Matiu 27:40 - Kamano

⁴⁰ amanage hu'naze, Kagra ra mono nona tapage hunka tagufa knafina ete kivga'regahue hu'nane, hagi Anumzamofo Mofavre mani'nesnunka kagraka'a kza hunka rugeka zafaretira eramio.

Anumzamofo Routage Avantafere

⁴⁰ amanage hu'naze, Kagra ra mono nona tapage hunka tagufa knafina ete kivaga'regahue hu'nane, hagi Anumzamofo Mofavre mani'nesnunka kagraka'a kaza hunka rugeka zafaretira eramio.

Matiu 27:40 Referans Kwoze

Matiu 26:61

Jisasinku anage hu'na'e, Ama ne'mo Anumzamofo ra mono nona tapage hu'na tagufa knafi ki vgaregahue, huno hu'nea nere.

Matiu 4:6

anage huno Jisasina asmi'ne, Kagrama Anumzamofo Mofavrema mani'nesunka, Kagra amareti takauro, na'ankure Anumzamofo avontafepina anage hu'za krente'naze, Anumzamo'a ankero naga'a kagriku huno huzmantesige'za, zmagra zmazanteti kazeri sga hanagenka kagra haverera kagia kavavera onkahegosie. (Sam-Zga 91:11-12)

Matiu 4:3

Revatga hu ne'mo anante ehanatino Jisasinku anage hu'ne, Kagrama Anumzamofo mofavre mani'nesunka, ke nehugeno ama have'zgamo'a breti fore hino.

Revalesen-Hufo Hu'ne 11:10

Hagi mopafima mni'namo'za ana kasnampa netrema frina'a zankura musena nehu'za, ana zankura nezana retro hu'za nene'za, musezana omi ami hugahaze. Na'ankure ana tare kasnampa netremoke mopafima mani'naza vahera zmatazama zminaza zanku, ana musena hugahaze.

Luku 16:31

Ana hianangi Abrahamu amanage huno asami'ne, I'o. Moses nanekene, kasnampa vahe'mokizmi nanekema nontahisu'za, inankna hu'za fripinti otino ome zamasami'nia kerera zamagu'a rukrehe hugahaze huno hu'ne.

Matiu 27:54

Anante 100ti'a sondia vahe'mokizmi kva ne'ene, mago'ama Jisasinte kvagri'naza sondia vahe'moza imima enerigeno fore hiaza nege'za tusi kore nehu'za, Tamage ama Nera Anumzamofo Mofavre! hu'naze.

Matiu 27:42

Ru vahe'mokizmi zamagu vazineanagi Agra'a agura novazie. Israeli vahe'mokizmi Kinima maninesuno'a! Atregeno rugeka zafaretira menina eraminketa, tagra Agrite tamentinti hamaneno.

Matiu 16:4

Ama knafi havi tamutma ene tamentinti netraza veamotma avame'zanku nantahi negazanagi, mago avame'za eri fore ha'nena onkegahzanki, kasnampa ne Jonama hu'nea avame'zanke kegahaze. (Jona 1:17–2:10)

Matiu 27:41

Anahu kante anteza ugagota prisi vahe'mozane, kasegere ugagota hunaza vahe'mozane, ranra vahe'moza azanva ke nehu'za amanage hu'naze.