Maki 8:31 - Kamano

³¹ Anante Jisasi'a erigafa huno amage'ma nentaza disaipol naga'a rempi huzamino, Vahe'mofo Mofavremo'a rama'a ata e'nerisigeno, mono kva vahe'mo'zane, ugagota kva vahe'mo'zane, kasegere ugagota hu'naza vahe'mo'za zmefi humiza ahefrisageno, tagufagna maseteno otigahie huno zmasami'ne.

Anumzamofo Routage Avantafere

³¹ Anante Jisasi'a erigafa huno amage'ma nentaza disaipol naga'a rempi huzamino, Vahe'mofo Mofavremo'a rama'a ata e'nerisigeno, mono kva vahe'mo'zane, ugagota kva vahe'mo'zane, kasegere ugagota hu'naza vahe'mo'za zamefi humiza ahefrisageno, tagufagna maseteno otigahie huno zamasami'ne.

Maki 8:31 Referans Kwoze

Aposol 7:35

E'ima ana Mosesima zamesra hunente'za, anagema hu'za, Iza kagrira kva mani'nenka vahera refko huo huno huntenemofo, e'i ana nera Anumzamo'a hunteno, kva ne' mani'nenka, zamazahu ne' manio huno Anumzamofo ankeromofo azampi osi zafafinti efore huno hunte'ne,

Joni 2:19

Jisasi'a ana kemofo nona'a amanage hu'ne. Ama ra mono nona tgana vazitma eri haviza hinkeno tagufa zgegna manite'na azeri oti'neno, huno hige'za,

Luku 24:26

Kraisi'a ataza eriteno, msa'afi ufresiana, knarera osugahio? I'o.

Luku 17:25

Hu'neanagi ese'zana Agra rama'a knazampi unefresigeno, ama mni'nona gnafi vahe'moza zmefi humigahaze.

Maki 12:10

Hanki ama naneke Anumzamofo avontafepi krente'nazana hampritma ontahinazo? Nogi vahe'mo'za haviza hie huza atre'naza havemo'a, no renage antepinka no azeri hanaveti have fore hu'ne.

Matiu 21:42

Jisasi'a anage huno zmasmi'ne, Anumzamofo avontafepina tamagra hampritma nonkazo? Nogi vahe'mo'za knare osu'ne hu'za eritre'naza havemo'a, nomofo renagentete asente'nageno azeri hanaveti have menina fore nehie. Ama'i Anumzamo tro hu'neankino, tvurera so'e zantfa fore nehie. (Sam-Zga 118:22-23)

Matiu 12:40

Anahu kna huno, Jona tagufa zgegi tagufa haninki huno nozamemofo rimpafi mase'neankna huno Vahe'mofo Mofavremo tagufa zgegi, tagufa haninki huno mopa agu'afi masegahie.

1 Korinti 15:4

Anumzamofo avontafepi krente'nea kante ante'za asentetageno maniteno tgufa knare oti'ne.

Luku 24:44

Jisasi'a anage huno zamasmi'ne, Nagra tamagrane mani'nena, anage huno'e, maka kema Nagriku hu'za Mosese kasegefine, kasnampa vahe'mo'za krenaza kefine, zgame avontafepima krentenea zamo'a nena'a fore hugahie.

Jona 1:17

Ana hzageno Ramo'a tusi'a nozame huntegeno Jonana asga huvzigeno, Jona'a nozamemofo rimpafina tagufa zgegi, tagufa kergeki huno mani'ne. (Mat 12:39-41)

Joni 12:48

Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vgare knare, henka'a refko huntegahie.

Matiu 27:63

amanage hu'naze. Ra nemoke ana havige ne'mo ofri mani'neno amanage hu'ne. Frite'na tagufa kna mnitena, ete otigahue hu'nea kegu nentahune.