Kolosi 1:23 - Kamano

²³ Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Anumzamofo Routage Avantafere

²³ Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma Knare Musenkefinti'ma antahi'naza zana otreho. Ana Knare Musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Kolosi 1:23 Referans Kwoze

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Hibru 10:38

Hu'negu fatgo vahe'mo'za zamentintifi manigahaze. Hianagi iza'o amagenama hunamino natre'noma vanimofona musena huontegosue hu'ne.

Galesia 6:9

E'ina hanigu knare avu'avama hu'zankura tavesra osanie. Tagrama hanavetita erizama erisuta, nezama kafi knazupa knare ne'za kafigahune.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Romu 10:18

Hu'neanagi nagra amanage hu'na nehue. Tamage Israeli vahe'mo'za ana nanenkea antahinafi? Izo zamagra antahi'naze. Anumzamofo avontafepi hu'neana, zmagenkemo'a ama mopamofona maka kaziga vuno eno hu'ne. Zamagri kemo'a maka kokankoka vuno eno hu'ne. (Sam-Zga 19:4)

Hibru 6:19

Fore hanigu'ma tamentintima nehunazamo'a, ventemofo azerintegeno nemania nofikna nehuno, tagutamemofona azerino ra mono nomofona agu'afinka hantinaza tavaravemofona' agatereno ruotge hu'nefinka tamentintima nehuna zamo'a ome rusi nehie.

1 Tesalonaika 3:5

E'ina agafare nagrama avega antena manigama nosuna, reramatagamahu ne'moma reramatga huzanku koro nehuna, tagrama erizama tamagripima eri'nona erizamo amnezankna huzanku, tamamentinti eme kenogu nagra Timoti hunte'noe.

Efesasi 1:18

Nagra nunamu nehuankino antahintahitamofona msa tamina, tamagu'amofo avurgamo hari nehanigetma, Agrama kezatino fore hugahie huno tamagima nehiazana, tamagra kegahaze. Mizama'a mreri'nea zantmi, hihamu'ane msazama'afi Anumzamo'a tamina, Agrite mni ruotge nehaza vahe'mo'zane, tamagra erigahaze.

2 Korinti 3:6

Agra anazanke huno tagrira huranteno hankave tamigeta kasefa hagerafi kea hu'nea zamofo kegva hu'neta erizana e'nerune. Avompima krentenea zankura nosunanki, avamupi zanku nehune. Na'ankure Avompima krente zamo'a zamahe nefrie. Hianagi avamumo'a, zmasimu nezamie.

Aposol 2:5

Ana knafina knare hu'za amage ante'naza Juda vahe'mo'za, mopane mopane kotegati e'za Jerusale kumate emani'naze.

Revalesen-Hufo Hu'ne 2:10

Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.

Kolosi 1:25

Nagrama vahetema kegvahu eri'za vahe'ama mani'noana, tamagrama tamaza huzama erisagu hunantege'na, ana miko Anumzamofo nanekea huama nehue.

Joni 15:6

Mago'mo vahe'mo'ma Nagri nagu'afi omnisimofona, azankuna eritru hu'nazageno osaparea kna hina, mate vu'za tevefi kregahaze.

Luku 22:32

Hianagi Saimoniga kagrikura nunamu hugantenoankino, kamentintimo'a evu oramigahie. Hanki henkama rukrahe'ma hanunka, kagra kafuhe'ina zamazeri hanavetio.

1 Pita 1:3

Ranti Jisasi Kraisi Nefa Anumzamofo agi'a erisaga hanune, Agri'a tusi'a asunkuzamo higeta, tagu'a rukrehe hunkeno kasefa tasimura tamigeta, Jisasi'ma friteno oti'nea zankura amuhara nehune.

Hibru 4:14

E'ina hu'negu tagrira mareri ageteresa prisi nera monafinka ufrenemofonte, Anumzamofo Ne' Mofavrere Jisasinte tamentintia azeri hankavetisune.

Kolosi 2:7

Tamagra Agrite zafamo arafu'nareno oti hanavetiankna nehutma, nomo hanave zafare oti hanavetiaza hutma onetitma, knare musenkera oti hanave netitma, maka knafina Anumzamofona susu hunteho.

Galesia 5:7

Kotera knare huta tamentintifina tamaga re'nazanagi, iza ru antahintahi tamamino asevazirmantegetma tamage kema amage'ma nentazazana netraze?

2 Korinti 6:1

Tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

Maki 16:15

Anage huteno, maka moparega vutma knare musenkea ome huama hutma, hakare vahera zmasamiho.

1 Joni 2:27

Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

1 Pita 1:5

Tamagra Anumzamofonte tamentinti hazageno, Anumzamo'a hanave'areti kegva huramante'neankita, so'e hutma manigahaze. Tamagri tamahokeno tamaza hunaku retro huntegeno me'neankino, e'i anazama haniana mona mopa vgamare'nea knazupa eama hugahie.

Taitus 3:7

Hu'neankita tahokeheno asunku zama'areti, kumipinti tazeri fatgo hu'negu huhamprima tantegeta avegama ante'nona mani'vava mani'zana erigahune.

