Matiu 13:36 - Kamano

³⁶ Ana huteno ana vahe kevua, zmatreno nompi ufre'ne. Agri'ma amage'ma nentaza disaipol nagamo'za Agrite e'za, anage hu'za asmi'naze, hozafi hage'nea havi trazamofo agu'agesa'a tasmio.

Anumzamofo Routage Avantafere

³⁶ Ana huteno ana vahe kevua, zamatreno nompi ufre'ne. Agri'ma amage'ma nentaza disaipol naga'mo'za Agrite e'za, anage hu'za asmi'naze, Hozafi hage'nea havi tra'zamofo agu'agesa'a tasmio.

Matiu 13:36 Referans Kwoze

Maki 8:9

Ana vahera 4tauseni'a vahe nazamo'za netageno, huzmantege'za vu'za e'za hu'naze.

Maki 7:17

Anage huteno, ana vahe zamatreno Jisasi'a nompi mrenerige'za, amage'ma nentaza disaipol naga'mo'za, ana fronka ke'mofo agafa'agu antahige'naze.

Maki 6:45

Jisasi'a ame huno amage nentaza disaipol naga'a ventifi vugote'za kantu Betsaida kaziga vihogu hunezmantage'za nevageno, vahetaminkura viho huno huzmante'ne.

Matiu 13:11

Jisasi'a ke nona huno, Anumzamofo kumapi oku'a me'nea zantmina kehogu tamaveri nehie. Hianagi zamagrira zmeri nosie.

Matiu 13:1

Ana knareke Jisasi'a nompinti atreno vuno, tiru ankenare umani'ne.

Matiu 9:28

Ana nompima Jisasi ufregeke, ana zanavu asuhu ne'tremokea Agrite e'na'e. Jisasi'a amanage huno zanagriku hu'ne, Amana zana Nagrikura eriamane hugahie hutna, tanamentintia neha'o? Higene zanagra Agriku anage hu'na'e, Ozo Ramoka,

Matiu 15:39

Hagi ananteti Jisasi'a, ana tusi'a vea kevu huzmantege'za nozimirega vu'za e'za nehzageno, botifi mrerino Magatania kaziga vu'ne.

Matiu 14:22

Amage'ma nentaza disaipol naga ame huno huzmanteno, ko botifi mreritma kantu kaziga viho nehuno, anampima mani'naza vahekrerfa huzmantege'za vu'za e'za hu'naze.

Maki 4:34

Agra mago'a kema hunakura fronka kefintike zamasmi'ne. Ana hu'neanagi amage'ma nentaza disaipol naga'ma zamagrake mani'nageno, eriama huno maka'zana zmasami'ne.

Matiu 13:18

Antahiho, Avimza ase'nea fronka kemofo agu'agesa'a, ama'ne,

Matiu 13:25

Hianagi avimaza aseteno umasenegeno, ha' vahe'amo havi traza'mofo avi ana witi hozafi eme neseno vu'ne.