Luku 5:22 - Kamano

²² Hianagi Jisasi'a ha'arente antahintahima antahi'zana nezmageno, Agra anage hu'ne, nahigetma tamagra e'inahu antahintahia tmagu'afina nehaze?

Anumzamofo Routage Avantafere

²² Hianagi Jisasi'a ha'arente antahintahima antahi'zana nezmageno, Agra anage hu'ne, Nahigetma tamagra e'inahu antahintahia tamagu'afina nentahize?

Luku 5:22 Referans Kwoze

Luku 24:38

Ana nehzageno Jisasi'a anage huno zmasamine. Nahigeta korera nehuta, tare tamagutmagesa nentahize?

Aposol 5:3

Hu'neanagi Pita'a anage hu'ne, nahigeno Ananaiasiga Sata'a kaguafina efregenka ruotge Avamura revataga hunka mago'a zgoa mopama atrantetira refko hunte'nane?

Maki 8:17

Nehazageno Jisasi'a antahino keno nehuno, nahigeta breti omane'nea zankura huge antahige nehaze? Tamagra ketma antahi amara osu'nazafi? Tamagri tmagu'amo'a eriginefi?

Matiu 12:25

Jisasi'a antahintahizmi refako huno nezmageno anage huno zmasmi'ne, mago mago rankumapi vahe'mo'za amu'nompinti refakoma hanuza, zamagrazmi zmazeri haviza hugahaze. Hagi mago rankumamo'o, nomo o refako osnu'za hanavetigahaze.

Matiu 9:4

Jisasi'a zamagrama haza zamuzma negeno, anage hu'ne, Nahigetma kefo antahintahia tamagu'afina nentahize?

Revalesen-Hufo Hu'ne 2:23

Nagra ana a'mofoma amage'ma nentaza vahera zmahe fri'nena, maka mono vahe'mo'za ke'za antahi'zama hanazana, maka vahe'mofo antahizane, zmagu'zmagesa nege hu'za nehanage'na, magoke magokemozama zmavu'zmavama hanare, mizana zamitere hugahue.

Hibru 4:12

Na'ankure Anumzamofo kemo'a kasefa huno me'neno, eri'za enerino, tarega kaziga asanenea kazimofo asenezama'a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi'nefine, zaferinamofo asinu'afi ufreno tga nehuno, tavutavazane tagutagesamofo avesizana refko nehie.

Proveps-Knare Nomaniza 15:26

Kefo avu'avazama hu antahizama retroma huzankura, Ra Anumzamo'a avesra huno agonete. Hianagi avusese hu'nea kema huzankura, Agra muse nehie.

Matiu 12:15

Jisasina ahenaku nehzageno nentahino, anampinti atreno nevige'za, rama'a vahe'mo'za amage avaririza nevzageno, Agra mika kri'zmia zmazeri knare hunezmanteno,

Luku 5:21

Anante kasegere ugagota hunaza vahe'ene, Farisi vahe'moza agafa hu'za ke hakare hu'za, ama nera i'za Anumzamofona huhaviza nehie? Iza Agra huno kumira apasenegantoe nehie. Anumzamoke kumira apasegahianki?

Luku 5:23

Inana kemo oza hanigena hugahue, Kumika'a apasegantoe kemopi, Otinka vuo hanua kemo'e?