Matiu 13:11 - Kamano

¹¹ Jisasi'a ke nona huno, Anumzamofo kumapi oku'a me'nea zantmina kehogu tamaveri nehie. Hianagi zamagrira zmeri nosie.

Anumzamofo Routage Avantafere

¹¹ Hazageno Jisasi'a ke nona huno, Anumzamofo kumapi oku'a me'nea zantamina kehogu tamaveri nehie. Hianagi zamagrira zameri nosie.

Matiu 13:11 Referans Kwoze

1 Korinti 2:14

Hu'neanagi Anumzamofo Avamu ene omani'nea vahe'mo'a, Anumzamofo Avamutegati esiazana e'origahie. Na'ankure zmagra anazama kesazana neginagi zankna hanige'za, antahi'amara osugahaze. Na'ankure zamagra Avamu'mo zmaza hanige'za antahi ankeregahaze.

Matiu 19:11

Jisasi'a anage zamagriku hu'ne. Amama huntoa kea, hakaremo'a e'origahie. Hagi azano Anumzamo'ma ami'nenimo anara hugahie.

Jemisi 1:5

Hianagi iza'o knare antahintahigu'ma atupama hanuno'a, Anumzamofo antahigenkeno amino, maka vahe'mo'za nunamu hu'za Agri'ma antahigazamokizmia, rimpa heozmante amne nezmiankino, amne tamigahie.

1 Joni 2:27

Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

1 Joni 2:20

Hianagi anage hu'na nehue, Ruotage'ma Hu'nemo, Anumzamo tmagrira huhampri ramantegeta, maka'motma ko antahi'naze.

Matiu 16:17

Jisasi'a anage huno asmi'ne, Saimoniga, Jona nemofoga, asomu hugantesie. Na'ankure vahe'mo amazana erigaveri nosie. Hu'neanagi Nenfa monafi mni'nemo erigaveri nehie.

Efesasi 1:9

Korapa Agri'a agu'afi oku'a me'nea antahi'za eriama huno taveri hu'ne. Kraisi'a zamaza hugahie huno agu'afi atre'nea tzahu'za, Agra'a eriama hu'ne.

Efesasi 5:32

Amama oku'a me'nea antahi'zamo'a, razantfa se'ne, hu'neanagi nagrama nehuana Kraisinku ene, mono kevu'agu nehue.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

Luku 8:10

Agra anage huno zmasami'ne, tamagra Anumzamofo kumapi oku'azana nentahize. Hianagi mago'amo'za fronka kege nentahize. Ana nehu'za, kegahazanagi onkegahaze, antahigahazanagi antahise huza agafa'a antahi amara osugahaze. (Aisa 6:9-10)

1 Korinti 15:51

Oku naneke tmasami'za huanki antahiho, mika'mota ofrigahunanagi tagra ruzahe hugahune.

1 Korinti 2:7

Tagrama nehunana Anumzamofo knare antahintahia, korapa oku'a retro huntegeno me'neazanku nehune. Ana antahintahizana mopa fore osu'negeno oku me'neana, e'i ana antahintahizana, menima tagrama knare hanunku retro hunte'ne.

Joni 6:65

Anante Agra anange hu'ne, ama'na agafare nagra tmagrira tmasmi'noe, mago'mo'a Nagritera omegahie, Nenfa'ma avare namisimoke'za egahie.

1 Timoti 3:9

e'inara osuno ani' agu' agesare mani'neno, Anumzamofonte hanave amentinti hu'neana, azeri hampo'na hino.

1 Korinti 13:2

Hagi kasnampa ke hu muse'zane mika e'neri'na, Anumzamofo oku antahizama'a e'neri'na, mika knare antahi'zana e'neri'na, nagra mika hanave namentintia hanugeno agona retufega hugahianagi, avesinte'zama omne'nenigeno'a ana miko'za hanua zamo'a amnezankna hugahie.

Maki 4:11

Jisasi'a anage huno zmasami'ne, Anumzamofo kumamofo oku'a antahintahia tmagrira ko tamine. Hianagi megi'ama mani'naza vahe'mo'za fronka kege nentahize.

Kolosi 2:2

Nagrama eri'zama e'neruazamofo agafa, zamagu'a zamazeri hankavenetisuge'za zmavesizampina erimago nehu'za, knare antahizampina avinetezma, Anumzamofo oku fraki'nea zama'a antahi ama hanazana, e'i Kraisi'e.

Efesasi 6:19

Ana nehutma nagriku nunamu hutma antahigenkeno, nagira erioza hanige'na korera osu'na hanavetina oku'a me'nea naneke huama hu'na knare musenkea zamasmi'neno.

1 Korinti 4:7

Na'amo vahepintira tamagrira tamazeri ruzahura nehie? Naza tamagra ante'naza zana Anumzamo'a, ontami'ne? Hagi koma tamimi'neana, na'a higeta tamufa erira huta e'ori'none huta nehaze?

1 Korinti 4:1

Atregeno vahe'mo'za tagriku'ma antahi ramisazana, Kraisi eriza vahere hu'za nehu'za, Anumzamofo oku'zama eri ama neha'a netre'ne hugahaze.

Joni 7:17

Aza'o agu'amo otinkeno Anumzamofo avesi'za huku hanimo'a, rempima nehuana agra antahino, Anumzamofonteti e'nefi, Nagrani'a navesite nehufi refko huno kegahie.

1 Timoti 3:16

Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.

Efesasi 1:18

Nagra nunamu nehuankino antahintahitamofona msa tamina, tamagu'amofo avurgamo hari nehanigetma, Agrama kezatino fore hugahie huno tamagima nehiazana, tamagra kegahaze. Mizama'a mreri'nea zantmi, hihamu'ane msazama'afi Anumzamo'a tamina, Agrite mni ruotge nehaza vahe'mo'zane, tamagra erigahaze.

Aposol 16:14

Mago ara agi'a Lidia'e nehaza a'mo knare konariri'ane fitu tavrave hatino zagore netrea a'mo, Taitaria rankumateti a' mani'neno Anumzamofonte mono hunentea a'mo kema hu'na kea antahi'ne. Anumzamo'a agu'a eri rukrehe higeno Poli'ma hiankea antahi'ne.

Matiu 13:10

Agri'ma amage'ma nentaza disaipol nagamo'za Jisasinte e'za anage hu'za antahige'naze, nahigenka fronka kefintikera nezmasmi'ne?

Matiu 20:23

Agra zanagri znasmi'ne, Nagri taferopintira amne negaha'anagi tamagani'ane, hoga kaziga mni'zana, Nagrizana omne'neakina ontanasamigosue. Hagi zamagri'ma Nenfama erigahaze hunoma huhampri zmanteno retroma huzmante'nemo'za erigahaze.

Maki 10:40

Hu'neanagi nazantmaga mani'zane, naza hogama manizana Nagri'zana omane'ne, Anumzamo'ma huhampri zamanteno, retroma huzmanteno erigahazema hu'nea vahe'mo'za erigahaze.

Romu 11:25

Nafuhetane nasaraheta, ama oku kea antahini hnazegu nagrira nave'nesie. Antahi'zantmifina antahizane vahe' mni'none huta rantmagia e'oriho. Mago'a Israeli vahe'mokizmi zmarimpamo'a erigineankino, mani'nenageno Anumzamo'a megi'a vahera zmavregahie hu'neama'a efregahaze.