Luku 16:8 - Kamano

⁸ Henka kva ne'mo'a, fenozante ugagota huno kvahu so'e osu'nea kva ne' muse hunte'ne. Na'ankure antahiza me'nea kva vahemo nehiaza hu'negure. Hagi ama knafi vahe'mo'za zamagra'zantera knare hu'za kva nehu'za tavi msare'ma nemniza vahera zamagateneraze.

Anumzamofo Routage Avantafere

⁸ Henka kva ne'mo'a, fenozante ugagota huno kvahu so'e osu'nea kva ne' muse hunte'ne. Na'ankure antahiza me'nea kva vahemo nehiaza hu'negure. Hagi ama knafi havizama nehaza vahe'mo'za zamagra zantera knare hu'za kva nehu'za, tavi masare'ma nemaniza vahera zamagateneraze.

Luku 16:8 Referans Kwoze

1 Tesalonaika 5:5

Na'ankure tamagra maka'motma tavite vahe maninetma, msare vahe mni'naze. Tagra kenage vahera omanita, hanimpi vahera omani'none.

Efesasi 5:8

Na'ankure korapara hanizampi mani'nazane, hianagi menina Ramofo Msafi mofavre'aza hutma, ana msafi vano hutma maniho.

Luku 16:10

Mago'mo'ma osi'zantema so'e huno kegvahu fatgo hanimo'a, anahu kna huno ra'zana kegvahu fatgo hugahie. Hagi osi'zama kegvahu fatgo osanimo'a, ra'zana kegvahu fatgo osugahie.

Joni 12:36

Msama me'nenire, kagra Msagura kmentinti'a huo, e'inama hanunka kagra Msamofo mofavre manigahane. Jisasi'a anage huteno, Agra zamatreno vuno ome frakino mani'ne.

1 Joni 3:10

Ama ana tamavu tmava'mo eriama huno Anumzamofo mofavregi, Sata mofavregi huno eama hanigetma kegahaze. Maka vahe'mo'za fatgo avu'ava nosu'za, amentinti nehia nefunku avesi nontamo'za, Anumzamofo mofavre omani'naze.

Luku 16:4

Nagra naza hugahue hago antahue, ugagotahu kva eri'za'niafinti hunante'na, vahemo'za muse hunante'za navare'za nozmifi ome nantegahaze.

Jenesis 3:1

Ra Anumzamo tmage huno maka zgagfa mopafi trohu zamante'nefintira, osifave'mofo antahi'zamo zamagatere'ne, hozafima me'nea zafa rgagura, Anumzamo tmagerfa huno mika one'o huranante'nefi?

Luku 20:34

Jisasi amanage huno zamasmi'ne, ama knafi mani'naza vahe'mo'za ara e'neriza, ara masi ome ami nehaze.

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.

Filipai 3:19

Zamagrama fri'snazana, ka vu'zazmimo'a havizantfa hugahie. Zamarimpamofo avesi'zamo oti oti huno anumza zamigna nehige'za, zamagaze osige'za, havi avu'ava zanku muse nehu'za, mopafi zankuke zamagra nentahize.

1 Korinti 3:18

Mago vahe'mo antahintahi huno, nagra knare antahi'zane vahe ama knafina mani'noe hania vahe'mo'a, agra'a ravatga osino. Hanki atrenkeno neginagi vahe maniteno, henka knare antahi'zane vahera efore hino.

Luku 18:6

Ramo'a anage huno zamasmi'ne, fatgo osu ke refkohu kva nemo'ma hu'nea kegu tamagesa antahiho hu'ne.

Matiu 17:26

Higeno Pita'a ru vahepinti e'nerize hutegeno, Jisasi'a anage hu'ne, hagino naga'amo'za miza osegahaze.

Matiu 12:32

Iza'o Vahe'mofo Mofavregu mago kema huhaviza hunte'sazana, Agra kumizmi'a atre zmantegahie. Hianagi iza'o Ruotge Avamumofonku huhaviza huntesaza vahera menine, henka'anena kumi zmi'a atre ozmantegahie.

Luku 16:7

Anante rumo egeno ana ugagota kva eri'za ne'mo antahige'ne, Nama'a kagra nofira hu'nane? Higeno ana ne'mo'a 100ti'a witigure higeno, ugagota eri'za kva nemo'a huno avon tafe erinka 80ti'a witi'gure hunka avona krento hu'ne.

Luku 20:35

Hianagi Anumzamo'ma huno, veamo'za fri'nenafintima oti'za henka manigahaze hu'nea veamo'za, arave osu'za, ara masi omi ami osugahaze.

Proveps-Knare Nomaniza 12:8

Antahizama'amo knare'ma hu'nesia nera, vahe'mo'za husga huntegahaze. Hianagi antahiza zmimo'ma fatgoma osu vahera, vahe'mo'za zamavesra huntegahaze.