Matiu 13:43 - Kamano

⁴³ Anama hanige'za fatgo vahe'mo'za nezmafa kumapina zgemo remsa hiankna hu'za manigahaze. Iza'o agesama me'nenigeno'a, ama naneke antahise hino. (Dan 12:3)

Anumzamofo Routage Avantafere

⁴³ Ana'ma hanige'za fatgo vahe'mo'za nezmafa kumapina zagemo remsa hiankna hu'za manigahaze. Iza'o agesama me'ne'nigeno'a, ama naneke antahise hino. (Dan 12:3.)

Matiu 13:43 Referans Kwoze

Luku 12:32

Onensa sipisipi afu kevumota korora osiho. Na'ankure tamagri Nafatmimo'a, mona kuma'a muse huno tamiku hu'ne.

Matiu 11:15

Iza'o agesama me'nenimo'a, ama nanekea antahi ankereno.

Matiu 25:34

Anante kinimo'a azantmaga kazigama mani'namokizimigura amanage huno hugahie. Nafa'nimo'a asomu huramante'neanki, etma mona mopa tro osu'nenoma retro huramante'nea kuma emeriho hugahie.

Jemisi 2:5

Antahiho, knare nafuheta, Anumzamo'a ama mopafi vahe zamavufi zamunte omane vaheku' zamentintifi feno vahere huno huhampri zamanteno, Anumzamofo kuma erisanti haregahaze huno Agri'ma avesinentaza vahe huvempa huozmante'nefi?

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

Luku 22:29

Nenfama kuma'ama nami'neaza hu'na, Anumzamofo kumara neramuankita,

Matiu 26:29

Amanage hu'na neramasmue, Meninteti'ma vniana wainia mago'ene one'na henka'a, Nfa'nimofo kumapi tamagra ne ksefa waini negahune.

Matiu 25:36

Navufa navapa mani'nogetma Nagrira kukena hunante'naze. Kri eri'nogeta Nagrira kegva hunante'naze, Kina nompi mani'nogeta, Nagrira eme nage'naze hanige'za,

Maki 4:23

Izano agesa me'nenigeno nentahisimofona, atregeno ama kea antahise hino.