu avu'ava'anenku tamagesa antahiho. Trakama hzamokizmia Anumzamo'a zmazeri haviza neheie. Hianagi tamagrira fru avu'ava hurmantegahie. Tamagrama Anumzamofo fru avu'avazma huta ovnageno'a, ru tamagri enena ana zanke huno hantgi tamatregahie.

Anumzamofo Routage Avantafere

²² E'ina hu'negu Anumzamofo fru avu'ava ene hihamu avu'ava'anenku tamagesa antahiho. Trakama hzamokizmia Anumzamo'a zamazeri haviza nehie. Hianagi tamagrira fru avu'ava hurmantegahie. Tamagrama Anumzamofo fru avu'avazama huta ovanageno'a, ru tamagri'enena ana zanke huno ru hantagi tamatregahie.

Romu 11:22 Referans Kwoze

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

1 Korinti 15:2

Ama'i ana knare musenkereti tmahokeno tamagu'vazineanki, tamagra ma amama huama nehua kema azeri akonama osnageno'a, tamentintimo'a amne'zankna hugahie.

Joni 15:2

Hakare azankuna'amo Nagripi me'neno rga reontesimofona, Agra akafri netreno, hakare azankuna'amo rga rentesiana, mago'ene traga huno eri fatgo hanigeno, aguheno rga rentegahie.

Revalesen-Hufo Hu'ne 2:5

E'ina hu'negu kagrama trakama hunante kagesa nentahinka, ese'ma kagu'a rukrehe nehunka hunana kavukva hunka, kagu'a rukrehe huo. Anama osananke'na, e'na tavika'ama me'neretira emeri atregahue.

Galesia 6:9

E'ina hanigu knare avu'avama hu'zankura tavesra osanie. Tagrama hanavetita erizama erisuta, nezama kafi knazupa knare ne'za kafigahune.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Hibru 10:23

Fore hugahie huta tamentinti nehuta huama nehuna zana azeri hanavetisune. Na'ankure huvempama hurantenemo'a hugahuema hu'neazana amanehu nere.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

Joni 8:31

Jisasi'a, Jiu vahe zamentinti hu'namokizmia amanage huno zamasmi'ne, Nanekeni'a miko knama erizafa huvava hanuta, tamagra Nagri namage ante disaipol naga manigahaze.

1 Tesalonaika 3:8

Na'ankure tagrama menima tasimu erita mni'nonana, tamagrama Ramofompi hanavetitama mni'naza zamo higeta tasimura erita mani'none.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Luku 8:15

Hianagi tima'ane mopafima rurani'nea avimzana, Anumzamofo kea e'i anamo'za antahite'za azeri antrako hu'za, tamage hu'za fatgo zmarimpareti nena raga'a rente'za kazigazi hu'za nevaze.

1 Tesalonaika 3:5

E'ina agafare nagrama avega antena manigama nosuna, reramatagamahu ne'moma reramatga huzanku koro nehuna, tagrama erizama tamagripima eri'nona erizamo amnezankna huzanku, tamamentinti eme kenogu nagra Timoti hunte'noe.

1 Joni 2:19

Zamagra tagripinti tatre'za vu'naze, hianagi zamagra tagri naga tfana omani'naze. Na'ankure zamagrama tagri naga'ma mani'naresina, zamagra tagrane manizasine. Hu'neanagi zamagra atre'za tagripinti vu'naza zamo'a, taveri hiana, maka'mo'za tagri nagara omani'naze.

Romu 11:21

Na'ankure Anumzamo'ma olivi zafamofo azankuna'a eri hantgima zmatrenesuno'a, tamagri enena tmatresigeta omnigosaze.