Matiu 25:21 - Kamano

²¹ kva'amo'a kenona hunteno, knare'zantfa hane, kagra knare hunka fatgo eri'za nere. Osi'a zantera knare hunka kegva hanku, nagra kavare antesnugenka rama'a zante kegva krigahane. Hagi enka Nagrane muse eme huo hu'ne.

Anumzamofo Routage Avantafere

²¹ kva'amo'a kenona hunteno, knare'zantfa hane, kagra knare hunka fatgo eri'za nere. Osi'a zantera knare hunka kegava hanku, Kagra kavare antesnugenka rama'a zante kegava krigahane. Hagi enka Nagrane muse eme huo hu'ne.

Matiu 25:21 Referans Kwoze

Matiu 25:23

kva'amo ke nona huno, knare'zantfa hane, kagra knare hunka fatgo eriza nere, osi'a zantera knare hunka kegva hanku, nagra kavere antesnugenka rama'a zante ke kva krigahane. Hagi enka Nagranena musena eme huo hu'ne.

Luku 16:10

Mago'mo'ma osi'zantema so'e huno kegvahu fatgo hanimo'a, anahu kna huno ra'zana kegvahu fatgo hugahie. Hagi osi'zama kegvahu fatgo osanimo'a, ra'zana kegvahu fatgo osugahie.

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

2 Timoti 2:12

Knazama hanavetita mani'neta tagrama erisunana, henka'a Agrane kini kva vahe tro huta manigahune. Agriku ontahi'none huta tagrama hanunkeno'a, tagrikura ontamage'noe huno Agra nena hugahie.

Revalesen-Hufo Hu'ne 3:21

Iza'o ha'ma azeri agateresimofona, Nenfa trate'ma ha'ma azeri agaterena mni'noaza huno, ha'ma azeri agateresimofona, atresugeno Nagri trate magoka manigahu'e.

Joni 14:3

Nagrama vu'na nonkuma tmi ome retro hutesu'na, ete e'na eme tmaresugeta, Nagrama umnisure, tamagra Nagrane umani'gahaze.

Joni 17:24

Nenfaga, Nagri'ma nami'nana vahe'zga, Nagrama manisufi manisazegu navenesie, ana hu'ne'za Nagri'ma nami'nana hanavea kesaze, na'ankure Kagra korapa mopa omne'nea knafi, Nagrite kagu'a antenka hanavea nami'nane.

Revalesen-Hufo Hu'ne 2:10

Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.

Matiu 24:45

Aza'o ke amage'anteno knare antahintahine kazokzo eriza ne'ma mni'nesiana, kva'amo noma'afi vahete kva hunte'nesigeno, ruga'a kazokzo eriza vahera knafatgorera ne'zana zamigahie.

Filipai 1:23

Hianagi tarega kazigati e'nea zamo navazu huno rentrako hu'nenante, na'ankure fri'nama Kraisi'ene umani'snua zamo'a knare zantfa hugahie.

Revalesen-Hufo Hu'ne 7:17

Na'ankure tra'mofo amunompima mni'nea Sipisipi anentamo, kegva huzmanteno asimu erino mni tinkapuite vanigeno, Anumzamo maka zamavunura eri homu huzmante vgaregahie huno hu'ne.

Romu 2:29

Tamage Jiu vahema mni'nakuma hanuza, kasegemofo amage antegahaze. Tamage oku avufgama tga huzana agu'afi tumo'amofo Anumzamofo Avamumo erifore hugahianki, amega avufgare erifore osugahie. E'inama nehaza vahe'mo'za vahe'mofo tegatirompage, Anumzamofontegati ra zmagima erisaza zanku nehakaze.

Luku 12:44

Tamage hu'na neramasmue. Ana nera kva'amo'a huhamprintenkeno, maka zama'a kegva hugahie.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Matiu 24:47

Tamage hu'na Nagra neramasmue, kva'amo eri'za nera huntesigeno, miko zama'arera kegva hugahie.

Revalesen-Hufo Hu'ne 21:7

Iza'o ha'ma agateresimo'a ama anazantamina erisanti haresigena Nagra agri Anumza mni'nena, agra Nagri mofavre manigahie.

Hibru 12:2

Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.

2 Korinti 10:18

Na'ankure agra'agu knare hu'noe huno nehimo'ompage, Anumzamo'ma hu izo hu'nesimoke agra'agura musena hugahie.

1 Korinti 4:5

E'ina hu'negu refko osuta atreta avega ante'nenkeno, huhamprinte'nea knama Ramo'ma esuno'a, Agra hanimpi oku'a frakino vahe'mofo tumopi me'neasizana, emeri ama nehuno, vahe'mofo agu'afi me'nesiazana eriama hugahie. E'i anankna magoke magoke'mofona, Anumzamo huzmasga huzmantegahie.

2 Korinti 5:9

E'ina hu'negu ama mopafima manisunano, Ramo ene umanisunano, Anumzamofoma ra agima amisunazankuke nehune.

Proveps-Knare Nomaniza 14:35

Knare avu'avamahia eriza ne'mofona, kinimo'a muse hunente. Hianagi agazema hu avu'avama nehia eri'za vahera, kinimo'a rimpa ahentegahie.

Proveps-Knare Nomaniza 28:20

Tamagema huno hugahue nehiazama fatgo hunoma nehia vahe'mo'a, rama'a asomu erigahie. Hianagi iza'o ame'ama huno feno vahe'ma maninaku'ma hanimo'a, hazenkefi ufregahie.

1 Timoti 3:13

Ana dikeni eri'zama knare hu'za erisamo'za knare zamagi eneriza, eri'za zamifina otine'za, korera osu'za Krais Jisasintera hanaveti'za zamentinti hugahaze.