Maki 6:14 - Kamano

¹⁴ Hagi kini Heroti'a, Jisasi agi agenkemo'a ra higeno nentahigeno, mago'amo'za mono ti frezmante Joni frinefinti oti'negu kagu'vazana nehie hu'naze.

Anumzamofo Routage Avantafere

¹⁴ Hagi kini ne' Heroti'a Jisasi agi agenkemo'a ra higeno nentahige'za, mago'amo'za hu'za mono ti frezmante Joni fri'nefinti oti'negu kagu'vazana nehie hu'naze.

Maki 6:14 Referans Kwoze

1 Tesalonaika 1:8

Na'ankure Ramofo kemo'a tamagripinti agerura runo e'neana, Masedoniane Akaia kumateke agerura orune. Hianagi tamagrama Anumzamofontema tamamentintima hu'naza zamo'a maka kumatega vuno eno hige'za antahi'nazankita, tagra mago kea osugahune.

Luku 13:31

Anagema nehigeno, Farisi vahe'mo'za e'za amanage hu'za Jisasi asmi'naze, atrenka amafintira ru kaziga vuo. Na'ankure Heroti'a kahenaku nehie.

Luku 3:1

Taiberias Sisama Romu kumate 15ni'a zage kafuma kinima mni'negeno'a, Pontius Pailoti'a Judia mopare ugagoteno kva mni'geno, Heroti Antipasi'a rankva Galili manigeno, nefu Filipi'a rankva Ituriane, Trakoniasi kaziga mni'geno, Laiseniasi'a rankva Abilini kumate mni'ne.

Maki 8:28

Mago'amo'za, hu'za mono ti frezamante'nea Joni'e hu'za nehze. Hagi mago'a mo'za, kasnampa ne' Ilaija'e hu'za nehze. Hagi mago'amo'za korapa kasnampa vahepinti mago'zmimo'e hu'za neheze.

Maki 1:45

Hianagi ana ne'mo nevuno, kri'ama azeri knamare neazankura vahepi huama nehige'za, rama'a vahe'mo'za nentahizageno, ana kemo'a ra hiazanku, rankumapina Jisasi'a eamara huno omeno, megia rama'a vahera omani'naza kumapi umaninege'za rama'a vahe'mo'za anantega eme ke'naze.

Maki 1:28

Anama hiazamofo agenkemo'a maka Galili kaziga ame huno vuno eno hu'ne.

Matiu 9:31

Hianagi zanagra atreke nevuke, ana nanekea ome hugantugma ana kaziga hu'na'e.

Luku 9:19

Zamagra kenona'a anage hu'za hu'naze, Ti frente Joni'e hu'za mago'amo'za nehazageno, mago'amo'za Ilaija'e nehazageno, mago'amo'a korapa kasnampa ne' frinefinti oti'negahie hu'za nehaze.

Hibru 2:4

Anumzamo'a avamezampima, kaguvazampima, ruzahu ruzahu kaguvazampi huama nehuno, Avamumofo musezanena Agra'a avesite refko huno nezamie.

Luku 7:17

Ama anazama Jisasi'ma hiazamofo agenkemo'a maka Judiane mika megaginea kumatmipina vuno eno hu'ne.