Revalesen-Hufo Hu'ne 12:9 - Kamano

⁹ Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Anumzamofo Routage Avantafere

⁹ Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahe'ma rezmatgama nehia nera, asgafetregeno ankero naga'ane mopafi erami'naze.

Revalesen-Hufo Hu'ne 12:9 Referans Kwoze

Luku 10:18

Jisasi'a ana kezmirera anage hu'ne, Sata'a monafinti kopsinamo hiankna huno takauneregena ke'noe!

Joni 12:31

Menina ama mopa refkohu knae, menina ama mopafi kva hu'nea nera retufe atregahie.

Revalesen-Hufo Hu'ne 20:10

Hagi rezmatga hu'nea hankromofone, afi zgane, havige kasnampa ne'ma matevu zmatreniana salfa havere nerea teve tirupi mate vuzmatrena, zamagra anampina manine'za hanine zgena zmata erivava hugahaze.

1 Joni 5:19

Tagra antahi'none, Anumzamofo mofavre naga mani'nonkeno, ama mopamo'a havige ne' Sata hanavefi me'ne.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Jenesis 3:1

Ra Anumzamo tmage huno maka zgagfa mopafi trohu zamante'nefintira, osifave'mofo antahi'zamo zamagatere'ne, hozafima me'nea zafa rgagura, Anumzamo tmagerfa huno mika one'o huranante'nefi?

Revalesen-Hufo Hu'ne 12:7

Hanki tusi'a ha' monafina fore hu'ne. Maikoli ene ankero naga'amo'za, osifavene ana osifavemofo ankero naga'a hara huzmante'naze.

Joni 8:44

Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Revalesen-Hufo Hu'ne 20:8

atiramino nevuno, zge hanati kazigane, zge ufre kazigane rugaraga soparegama ama mopafi mni'naza vahera rezmatga huno, Goku vahe'ene Megok vahe'ene ha'ma hanagura vahera zmazeri atru hugahaze. Ana vahe'mofo nampamo'a hagerinkenafi kasepankna hu'za atru hugahaze.

Revalesen-Hufo Hu'ne 12:3

Anantera ru avame'za monafina efore higena kogeno, mago agaza hunte koranke osifavemofona, 7ni'a agenopa me'negeno, 10ni'a pazive hanatinegeno, aseniramintera 7ni'a kini fetori me'ne.

Revalesen-Hufo Hu'ne 9:1

Anantera nampa 5fu ankeromo'a ufe regeno, monafinti hanafimo'a mopafi atafariramigena kogeno, riga omne kerimofo kinofira ami'ne.

Revalesen-Hufo Hu'ne 2:24

Hanki mago'a Taiataria mni'nazamota Jesebelima rempi huraminea kea amagera nontetma, rempima huraminea kea azenoritma, Satana oku'a antahintahia nontahitma, zamagrama hu'naza zana osu'nazankina, Nagra mago'a knazana ontamigahue.

Revalesen-Hufo Hu'ne 2:13

Nagra antahi'noe, Sata'ma kini tra anteno mani'nea kumate mani'nenka, Nagri nagima azeri hanavema'tinanana, Sata'ma mani'nere'ma mni'nankeno, Nagri naneke huama nehia ne'ma, Antipasina tamagri amu'nompinti avare'za ahe'naze. Ana hazanagi tamagra Nagrite'ma tamamentintima hu'naza zana otretfa hu'naze.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

2 Korinti 11:14

Na'ankure antri osiho, Sata'enena krunage huno msa ankero vahe kna hugahie.

2 Korinti 2:11

E'inahukna hanuta Sata reravataga hania zampintira evuoramisune. Na'ankure ko Sata reraheno kenaku tro hunte'nea havi antahizama'a, keta antahita hu'none.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Luku 22:31

Saimonivoe Saimonivoe, Kagra antahio, witi rgamofo anoma'a hareankna huno Sata'a regaheno kenaku nehie.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

Luku 22:3

Ana nehzageno, Jisasima amage'manentaza 12fu'a disaipol nagapinti, mago zmimofo Judasinku, Iskarioti'e nehaza ne' agu'afi Sata'a ufrene.

