Matiu 11:21 - Kamano

²¹ Kva hiho Korasini vahe'mota! Kva hiho Bedsaita vahemota tusi nasunku huramantoe! Na'ankure kaguvazama huazama Taiane, Saidoni kumatema huasina, zamagra zamasunku kukena nehu'za, tanefa fare'za zamagu'a rukarehe ko hazasine.

Anumzamofo Routage Avantafere

²¹ Kva hiho Korasini vahe'mota! Kva hiho Bedsaita vahemota tusi nasunku huramantoe! Na'ankure kaguvazama huazama Tairine, Saidoni kumatema huasina, zamagra zamasunku kukena nehu'za, tanefa fare'za zamagu'a rukarehe ko hazasine.

Matiu 11:21 Referans Kwoze

Aposol 12:20

Anante Heroti'a Taia kumate vahe'ene, Saito kumate vahe'mokizmigura arimpa ahezamantege'za, zamagra mago zamarimpa hu'za agrite emeri atru hu'za, Kini ne'mofo tva'onte eri'za ne' Blastusi, zamaza hinogu rimpa azeri fru hute'za, knare nomanizama kini ne'mo'ma zamisigu antahige'naze. Na'ankure zamagrama kave'ma e'nerizana kini Heroti'ma kava kri'nea mopafinti e'neri'ze.

Joni 12:21

Ana vahe'mo'za Galili kazigati Betsaida kumateti ne' Filipinte uhaniti'za antahige'za, ramoka Jisasi kenaku nehune.

Luku 9:10

Aposolo nagamo'za vu'nazaregati ete ehnatiza, eri'zama eri'naza zamofo kea mika Jisasina eme asmi vgare'naze. Anante zamagrike zmavrege'za anampinti atre'za Betsaide nehaza kumate vu'naze.

Maki 6:45

Jisasi'a ame huno amage nentaza disaipol naga'a ventifi vugote'za kantu Betsaida kaziga vihogu hunezmantage'za nevageno, vahetaminkura viho huno huzmante'ne.

Matiu 15:21

Jisasi ana kumara atreno, Taiane Saito kaziga kumate vigeno,

Juti 1:11

Zamagra'a kva hiho! Zamagritera havizantfa fore hugahianki, na'ankure Keni'ma kefo avu'avama huno nagna'amofoma ahe fri'neanka nehaze. Hagi Balamu'ma hu'neaza hu'za hakare'a zama hanazana zgore hugahaze. Kora'ma mago rimpa osuno ha'ma rezmante avu'avaza nehu'za, fanane hu'neaza hu'za fnanene hugahaze. (Jen-Agf 4:1-8, Nam-Ham 16, 22)

Joni 1:44

Hanki Filipi'a Betsaidati ne' Andrune, Pita kiznia ra kuma zani'areti nere.

Luku 6:17

Jisasi'a amage'ma nentaza disaipol naga'ane agonaregati erami'za agupofi eme otinege'za, anante amage'ma nentaza tusi'a disaipol veamo'za eritru nehazageno, maka Judia kazigatiki Jerusaletiki, Saitonitiki, Taia hageri ankena regati'enena,

Maki 8:22

Zamagra Bedsaita kumate azageno, mago'a vahe'mo'za avusu hu'nea ne' avare'za Jisasinte e'naze. Avurgare avako hinkeno so'e huntenogu hanaveti'za Jisasi antahige'naze.

Maki 7:31

Anante Jisasi'a Taia kumara atreno, Saido kumapinti rugitagino Dekapolisi kaziga, Galili tirutega uhanatige'za,

Maki 3:8

Jerusale kumateti'ene, Itumia kuma Joda timofo kantu kazigati'ene Taia kumapinti ene Saido kuma agu'afinti'ene tusi'a veamo'za Jisasi'ma hiazamofo kema nentahiza, erihantge'za Agrite omeri atru hu'naze.

Matiu 18:7

Iza'o rumofoma kumipima avrenentea vahekura Nasuragie, na'ankure hakare zupa vahe'ma zmazeri kumipi netreazana me'ne. Hianangi iza'o rumofoma kumipi avrentesimo'a tusi'a hzankefi manigahie.

Matiu 11:22

Tamage hu'na neramasamue, Taia vahe'mo'zane, Saidon vahe'mo'za Anumzamoma vahema refakoma huknare osi'a knaza erigahazanki, tamagra rama'a knaza zamagareta erigahaze.

Aposol 27:3

Maseno ko'ati zupa Saidon uhanati'none. Juliasi'a knarere huno Polina huntegeno, amane vunka knampa ka'a ome nezmagenka, kzama hu'zana zamagripinti erigahane huno huntegeno vu'ne.

Luku 4:26

Ana hu'neanagi Ilaijana huntegeno Israeli mni'naza kento a'nerera ovu'neanki, rurega kento ate huntegeno Sarafat kumate Saidoni mopare vu'ne. (Jem 5:17-18, 1 Kin 17:1-16)

Maki 7:24

Jisasi'a otino ana mopa atreno Taia kuma kaziga vu'ne. Vuno mago nompi ufreno, vahe'mo'za emenine huza ontahisaze nehuno umanine, hianagi frakigara osu'ne.

Matiu 26:24

Agriku'ma hu'za krente'naza kante, Vahe'mofo mofavremo frigahie. Hianagi kva hino, komoru huno ha' vahete navre zamisnia ne'mo'a, nerera'ma kse ontene'sinia knare hisine.

Revalesen-Hufo Hu'ne 6:12

Anante avontafetema nampa 6 fukima rekamarenteneana, Agra eri kanopegena kogeno, tusi'a imi krefa mopafina erigeno, zagemo'a hinunke kukenagna higeno, ikamo'a korankna huno koranentike higeno,

Revalesen-Hufo Hu'ne 11:3

Hanki ana hanige'na Nagri nanekema huama hana'a netrena, hanavea zanaminuge'ne, 1,260'a zgegnafi znasunku kukena huke, kasnampa kea huama hugaha'e.