Luku 2:10 - Kamano

¹⁰ Hianagi ankeromo anage huno zmasami'ne, kore osuta antahi so'e hiho, nagra knare musenke eri'na neonkino, maka ama mopafi vahe'mo'za tusi muse hugahaze.

Anumzamofo Routage Avantafere

¹⁰ Hianagi ankeromo anage huno zamasami'ne, Kore osuta antahi so'e hiho, nagra Knare Musenke eri'na neonkino, maka ama mopafi vahe'mo'za tusi muse hugahaze.

Luku 2:10 Referans Kwoze

Matiu 28:18

Anante Jisasi zmagrite eno amanage hu'ne, maka monafine mopafinema kegvahu hihamu'a, Anumzamo'a ko Nagri namine.

Jenesis 12:3

Kagri'ma asomu hugantesimofona Nagra asomu huntegahue. Hianagi aza'o kagrima kazeri haviza hnimofona, Nagra azeri haviza hugahue. Maka mopafi naga'mo'za kagriteti asomu erigahaze.

Matiu 14:27

Hianagi ame huno Jisasi'a anage huno zmasmi'ne, akoheta maniho, ama Nagre, huno higeno,

Luku 1:30

Ana higeno ankeromo'a ana mofamofonku anage hu'ne, korora osuo Mariaga, na'ankure Anumzamo'a kagrira antahi muse hunegante.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Aposol 13:32

Hanki neragehokizmima huvempa huzmante'nea knare musenke tagrama neramasmunana,

Luku 24:47

Vahe'mo'za Agri agifi, zamagu'a rukrahe hanageno, Anumzamo'a kefozazimi eritrezamantesia kea, Jerusale kumate erigafa hute'za, mika kokankoka vahete vugahaze.

Luku 8:1

Mago'agna evutegeno Jisasi'a rankuma tamimpine, osi kuma tamimpi vano nehuno, Knare Musenkea rempi hunezamino, Anumzamofo Kumamofo kea huama nehigeno, 12fu'a amagema nentaza disaipol nagamo'za magoka vano hu'naze.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

Luku 1:19

ankeromo'a anage huno asami'ne, nagra ankero ne' Gabrieline, Anumzamofo tva'aonte nemanuankino, Anumzamo hunanteno knare musenke erinka ome asamio huno hunantege'na, eme negasamue. (Dan 8:16)

Luku 1:13

Hianagi ankeromo'a anage huno hu'ne, Sekaraiaga korora osuo, na'ankure nunamunka'a Anumzamo'a antahi'neankino, neganaro Elisabeti'a mago ne'mofavre kasentegahie. Agi'a Joni'e hunka antemigahane.

Maki 1:15

Anumzamo'ma huhampri'nea kna hago eforehie. Anumzamofo kumamo'a hago eravao hie. Tamagu'a rukrahe huta knare musenkere tamentinti hiho.

Romu 10:15

Hagi kema erino ome huama hu vahema humaozmante'snage'za inankna hu'za mono kea huamara hugahaze? Knare musenkema eri'zama aza vahe'mokizmi zmagamo'a hentofaza hu'ne huno Avontafepi krente'ne. (Ais 52:7)

Maki 16:15

Anage huteno, maka moparega vutma knare musenkea ome huama hutma, hakare vahera zmasamiho.

Matiu 28:5

Hianagi ankeromo'a ana a'trena zanismino korora osi'o, na'ankure nagra antahinue, Jisasima rugeka zafare ahe'zama hantinaza neku eme nehaka'e.

Luku 2:11

Na'ankure menina Deviti kumatera, tmagri'ma tamagu'vazinia mofavre kasente'ne. Hanki ana nera Ramo, Kraisi'e.