Luku 9:26 - Kamano

²⁶ Iza'o nagriku'ene keniagu'ene agazema hunante'simofona, Vahe'mofo Mofavremo'ma Agra'a masa'afine, Nefa masa'afine ruotge ankero vahe zgamofo masafinema esuno'a agrira eme agaze huntegahie.

Anumzamofo Routage Avantafere

²⁶ Iza'o nagriku'ene keniagu'ene agazema hunante'simofona, Vahe'mofo Mofavremo'ma Agra'a masa'afine, Nefa masa'afine ruotge ankero vahe zagamofo masafinema esuno'a agrira eme agaze huntegahie.

Luku 9:26 Referans Kwoze

2 Timoti 2:12

Knazama hanavetita mani'neta tagrama erisunana, henka'a Agrane kini kva vahe tro huta manigahune. Agriku ontahi'none huta tagrama hanunkeno'a, tagrikura ontamage'noe huno Agra nena hugahie.

Romu 1:16

Na'ankure Kraisi knare musenkegura nagazea nosue. Na'ankure e'i Anumzamofo hanave'a anampina me'neankino, iza'zo zamentintima hanamokizmia zmahonekeno, Jiu vahe esera zamavreteno, anante megi'a vahera zamavregahie.

Maki 8:38

Iza'o ama knafi keontahi kumike vahepi, Nagriku'ene Nanekenimofo agaze huntesimofona, henka Vahe'mofo Mofavremo Nfa'amofo hanavefima routge ankero vahe'ane esuno'a, Agranena zamagaze hunte'nesamokizmia, eme agaze huzmantegahie.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.

Matiu 16:27

Vahe'mofo mofavremo ankero tmima'ane, Nfa'amofo hanavefi esuno'a, Agra magoke magoke'moma hu'nenia avu'avate anteno mizana amigahie.

Matiu 25:31

Vahe'mofo Mofavremo ete hanave'afine msa zama'afima mika ankero zga'anema esuno'a, Agra masa nentake tra'are emanigahie.

Joni 12:43

Na'ankure vahe'mo'za husga huzmante zanku nehu'za, Anumzamo husga huzmante zankura ontahi'naze.

Revalesen-Hufo Hu'ne 20:11

Anantera tusi'a efeke kini tra kogeno, ana tratema Mni'nemofo avu kore huke monane mopanemokea frakeno, mago kumara omnetfa hu'ne.

Juti 1:14

Hagi Inoku'a, Adamunteti maniza e'naza vahepintira 7nire ehanati'nea naga nofipinti ne'mo ama ana vahekura kasanampa kea hunteno anage hu'ne, Ramo'a hampriga osu'nea ruotge hu'namo'zane ne-eanki keho.

2 Timoti 1:12

Na'ankure e'ina nehua agafare natazana e'nerue. Hianagi nagazema hu'zamo'a nazeri otregahie. Na'ankure nagra izantero namentintima nehumofona antahi'na kena nehuna, eri'zama'a erinentoana, Agra antahineankino kva kri ante'nenkeno ana kna efore hugahie.

Revalesen-Hufo Hu'ne 3:5

Iza'o ha'ma agteresimo'a zmagrikna huno efeke zaza kukena nehanige'na, asimuma erino mani avontafepintira, agi'a reohananegahue. Nenfane, ankero vahe'amofo zmavurera agi'a huama hugahue.

Revalesen-Hufo Hu'ne 1:7

Keho, Agra hampompi ne-eankino, (Dan 7:13) maka vahe'mo'za negesageno, keka zafare'ma krugruma renaza vahe'mo'zanena negesageno, maka ama mopafi vahe'mo'za zavi krafa hugahaze. Hanki e'ina hu'zana fore hugahie. Tamage.

Galesia 6:14

Hianagi nagra mago'zantere hu'na navufga erisaga osugahuanki, Rantimo Jisasi Kraisi nagriku huno rugeka zafare fri'nea zankuke navufga ra nehanugeno, Rugeka zafare'ma Kraisima eri'nea eri'zanteti ama mopafi kefo navu'nava'zamo'a ko nagripintira frigena, nagranena ama mopafi avu'ava zampina ko fri'noe.

Matiu 26:64

izo Kagraka'a hago nehane. Hianagi amanage hu'na mika motmagura nehue, henka'a Vahe'mofo mofavremo'a, negesnageno Anumzamofo azantmaga kaziga manino hihamu'ane mona hampompi ne-enketa kegahaze.

Hibru 13:13

Hu'negu kuma'mofo fegu'a Agrite nevuta, Agrama hu'neaza huta tagazezana erigahune.

Hibru 11:26

Agra Isipi kumamofo feno erizankura nontahino, Kraisintekuma natama erisuana knare hugahie huno agesa antahine. Na'ankure Anumzamo'ma henkama ra mizama amizanku anara hu'ne.

2 Korinti 12:10

E'ina hu'negu, kema nasazano, nazeri haviza hanazo, knaza fore hanio, amuho erisua knafina rama'a muse nehuna, narimpa fru hu'na hanavenia omnea knafina nemanue. Na'ankure Kraisinku hu'na hanaveni'a omanea knafina, hanavenia e'nerue.

Joni 5:44

Tamagra inankna huta tamentintia hugahaze, tamagri'ma ru vahe'mo'za tmagima erisaga nehazana, magoke Anumzamo tmagri'ma muse hurmante'sia zankura ohakre'gahazo?

Aposol 10:22

Hige'za zamagra anage hu'naze, mago sondia vahe kva nera, Koniliasi'e megi'a ne'mo fatgo huno Anumzamofonku kore nehia nekino, mika Jiu vahe krerafamo knare nere hu'za nehaza ne'mofo Ruotge hu'nea ankeromo asamigeno, kagriku noniarega eno keaga eme nasminkena antahineno huno hurantegeta e'none.

1 Timoti 5:21

Anumzamofo avufine, Krais Jisasi avufine, huhampri zamante'nea ankero vahe'zmufi kasamuanki, ama nanekea amage' antenka vahera refko osunka, mago zanke hunka zamesi zamanto.