Luku 1:76 - Kamano

⁷⁶ Hagi kagra ama mofavre'moka, Marerisa Anumzamofo kasnampa vahere hugahaze. Na'ankure kagra Ramofona vugotenka Agri kana retro huntegahane.

Anumzamofo Routage Avantafere

⁷⁶ Hagi kagra ama mofavre'moka, Marerisa Anumzamofo kasnampa vahere hugahaze. Na'ankure kagra Ramofona vugotenka Agri kana retro huntegahane.

Luku 1:76 Referans Kwoze

Joni 1:23

Agra anage hu'ne, Nagra mago Kezanke ka'ma mopafi mani'neno keza netiana Ramofo ka azeri ante fatgo hiho hu'nea Aisaia kasnampa ne'mo korapa hunte'nea mani'noe. (Aisa 40:3)

Matiu 14:5

Ana higeno Heroti'a ahe frinaku hianagi, rama'a vahe kevu mni'nageno kore hu'ne. Na'ankure Jonina mago kasnampa ne' mni'ne hu'za kente'naze.

Matiu 3:3

Na'ankure korapa ama'na kegu kasnampa ne' Aisaia Joninku anagea hu'ne, mago ageru'mo ka'ma mopafinti kezatino, Ramofo kana vri'nenteta, agri kana eri ante fatgo hiho hu'ne! (Aisa 40:3)

Aposol 16:17

Hanki ana mofa'mo Poline tagri tamefi tavririno ne-eno kezatino zmasamine, ama vahera Marerisa Anumzamofo kazokzo eri'za eneri'za vahere. Ama vahe'mo'za kefozantamifinti tmahoke aheno tamavaresia naneke tamasmiku neaze.

Luku 1:35

Ankeromo'a kenona'a anage huno asami'ne, Ruotge Avamumo kagrite ne-enkenka, Marerisa Anumzamofo hihamu'amo refitegantegahie. E'ina hu'negu ksentesana Mofavremo'a ruotge hanigeno, Anumzamofo mofavre hu'za hugahaze.

Luku 1:32

Ana mofavremo ra vahe fore nehinke'za vahemo'za, Marerisa Anumzamofo Mofavre nehnageno, negeho Deviti kini trara, Anumzamo'a eri aminigeno kva hugahie.

Maki 11:32

Hianagi vahe'mo eri fore hu'ne, huta osugosune, nehu'za maka veaku koro hu'za atre'naze. Na'ankure maka veamo'za Joninkura, tamage kasnampa nere hu'za antahinaze.

Joni 3:28

Tamagra tmi antahi'nage'na amanahu kea hu'noe, Nagra Kraisi'na omni'noe hu'na hu'noe. Hianagi Agrira azeri henka atreno, nagrira pusante hunantege'na e'noe.

Joni 1:27

E'ima Agra nagri nmage'ma esnimo'e, Agri aga'nona knare osu'noankina katu ofegahue.

Luku 6:35

Hianagi ha' vahe tamia tamavesinezmanteta knare tamavutmava hunezmanteta nofi'ma hu'za erisazana mago'zana ete nona'a erigahune huta ontahiho. E'i'nama hanuta mizantamimo'a rama'a me'nena, tamagra Mrerisa Anumzamofo mofavrerami manigahaze. Na'ankure susu hunontaza vahe'ene, havi vahe'mokizmi'a so'e hunezmantaze.

Matiu 21:26

Hianagi tagrama hutma, vahe'mo'za huntageno eri'ne hanunke'za, vahe'mo'za tahegahaze hu'za koro hu'naze. Na'ankure maka vahe'mo'za Joninkura kasnampa nere nehaze.

Matiu 3:11

Nagra amne tinteti mono tina fre nermantoe, tmagu'a rukrahe hnazegu, hianagi Agra henkama ne-emo'a nagrira nagtereno hihamu'ane ne' egahie, higena nagra Agri aganona (sendol) erizafiga osu'noe. Ruotge Avamupine, tevenu'ene Agra mono tina fre tmante'gahie.