Maki 10:30 - Kamano

³⁰ ana nona'a maka'zana 100ti'a agatere'za menina ama knafina rama'a e'neriza, rama'a kuma'ene, nefu'zane nesaro'zane nererane mofavre' naga'ane, hoza zmine e'nerisage'za, vahe'mo'za zmazeri haviza nehanige'za, henkama esia knarera manivava zmasimu erigahaze.

Anumzamofo Routage Avantafere

³⁰ ana nona'a maka'zana 100'a agatereno menina ama knafina rama'a e'nerino, rama'a kuma'ene, nefu'zane nesaro'zane nererane mofavre' naga'ane, hoza'ane e'nerisige'za, vahe'mo'za azeri haviza nehanageno, henkama esia knarera manivava asimu erigahie.

Maki 10:30 Referans Kwoze

Filipai 3:8

E'i ana zantamimpina, nagra maka'za netre'na agtere'nea antahintahi'afi Krais Jisasina Ranimofo antahinagena nehu'na, Agri amage anteku maka'zana amnezane hu'na netre'na, Kraisi amage' nentoe.

Luku 18:30

amama mni'nea knafina rama'azantmi e'nerino, henkama esia knafina monarera, manivava asimura erigahie.

2 Korinti 6:10

Tasuzampi mani'nonanagi, muse huvava nehune, tamuntera omane'neanagi, rama'a vahe zmaza hunke'za feno vahera nemnize. Fenona onte'nonanagi (avamupina) feno vahekna nehune.

Jemisi 1:12

Rehe'za ne-esigeno kazigazi huno agatereno vania vahe'mo'a asomu'ma erisiana, kini fetori eriankna huno manivava asimura erigahie. Anumzamo agri avesinentaza vahe ko huhampri zamante'nea, asimu erigahie.

Jemisi 5:11

Antahi'naze, knazampima ufre'za azeri agatere'naza vahera muse hiho hunezamantone. Jopu'ma knazampima kazigzi huno agatere'nea zamofo agenke'ane, henka'ama hunte'nea zamofona antahi'naze. Ramofompina asunku'zane, vahe'ma avesinteno asuraginte'zana avite'ne.

Proveps-Knare Nomaniza 16:16

Knare antahi'zama eri'zamo'a golia agateregeno, ama' antahizama avesinteno erizamo'a, silva agatere'neankino hentofaza hu'ne.

Revalesen-Hufo Hu'ne 3:18

Nagrama kasamisuana, tevefima kreno eri agruma hu'nea koli Nagripinti miza setenka, feno vahera nemaninka, efeke zaza kukena miza senka kukena nehugeno, kagaze kavufamo'a amatera nosina, avure fre masave Nagripinti miza senka, fretenka kavua ke so'e huo.

1 Timoti 6:6

Ana hu'neanagi Anumzamofo avu'avama nehu'za agzone hu'za mani'snamo'za, knare zantfa erigahaze.

Aposol 5:41

Hige'za aposol nagamo'za ana kanisol naga zamureti'ma zamatre'za nevu'za, Anumzamofo avure mani'neta Jisasi agire'ma eriga knaza erune, nehu'za muse hume vu'naze.

1 Joni 3:1

Kesunana Nerafa'ma rimpama hagerafi ramino avesi'zama tanteneazana Anumzamofo mofavre hurante'ne. Ana hu'negu tagrikura Anumzamofo mofavre hu'za hugahaze. Tamage! Ama ana agafare ama mopafi vahe'mo'za antahi orami'naze. Na'ankure zamagra ke'za antahi'za Agrira osu'naze.

2 Tesalonaika 2:16

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino,

Romu 6:23

Na'ankure kumimofo mizana fri'zane. Hu'neanagi Anumzamofo muse'zana, Kraisi Jisasi Rantimofompi mago'za hunterompge, amne manivava asimura tamine.

Romu 5:3

Tagrama knafima ufresuta muse hanune. Na'ankure tagra antahi'none, e'i ana knazampina knare hu'neankino taza hanigeta oti hanavetineta ana knazama enerita kazigazi huta vugahune.

Aposol 16:25

Kenage amunompi Polike Sailasikea, Anumzamofontega nunamune zgame'ene nehakeno, ruga'a kina vahe'mo'za zanantahi'naze.

Joni 10:23

Zasi ko atu knafi, Ra mono kumapi Jisasi'a, Solomon agire asamare'naza no kinte'nafi vano hu'ne.

Matiu 12:32

Iza'o Vahe'mofo Mofavregu mago kema huhaviza hunte'sazana, Agra kumizmi'a atre zmantegahie. Hianagi iza'o Ruotge Avamumofonku huhaviza huntesaza vahera menine, henka'anena kumi zmi'a atre ozmantegahie.

Matiu 6:33

Hianagi kota zana, Anumzamofo kumaku'ene, fatgo avu'avazanku haketenkeno, ana maka'zana anazanke huno tamamigahie.

Revalesen-Hufo Hu'ne 2:9

Nama'agna kazeri haviza nehazageno, kamunte omne'neana Nagra antahi'noe. Hianagi kagra tusia feno vahe mni'nane, zamagrama Jiu vahe mni'none nehazanagi, zamagra Jiu vahera omni'naze. Hianagi zmagra Sata naga mani'naze.

1 Joni 2:25

Agra'ama huvempa kema hurante'neana, mani'vava asimu erigahaze huno hurante'ne.

Matiu 13:8

Hu'neanagi mago'amo'a knare mopafi evurmino ne'za rente'ne. Mago'amo'a 100ti'a rentegeno, mago'amo'a 60ti'a rentegeno, mago'amo'a 30ti'a rente'ne.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

1 Timoti 4:8

Hanki amega tvufa azeri hanaveti hanuna zamo'a, osi'a knafi tza hu'zana eri gahunanagi, Anumza avu'avapi (godliness) maka'za hanuna zamo'a, huhampri'negu meni mani'zampina tza nehuno, henka mani'zampinena tza hugahie.