Luku 11:13 - Kamano

¹³ Hanki tamagra havizama nehzamota, tamagra antahinaze. Knare museza mofavretmia nezamize. Mago'ane monafi mani'nea Neramafa'a, Ruotge Avamuku'ma antahigaza vahera zamigahie!

Anumzamofo Routage Avantafere

¹³ Hanki tamagra havizama nehzamota, tamagra antahinaze. Knare museza mofavretmia nezamize. Mago'ane monafi mani'nea Neramafa'a, Ruotge Avamuku'ma antahigaza vahera zamigahie!

Luku 11:13 Referans Kwoze

Matiu 7:11

Hianagi tamagra havizama nehaze vahe'mota antahi'naze, mofavre'tmima knare muse'zama ami'zana, monafima nemnia Neramafa'a, knare muse'za, iza'o Agri'ma antahigemofona rama'a zantmi nemie!

Joni 4:10

Jisasi'a ana ke nona'a asmi'ne, Anumzamo negamia musezama antahi'nenkasina, iza'o kantahigeno kagriku'ma, tina afi namige'na na'neno nehia ne'ma kagra antahigankeno, Agra asimu eri tina kamisine.

Romu 8:32

Anumzamo'a Nemofona aze'orino makamotagu huno tamineakino, hakarezana tamigahie.

Proveps-Knare Nomaniza 1:23

Nagrama i'oma hugantoa kema amage'ma antesanke'na, nagu'a neramina, knare antahi'zani'a rempi huramigahue.

Aposol 2:38

Hazageno, Pita'a zamagrikura anage hu'ne, tamagu'a rukrahe nehutma, Jisas Kraisi agifi mono tina frenkeno, kumi'timia apaseramante'na, ruotge Avamu'mofo museza tamagra erigahaze.

Matiu 6:14

Hianagi tamagrima kefo'za hurmantesamokizmi kumi'zami atrezmante sageno'a, monare nemnia Nfatimo'a, kumi'tamia eri atre ramantegahie.

Matiu 6:32

Na'ankure mono ontahi vahe'mo'za, miko zankura nehakaze. Na'ankure monafi nemnia Neramafa'a miko zankuma upama hu'nazana ko antahine.

Luku 11:2

Agra anage huno zmasami'ne, nunamuma hanutma anage hiho, Tfatimoka Kagri Kagimo'a ruotge huno mesie. Kagri kumamo'a e'nie.

Matiu 6:30

Hianagi Anumzamo'ma, amuma me'nea trazama kukenama huma ante'neana, menina me'neanagi vahe'mo'za okina tevefi eri kregahaze. Ana hu'negu tamagrira Anumzamo'a agatereno kukena hurmantegahie. Tamagra osi'a tamentinti'ne naga mani'naze.

Matiu 5:45

E'inama hanuta monafi nemnia Nfatimofo mofavre manigahaze. Agra zgegu higeno, zgea knare vahete ene, havi vahetera neregeno, fatgo vahete'ene, fatgo osu vahete enena kora atregeno nerie.

Matiu 5:16

Anahu kante tavika'a atregeno, vahe'mokizmirera remsa hanige'za, knare kavu kvara nege'za, monafi mani'nea Negfana ra agi amigahaze.

Romu 7:18

Higena nagra antahi'noe, knare zana nagu'afina omanene. Knare zana hu'nakure huna nentahuanagi anazana hugara nosue.

Romu 5:17

Na'ankure magoke ne'mo Adamu kumi higeno, agri kumite fri zamo'a vahera kva'gri zamanteno e'neanagi, Anumzamofo asuntgi'zane fatgo musezama'afi manisamo'za fri zamofone kumimofo hanavea magoke Ne' Kraisi Jisasimpi azeri ageteregahaze.

Taitus 3:3

Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

Jenesis 8:21

Kre sramna vu'nea mna'agu Ra Anumzamo muse nehuno amanage Agra hu'ne, vahe'mo'za kumi hanaza zankura mago'anena ama mopa eri haviza osugahue. Hakare'mo'za nehzanteti mani'za menima e'naza knarera havi antahi'zampi mani'naze. Hakare zgarmima zamasimu nentaza zgarmina menima huaza hu'na zamahe refi otegahue.

Luku 11:12

Hifi kokore amuku'ma antahigesigeno'a, amane segintave (Scorpion) amigahio?

Luku 18:7

Hanki Anumzamo'ma huhampri zmantenea vahe'mo'za, hanine zgene antahigevava nehnageno'a, zmasuragizmanteno zavikezmia ontahigahio?