Matiu 22:5 - Kamano

⁵ Hianagi anankea ontahiza atre'za vu'za e'za hu'naze. Mago'mo'a hoza arega vigeno, mago'mo'a zgo eri'za ma'are vu'ne.

Anumzamofo Routage Avantafere

⁵ Hianagi anankea ontahiza atre'za vu'za e'za hu'naze. Mago'mo'a hoza arega vigeno, mago'mo'a zago eri'za ma'are vu'ne.

Matiu 22:5 Referans Kwoze

Hibru 2:3

Anumzamo'ma tahoke'neazama tamagenama humisuta, tagra inankna huta rimpa hezana agateregahune? Ama ana tahoke'zana esetera Ramo hu'ama higeno, Agrite'ma zamentintima nehaza vahete amara higeta ke'none.

2 Timoti 3:4

Komoru (betray) hunezmante'za, vaheku antahiozmi'za, osu'naza zante havige hu'za zmavufga ra nehu'za, mopafi mani'zante zamesinente'za, Anumzama avesi antega kana atregahaze.

Romu 8:6

Hu'negu ko'ma kumima nehuna tavutava zanku'ma antahizamo'a fri kante tavreno nevie. Hianagi atrenkeno Avamumo antahintahitamia kva huramantena asimu erino rimpa frune manizampina viho.

Romu 2:4

Kagra nonkano knaza amunanagi knarezantfa huno agazone huneranteno, akoheranteno mani Anumzamo'ma kagri'enema mani'neana? E'i anazamo'a kagritera amneza me'nefi? Kagra nonkano knare'ma hunegantenoma kumipintima kagu'a rukrahema hnazegu'ma knama kaminoma ne-eazana nontahino?

Aposol 24:25

Polima fatgo zanku'ene, avufama kava krino manizanku'ene keagare'ma vahe'ma refako'ma hania zanku'ma kema nehigeno'a, Feliksi'a tusi koro nehuno anage hu'ne, Menina vu'nege'na henka kankamuma mesige'na ke hanugenka ete eno huno asami'ne.

Aposol 2:13

Hianagi mago'amo'za anama haza zankura anage hu'za zamagi'za nereza, zamagra kahefa waini ti ne'za negi nenegahaze! Hu'za hu'naze.

Matiu 13:22

Hagi ave'ave trazampi evu rmi'nea avimazana anahu kna hu'ne, Anumzamofo kea antahiteno, ama mopafi afufenoku agesa nentahigeno, ana zamo avazu higeno Anumzamofo kemo'a nena rga'a reonte'ne.

Proveps-Knare Nomaniza 1:7

Anumzamofonku kore hunteno agorga'a manizana, antahizama erizamofo agafa'a me'ne. Hu'neanagi neginagi vahe'mo'za knare antahi'zane avumro kegura amagena humigahie.

Jenesis 25:34

Jekopu'a bretine, lentol koheki huno amigeno neteno atreno vu'ne. Iso'a, agra'a asomukura antahi amneza se'ne.

Jenesis 19:14

Loti'a mofa'amokizni arave hugaha'e huno huhampri znante'nea ne'tre amanage huno huznante'ne, Anumzamo ama kumara ahe fanane huku nehianki otita vinkero, huno hige'ne, Reravatga nehunka taginke nehane nehu'ne kiza re'na'e.

Matiu 22:4

Mago'ene ruga'a kazokzo eri'za vahera hunezmanteno, anage hu'ne, zmagima hu'noa nagara zmasamiho, Nagra aravehu nezana hago retro huntogeno me'ne. Agusage bulimakao afu'zgani'a, ko ahe'za traga huvazi antazageno, mika'zana retro hunte'ne. Ana hu'negu aravemahu nezante eho.

Matiu 22:6

Ruga'amo'za eri'za vahe'a zmazeri haviza nehu'za, zmahe fri'naze.

Joni 2:16

Maho nmama maketima nehza vaheku, Ama nma avreta viho. Nfa'nimofo nona maketi kumara eri tro osugahaze, huno zamasmi'ne.

2 Pita 2:3

Anama nehaza vahera maka zanku kezmanunu hu vaheki'za, havi kereti tamazeri savri hugahaze. Hianagi Anumzamo'a korapa zmazeri haviza hunaku krunage vahera huhampri zmante'neankino, anama zmazeri havizama haniazamo'a ne-e.