Maki 9:29 - Kamano

²⁹ Jisasi'a anage huno zmasami'ne, amana huknazana, nunamuhu kantetike huntesageno atiramigahie.

Anumzamofo Routage Avantafere

²⁹ Hazageno Jisasi'a anage huno zamasami'ne, Amana huknazana, nunamuhu kantetike huntesageno atiramigahie.

Maki 9:29 Referans Kwoze

Jemisi 5:15

Hagi zamentinti nehu'za nunamu huntesageno, Ramo'a kri'ma eri'nea vahera azeri neganamreno azeri onetino, kumi'ma hunesiana, kumi'a atrentegahie.

Matiu 17:20

Jisasi'a anage huno zmasmi'ne, na'ankure tamagra osi'a tamentinti hu'naze. Nagra tamage hu'na neramasmue, masteti zafamofo osi avima'agna tamentintimo hu'nena, anage hutma ama agonagura hugahaze. Amarera atrenka anture vuo hanageno'a, amne vugahie. Mago'zamo'a amuho huormantegahie.

Efesasi 6:18

maka zupa nunamu huvava nehutma, nunamuna hutma antahigeho, ana nehanutma tamagra kva hu'netma kazigzi hutma maka eri'za vahekura (kristen) nunamu hutma Anumzamofona antahigeho.

2 Korinti 12:8

Ama ana natama negriazana Ramo eritrenantesegu, 3'a zupa kazigazi hu'na antahige'noe.

2 Korinti 11:27

Amuho hu'na tusi'a eriza e'nerina, mago'a kenagera navura ovase'noe. Nezane tine omnegena nagazanku nehugeno, tinku enena navesine. Kukenani'a omanegeno zasimo enena nazeri haviza hu'ne.

Luku 11:26

Anante ete vuno mago'a 7ni'a havi avu'ava agetereno nehia avamutmi ome zmavareno ege'za, ufre'za umani'naze. Hankino ana nemofona henka nomani'zamo'a, kote nomnizana agatereno havizantfa hu'ne.

1 Korinti 9:27

Vahe'mokizmi mono ke zmasamite'na, ru nagrani'a miza e'orizanku, nagrani'a navufga hanaveti'na amasagugeno, nagri navesi'za nevaririe.

Aposol 14:23

Ana nehuke, mono kva vahe (elda) mago'a mono nonte zamazeri onetike ne'zana a'o huneke nunamu nehune, zanamentintima neha'a Ramofo azampi zamante'na'e.

Matiu 12:45

Eteno vuno 7ni'a havi avamu tmimo'ma agri'ma agtere'nea ome zmavreno ege'za ufre'za mni'naze. Henkama mni'nea mni'zamo'a, pusama mni'nea mni'zana agtereno havi zantfa hu'ne. E'inahu avu'avaza ama knafi havi zmavu'zmava nehaza vahetera fore hugahie.

2 Korinti 6:5

kanonkevea neramiza, kina nonpina tavrenentazageno, erizamo'a amuho nehigeta, tavura omaseta ne'zana ononkeno, tagazankura nehuta,

Matiu 17:21

[Hagi amanahukna havi avamumo'a, vahe agu'afinti atioramigahie. Hagi kave atretma nunamuma hanutma amne huntegahaze.]

Maki 9:28

Ana huteno Jisasi'a nompi umarerige'za, amage'ma nentaza disaipol naga'mo'za, Agrane zamagraku umani'ne'za, na'a higeta havi avamura ahenati notrone hu'za antahige'naze?

Maki 9:30

Jisasi ene amage'ma nentea disaipol naga'mo'za ana kumara atre'za, atiramiza Galili kaziga rukitagiza vu'naze. Hianagi Jisasi'a kama vazama'a mago vahemo antahi zankura ave'osine.