Revalesen-Hufo Hu'ne 13:6 - Kamano

⁶ Hanki ana afi zgamo'a agira aka huno, Anumzamofona azanava kea hunenteno, Agi'amofona huhaviza hunenteno, Agri nagama monafinka mono noma'agna hu'za mni'naza nagara, huhaviza huzmante'ne.

Anumzamofo Routage Avantafere

⁶ Hanki ana afi zagamo'a agira aka huno, Anumzamofona azanava kea hunenteno, Agi'amofona huhaviza hunenteno, Agri naga'ma monafinka mono noma'agna hu'za mani'naza nagara, huhaviza huzmante'ne.

Revalesen-Hufo Hu'ne 13:6 Referans Kwoze

Revalesen-Hufo Hu'ne 12:12

Na'ankure ama ana agafare, monafinka mni'namota muse hiho. Hianagi mopane hagerimoka kva hi'o, na'ankure hankromo'a tanaagrite ko uramine, keno antahinoma hiana osi'agna me'negeno, tusi rimpa nehegeno uramine.

Hibru 9:24

Na'ankure Kraisi'a vahe'mo azanu ki'nea mono nompina uofrene. Hagi mona kumapi tagriku huno Anumzamofontera amuno nera mani'ne. Mono hunte'naku kintenaza mono nompi Agra uofre'ne. Na'ankure monafinka me'nea mono nomofo avame'zane.

Matiu 15:19

Na'ankure agu'afinti havi antahintahizane, vahe ahe fri'zane, monko'zane, arave osu'neno monko'za hu'zane, kumzafa sezane, havigegu eri tamage hu'zama, knare vahe'mofo huhaviza hunte'zana ne-e.

Matiu 12:34

Tamagra ha' osifave'mofo mofavre kevu mni'naze, havizama nehana vahe'moka, inankna hunka knare'zana hugahano? Na'ankure krimpafi me'nea kea kagi'mo nehie.

Revalesen-Hufo Hu'ne 21:3

Anantera antahugeno kini tratetira, ranke huno anage hu'ne, keho, Anumzamofo mono nomo'a vahe'ene nemaniankiza, Agra zamagrane nemanisigeno, Agri vea zmagra nemanisageno, Anumzamo Agra'a zamagri amu'nompina manigahie.

Revalesen-Hufo Hu'ne 18:20

Monamokane, Anumzamofo nagamotane, aposol nagamotane, kasnampa nagamotanena muse hiho, na'ankure ana a'mo'ma tamagrima tami'nea knazantera Anumzamo'a refko huno mizama'a nona huno nemie.

Revalesen-Hufo Hu'ne 11:12

Hagi ana netre'mokea nentahikeno, monafinti ranke huno, amare emareri'o huno higene, ha'ma reznante'naza vahe'mo'za negazageno, hampompi monafi marerina'e.

Revalesen-Hufo Hu'ne 7:9

Anazama hutegena kogeno, tusi'a vahekrefa mago'mo'e huno hamprigara osu'nea vahe'mo'za maka kumapinti ene, naga nofipinti ene, vahepinti ene, maka agerupinti ene, Sipisipi Afu Anentamofo tra'mofo avuga, efeke zaza kukena hu'ne'za, zmazampina tofe zafamofo ani'na hantagi'za erine'za oti'naze.

Revalesen-Hufo Hu'ne 5:13

Hanki maka'zama tro huzmantege'za zamasimu ante'za monafine, mopafine mopamofo agu'afi mni'naza zgamo'zane, hagerimpi mani'naza zgamo'za, nentahuge'za anage hu'za, Kini trate'ma mani'nemo'ene sipisipi anentamo'a asomu'ene ra agine, kegvamahu hanavemo'a, Znagrite mevava hugahie hu'za hu'naze.

Revalesen-Hufo Hu'ne 4:4

Ana kini tramofona 24'a kini tratami manegorave huntegeno, ana 24'a kini tratera ugota kva vahe'mo'za mni'ne'za, efeke zaza kukena hu'za, kolire kini fetori zmasenirera antani'naze.

Revalesen-Hufo Hu'ne 4:1

Ama anazama evutege'na, nagra kogeno, mona kafamo'a anagino ruhagro higeno, ese ageruma antahi'noa agerumo ufe krafa hiaza nehigena antahugeno, Nagrikura anage huno hu'ne, Amare egena, amazama evanigeno, henkama fore'ma hania zana kaveri haneno.

Hibru 9:2

Seri mono nompina tarefi hunaragintene. Ese'ma hunaragintepinka tavima rekru hunte azota megeno, nezante sipa megeno ana agofetura breti me'ne. E'i anama hunaragi ante'neama'agura ruotge hu'ne hu'za nehaze.

Romu 3:13

Zamagerumo'a neginagi huno mati kerigamo hagaro huriankna nehie. Zamagefunafina havigemo avite'ne. Ha' osifavemofo avuatga zama'amo zamagitera me'ne. (Sam-Zga 5:9)

Kolosi 2:9

Na'ankure Kraisi'a tagrikna huno ama avufgare mani'negeno, Anumzamofo avu'avamo'a mika Agripi avitene.

Kolosi 1:19

Na'ankure Nemofompima Anumzamo'a Agra'a manivitesigu musena nehie.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Revalesen-Hufo Hu'ne 7:15

Na'ankure ama ana agafare, Anumzamofo kini tra avuga oti'ne'za hanine zgenena Agri ra mono nompi eri'zama'a erinentazankino, tratema mni'nemo'a, Agra kegva huzmantegahie.

Revalesen-Hufo Hu'ne 15:5

Anantera ama anazama fore'ma hutegena, Anumzamofo agi agenkehu seli mono nomo'a monafina anaginegena kogeno,