1 Timoti 2:7

Ana zanteku huno nagrira nazeri oti'ne, Anumzamofo mono naneke zamasmi'nena antahisnagu, nazeri oti'nea aposol ne'mo'na, nagra tamage nehue, havigea nosue. Zamufga tga osu vahe (gentiles) rempi huzminena zamentinti hu'za tamage nanekea antahihogu huama nehue.

1 Timoti 1:12

Krais Jisasi tagri Ramo, hihamu nami'negu muse hunentoe, na'ankure Agra nagri antahi namiteno, erizani'a erigahane huno huhampri nante'ne.

2 Tesalonaika 2:16

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino,

1 Tesalonaika 5:8

Hianagi tagra masare vahe mni'nonanki, atrenketa ama' tagutagesa nentahita, tamentintima huzane, vahe'ma avesinte avu'avazana tamimizare hanko reheriaza nehuta, Jisasi'ma taguvazino tavresiazanku nentahita amuhama nehunazana, fetori anteaza huta antegahune.

1 Tesalonaika 3:3

Tagri'ma tavesiana, mago'amotma amama tagrama e'neruna knazankura antahigna osiho. Tamagra antahinaze, tagrikura knazana erigahaze hu'naza vahe mni'none.

Efesasi 4:16

Agripi miko avufamo omoni, emeni huno azeri hanavetisigeno, magoke magoke avufamo'a ruzahu ruzahu eri'za e'nerino, miko avufamo'a ra huno knare avesi'zampi hagegahie.

Efesasi 2:21

Agripi ana miko nomofonte, vazinte zafamo ome vazinte eme vazinte hiankna huno hagera ra huno, Ramofo otage mono noma'a efore nehie.

Galesia 5:5

Na'ankure tagra Avamumo taza higeta tamentinti nehuta, fatgo vahere huno hurantesigu amuhara nehune.

Galesia 4:11

Tamagrikura tusi'za hu'na eri'zana eri'noankino, ana eri'zamo amnezankna huzankura nagra tusiza hu'na kore hue.

2 Korinti 11:23

Zamagra Kraisi eriza vahepi? Ama nanekema hanuana neginagi vahe'mo'za nehazankna nehue. Nagra zamagterena tusiza hu'na Anumzamofo eri'za e'nerina, zamagterena kina nompina rama'a zupa manina, rama'a zupa kanonutira nahetere hazage'na frikante vu'noe.

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

1 Korinti 3:5

Apolosi'a inanknahu nere? Poli'na iza'ne? Tagra eri'za vahetfa mani'no'e. Ramo hurantegeta tagra eri'zana e'neru'e. Anumzamo tagripi huvazino tamaza higeta tamentinti'a hu'naza eri'za ne' tre'ne.

Romu 15:16

Kraisi Jisasi eri'za erina megi'a vahetega prisi vahe' kna hu'na, Anumzamofo knare musenke huama nehue. Ana hanige'za megi'a vahe'mokizmia Ruotge Avamumo zmazeri ruotage hu'nige'za, Anumzamo muse huno eneria kre sramnagna hugahaze.

Romu 5:5

Hagi amuhama humita avega anteta mani'nona zamo'a, amuhama hu'nazana erinotre. Na'ankure tagra antahi'none Anumzamo'ma Ruotge Avamu tamigeno, avesizama'a Ruotge Avamu'afi huvazino tagu'afi eritagi avinete.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Aposol 26:16

Hianagi otio, na'ankure ama'na agafare, Nagra kavurera efore hue, korapa ama kagrira eri'za ne' kazeri otisugenka, amama kana zane, Nagri'ma naganane, Nagrama kaveri hanuazana huama hugahane hu'na huganteno hu'ne.

Aposol 20:24

Hu'neanagi navufagura nagesa nontahue, tusi'a zana eri'zani'a erivaga nere'na, Ra Jisasi'ma eri'zama namino vahe'ma zamasmio hu'nea eri'za eri'na Anumzamofo asunku zankura knare nanekea vahera zamasmigahue.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Aposol 4:12

Mago vahe'mo'e huno tza huga osu'ne, na'ankure ama mopafi vahe'motafina, tahokehehesia agi'a ontami'neanki, magoke ne' Jisas Kraisi agifi, Anumzamo'a tahokehegahie.

Aposol 1:25

Ama ana eri'za erinogura, kamagema'ante'nea aposol ne' Judasi eri'zana atreno kuma'arega vu'ne.

Aposol 1:17

Tagrane mani'neno, agra ama mono eri'zana eri'ne.

Luku 6:48

Agra mago ne'mo no kiankna hu'neankino, mopa kafino uramino have omeri fore huteno, ana agofetu ki'ne. Tima hageno eno ana nona eritagana vazinaku hianagi, eri torera osugahie. Na'ankure hanave nentake hu'nea havere nona ki'ne.

2 Korinti 4:1

E'ina hu'negu Anumzamo'ma asuragi rante'neazamo higeta, tagra ama erizana e'nerune, e'igu tagrira tavesra nosie.

Aposol 1:8

Hu'neanagi ruotge Avamumo tamagrite esigetma, tusi'a hanave eritetma, Nagri nagenkea Jerusale kumate huama nehutma, Judiane Sameriane huama nehutma, afete mopa omeatre eme atre arega ome huama hugahaze.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

1 Timoti 3:16

Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.