Matiu 6:24 - Kamano

²⁴ Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Anumzamofo Routage Avantafere

²⁴ Mago'mo'a tare kva netrentera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zagore'enena erizana eri otegahane.

Matiu 6:24 Referans Kwoze

Luku 16:13

Mago eri'za ne'mo'a tare ozafarera eri'zana e'origahie, mago'mofona antahi haviza hunenteno, mago'mofona avesi ontegahie. Huge mago'mo'ene mani trago neteno, mago'mofona atregahie. Kagra Anumzante ene zgorera eri'zana eri'ontegahane.

Jemisi 4:4

Tamagra monko a'nemo hiankna hutma, ru anumzante mono hunentaza vahe'motma, ama mopafi avu'avazamofonte'ma tragoneteta ana avu'avama hanazana, Anumzamofona ha'rentegahazanki tamagra ontahi'nazo? E'ina hu'negu iza'o ama mopafi zante tragotesimo'a, Anumzamofo ha' vahe fore nehie.

Galesia 1:10

Na'ankure nagrama e'inagema nehuana, vahe'mo'za antahi so'e hunantege, Anumzamo antahi so'e hunantenogu nehufi? Hifi nagrama mraguzamanetuana vahe'mo'za antahi muse hunantehogupi? Nagrama vahe'mo'za antahi muse hunante'nazegu'ma nehanuna, Nagra Kraisi kazokzo eri'za vahera omni'noe.

Matiu 4:10

Anante Jisasi'a agriku huno, Sataga manigno! Na'ankure Anumzamofo avontafepina anage hu'za krente'naze, Kagra Ra, Anumzanka'a Agrike krena renka monora huntegahane, nehunka Agri eri'za erintegahane hu'ne. (Diu-Kas 6:13)

Luku 16:11

Kagrama ama mopafi fenozama kegvahu fatgo osnankeno'a, iza tamage fenoma kvama kri'zana kamigahie?

1 Timoti 6:17

Ama mopafi feno vahe mani'naza vahera huzamasmige'za, ana fenozantera zamufa ra osu'za, ana fenozantera zamentinti osiho, hianagi Anumzamofonte zamentinti hiho, Agrama maka'zama tmigeta eneruna'zanku huta muse hugahune.

Luku 16:9

Amanage hu'na nagra neramasmue, fenoma erinka ama mopafi fatgo osu'zantema netrana zana, netrenka vahera zamazeri knampa huzmante'negeno, ana fenoma vagama resige'za, muse hu'za kavare'za mani vava nozamirega vugahaze.

2 Timoti 4:10

Na'ankure Demasi'a, ama mopafi zanku avenesigeno, nagrira natreno Tesalonaika kumate vu'ne. Kreseni'a Galesia kumate vigeno, Taitusi'a Dalmatia kumatega vu'ne.

Jenesis 47:17

Hige'za afu zgazmia avre'za Josefente ageno, hosima, Sipisipima, memeki'ma bulimakaoma, donki afu'zgare nona huno Josefe'a nezana nezmino, nezanteti kegva ana zge kfufina huzmante'ne.