Maki 10:6 - Kamano

⁶ Hianagi Anumzamo ese agafare vene a'ene trohu znante'ne.

Anumzamofo Routage Avantafere

⁶ Hianagi Anumzamo'a ese agafare vene a'ene trohu zanante'ne.

Maki 10:6 Referans Kwoze

Jenesis 1:27

Anumzamo vahe'ma tro hu'neana, Agra'agna tro hu'ne. Vene a'ene tro huznante'ne.

Jenesis 5:2

Agra vene, a'ene tro huznante'ne. Ana nehuno asomu huzmanteno, vahere huno hu'ne.

Jenesis 1:1

Ese agafare Anumzamo monane mopane trohu'ne.

2 Pita 3:4

anage hugahaze, egahue huno Rantimimo'ma huvempama hu'neana, omeanki inazupa egahie? hu'za hugahaze. Korapa'ma mni'naza kva vahe'mo'za frizageno, ese agafa huno maka'zama troma hu'neazamo'a, zahera osuno anankante me'neaza huno me'ne.

Maki 13:19

Na'ankure ananknafina tusi'a knaza fore hugahie. Anumzamo mopa tro hu'nereti eno menima ehanatinerera, fore osu'neankna knaza fore hugahie. Hagi henka'a ana hukna knaza fore osutfa hugahie.

Romu 1:20

Hakare'zama troma higeno fore'ma hu'neregatima e'neana, Anumzamofo mevava avu'avazana ke'naze. Hianagi hakare'zama erifore huneregatima e'neana hakarezamo'a Anumzamo'ma tro hunte'nea avamente nege'za vahe'mo'za negaze. E'i ana agafare Anumzamofo oku me'nea hankave efore hige'za negazankiza, vahe'mo'za onke'none hu'za osugahaze.