Luku 8:12

Hanki mago'a avimaza kamofo ankinare evurami'neana, Anumzamofo kema antahinaze. Hianagi aru zamentinti nehu'za so'e hu'za mni'zanku, Sata'a eno zamagu'afinti ana kea emeri atre'ne.

Matiu 25:41

Nehuno anante aza hoga kazigama mani'namokizmia amanage huzmantegahie, tamagra kazusifi mani'naze, maniganeta kefo nemofone, ankero naga'amofoma retro'ma huzmante'nea tevava tevefi ufreho.

Matiu 4:10

Anante Jisasi'a agriku huno, Sataga manigno! Na'ankure Anumzamofo avontafepina anage hu'za krente'naze, Kagra Ra, Anumzanka'a Agrike krena renka monora huntegahane, nehunka Agri eri'za erintegahane hu'ne. (Diu-Kas 6:13)

Matiu 4:8

Ete ru'ene Sata'a avreno Jisasina mago za'za agonarega mrerino, maka mopa kagi'afina avenerino, konariri zama'a averi hu'ne.

Matiu 4:5

Anantetira Sata'a, Jisasina avreno Jerusale ruotge ra kumate vuno, ra mono nomofo amumpare ome antege'no oti'negeno,

Matiu 4:1

Anante Jisasina Avamu'mo avreno vahe omni ka'ma mopafi Sata revatga hinogu vu'ne.

Jenesis 3:13

Anante Ra Anumzamo ana a'ku huno, kagra e'izana naza hu'nane? Huno antahigegeno a'mo kenona hu'no, osifavemo renavatga hige'na tagi'na ne'noe.

Revalesen-Hufo Hu'ne 19:20

Ana nehazageno ana afi zgane, havige kasnampa vahe'ene zanazerino kina reznante'ne. Ana kasnampa vahe'mo'a, afi zgamofo avure ruzahu ruzahu avame'za eri fore nehuno, ana afi zgamofo nampama eri'naza vahe'ene, afi zgamofo amema'are mono hunentaza vahe'ene rezmataga hu'ne. E'ima rezmatga hu'nea kasnampa vahe'ene ana afi zgane mani'nakeno havere tevava nehia teve tirupi znavre atrenigeke manigaha'e.

Revalesen-Hufo Hu'ne 16:14

Na'ankure zmagra hankrotamimofo avamutamimo'za, avame'zana erifore nehu'za, maka ama mopafi kini vahete vu'za ome zmazeri atru nehu'za, tusi'a hihamu hanave'ane Anumzamo'ma vahe'ma refko hania knarema, ha'ma hanagu zmazeri retro hu'naze.

Revalesen-Hufo Hu'ne 13:14

Ana nehuno mopafima mni'naza vahera rezmataga hu'ne, na'ankure nampa 1ni afi zgamofo avufina, ruzahu ruzahu avame'za nehuno, nampa 1ni afi zgama koma kazinknonu ahazageno friteno asimuma erinea afi zgamofo amema'a tro hiho huno zmasami'ne.

Revalesen-Hufo Hu'ne 9:20

Hagi ana knazamo'ma ozmahege'za mni'naza vahe'mo'za, kumi'ma hu'naza zankura zmagu'a rukrehera nosu'za, hankromofona mono hunonte'za, zamagra'a zmazampinti kolire'ene silvare ene brasire'ene havere'ene, zafa atupare'ene, zmavua onkege zmagesa ontahige kaza osu'za tro hunte'naza zante monora hunte'naze.

Revalesen-Hufo Hu'ne 3:9

Ko, Sata mono nagamo'za hu'za, Jiu vahe mani'none nehu'za havige nehaza vahera, Nagra zmatufesuge'za e'za, tamagri tamagafi eme zmare'nare'za, tamage Nagra tamavesi neramantoe hu'za, zamagra ke'za antahiza hugahaze.

Revalesen-Hufo Hu'ne 2:9

Nama'agna kazeri haviza nehazageno, kamunte omne'neana Nagra antahi'noe. Hianagi kagra tusia feno vahe mni'nane, zamagrama Jiu vahe mni'none nehazanagi, zamagra Jiu vahera omni'naze. Hianagi zmagra Sata naga mani'naze.

