Maki 4:16 - Kamano

¹⁶ Havege mopafima rurani'neana, Anumzamofo kema nentahi'za, muse hu'za ame hu'za eneri'ze.

Anumzamofo Routage Avantafere

¹⁶ Havege mopafima rurani'neana, Anumzamofo kema nentahi'za, muse hu'za ame hu'za eneri'ze.

Maki 4:16 Referans Kwoze

Luku 8:13

Hanki mago'a avimazana havege mopafi evurami'neana, Anumzamofo kema nentahi'za muse huza eri'nazanagi, rafuna ore'naze. Osi'a knafi zmentinti nehu'za, rezmatga'zama ege'za traka hu'za atre'za nevaze.

Maki 6:20

Na'ankure Heroti'a Joninku koro nehuno, kegva krintene. Na'ankure agra antahino keno hu'ne. Joni'a fatgo huno ruotage hu'nea nere. Joni agenke nentahino agogogu hu'neanagi, Jonima hania kema antahinakura muse hu'ne.

Joni 5:35

Joni'a lampe tvi kna huno tvi'nereno remsa hurmantegeta, ana tvi'kura osasi'a knafi tmagu'a musena hu'naze.

Aposol 8:13

Saimoni'enena amentinti nehuno henka mono tina nefreno eteno ovu'are Filipi'ene mani'ne. Hagi mika ruzahu zane ra avame'zama hiaza fore higeno negeno tusi agogogu nehuno antri hu'ne.

Aposol 26:28

Higeno Kini Agripa'a Polinku anage hu'ne, Kagrama kagesa antahinana ama atupa knafina nazeri rukarehe hanankena, nagra mono ne' manigahufi?

Matiu 13:5

Mago'a avimzamo'a havege huno osi'a mopa me'nefi evurami'ne. Na'ankure osi'a mopa me'negeno, ame huno hageno mrerine.

Maki 4:15

Mago'a avimaza kamofo ankinarega evurami'neana, mago'a vahe'mo'za Anumzamofo kea nentahizageno, Sata'a ame huno zamagu'afima krinea kea eritrene.

Maki 4:17

Hianagi zmagu'afina rafuna ore'nazanki'za oti hanave otinazankiza, anante'ma Anumzamofo kegu hu'za hazenke zano, zmazeri haviza huzama fore hige'za, ame hu'za atre'za nevaze.