Juti 1:9

Hu'neanagi Maikoli ugota ankero ne'mo, Mosese avufama erinaku keha'ma Sata'enema nereno'a, huhavizana huonte'ne. Hianagi Ramo'a kagrira kea kasuno kea hugantesie huno Satana asami'ne.

Hibru 2:14

Mofavre'mo'za zamavufgane korane mani'nagu, Agranena zamagrikna huno ama avufare eme frino, fri'zamofo hankavema sata'ma kinama hurante'nea hanavea azeri amnezankna hu'ne.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

1 Timoti 2:14

Adamuntera revatga zana fore osu'ne, hagi a'mofo revatga higeno, kumi'pina traka hu'ne.

2 Tesalonaika 2:3

Atrenkeno mago kampintira vahe'mo'za reramatga osino, na'ankure ana kna fore osu'nenigeno, kote'zana rama'a vahe'mo'za Anumzamofona zamefi humitesageno, kasegema rutagre ne'mo'a efore nehina, ana ne'mofona azeri haviza hugahie.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

2 Korinti 12:7

Na'ankure oku'ma me'nea knarezantafama Anumzamo naveri higena ke'noe. Hianagi e'inazante negena ra nagi erizankura, nekzagna zamo navufgafi nenreana, e'i Sata eriza vahe'mo nata nenamino, nazeri haviza nehiankina navufga ra osnugu anara nehie.

Romu 16:20

Arimpa fru Anumzamo'a kofa huno Satana, kagafi azeri antefenka anteno rehapatigahie. Rantimofo Jisasi Kraisi asuntgizamo'a tamagra ne mesie.

Aposol 5:3

Hu'neanagi Pita'a anage hu'ne, nahigeno Ananaiasiga Sata'a kaguafina efregenka ruotge Avamura revataga hunka mago'a zgoa mopama atrantetira refko hunte'nane?

Joni 16:11

Hagi kema refko haniaza eme huramerigahie, na'ankure ama mopa kva hu'nemofona hago keaga hunte'noe.

Joni 14:30

Nagra za'zatera nanekea ontamasmigahue, ama mopa kva nehia ne' Sata'a hago ne-e, agrira hanave'a omne'neankino, Nagrira nagateoregahie.

Luku 13:16

Hanki ama ara Abraha mofakino, Sata'a zaza kna 18ni'a kafuzgefi kina rentegeno mani'nege'na, mni fruhu (sabat) knazupa katufe netrogeta, mni fruhu knagi anahura osuo hutma nehazo?

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Matiu 13:39

Hagi ha' vahe'mo havi traza kri'neana Sata'e. Hozama hamre kna, mopa vgare kne, hoza hamare vahera, ankero vahezge.

Revalesen-Hufo Hu'ne 18:2

Hanki agra hanavege huno, tusi'a Babiloni kumamo'a evuramie, evuramie! Ana a'mo'a havi hankromo'za mani kuma tro nehigeno, maka agru osu avamu tamimo'za kina hanaza kuma fore nehuno, maka agru osu nma zgamo'za mni'naza kuma fore nehuno, agru osu afi zgamoza mni'naza kuma fore hu'ne.

Revalesen-Hufo Hu'ne 18:23

Hagi ramumofo msa'a mo mago'ane remsa huogantesigeno, a'ma eri'kuma hania ne'ene, vema erikuma hana'a zanagasasankea ontahigahane. Na'ankure kagri vahe'moza zgonu mizaseza zgore netraza nagamo'za (bisinisi) maka mopafi vahe'mofo avurera ra vahe mani'nazangi, maka mopafi vahera kagra avuatga zanka'reti rezmataga hu'nane.

Revalesen-Hufo Hu'ne 12:8

Ana osifavemofo ankero nagamo'za hanavezmia omnege'za, hara agateregara osazageno monafima manisaza kumara omnene.

Revalesen-Hufo Hu'ne 12:12

Na'ankure ama ana agafare, monafinka mni'namota muse hiho. Hianagi mopane hagerimoka kva hi'o, na'ankure hankromo'a tanaagrite ko uramine, keno antahinoma hiana osi'agna me'negeno, tusi rimpa nehegeno uramine.