Juti 1:3 - Kamano

³ Navesi neramantoa nafuheta, Anumzamo'ma tagu'mavazinia zankura huama nehu'na avoma kreramizankura antahintahinimo'a tusiza huno onetige'na retro nehue. Hianagi menina mago'azanku avona kreramisue hu'na huana, Knare Musenkema, Anumzamo'ma Agri'a ruotge hu'nea vahe'arema magoke zupa zmi'neazamo maka kna mevava nehina, tamage nanekere tamentintima nehunazanku, tamentinti otretma hanavetita azeri akona hnazegu tamasmiza nehue.

Anumzamofo Routage Avantafere

³ Navesi neramantoa nafuheta, Anumzamo'ma tagu'mavazinia zankura huama nehu'na avoma kreramizankura antahintahinimo'a tusiza huno onetige'na retro nehue. Hianagi menina mago'a zanku avona kreramisue hu'na huana, Knare Musenkema, Anumzamo'ma Agri'a ruotge hu'nea vahe'arema magoke zupa zami'neazamo maka kna mevava nehina, tamage nanekere tamentintima nehunazanku, tamentinti otretma hanavetita azeri akona hanazegu tamasmiza nehue.

Juti 1:3 Referans Kwoze

1 Timoti 6:12

Kmentintimofo hara knare ha' nehunka, kagima higenka manivava asimu'ma eri'nanana azeri hanavetio, hakare vahe zamufi kagra ko huama hu'nane.

Filipai 1:27

Kraisi knare musenke'amo hu'nesia kante anteta mani'nenke'na eme tamagegahuo, ontamagegahuo, magoke tamagu tamagesare ene antahintahi tmifina hanavetitma mani'netma, Knare MusenKe'afi tamentintia nehinke'na tmantahi'neno.

Juti 1:20

Hianagi navesima neramantomota tamagra ruotge hu'nea tamentintifina hagetma mrenerita, Ruotge Avamumo'a tamaza nehina nunamuna hiho.

Revalesen-Hufo Hu'ne 12:11

Zamagra ana ne'mo'ma ha'ma huzmantea hara, Sipisipi anentamofo koranteti'ene agenke'ama huama hazareti agatenere'za, zamagra zmavufagura nontahi'za, zamagri'ma zmahe frizanku enena korera osu'naze.

Taitus 1:4

Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.

Revalesen-Hufo Hu'ne 2:10

Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.

2 Timoti 1:13

Nagripinti knare nanekema azerinana kea azeri hanavetio, kmentinti hu'zampino, avesi'zana, e'i Krais Jisasimpi me'ne.

1 Timoti 1:18

Magoke tamentinti nehu'a mofavre Timotiga, ama avompi kre negamua nanekegu, kagesa antahio. Ko'ma mago'mofonku Anumzamofo naneke asmigeno, kagriku huama hu'nea kasnampa kefi hankve tinka Rantimofo ha'pina, knare hunka hara huo.

Galesia 2:5

Hianagi tagra tamage knare musenkemo tamagrane mesiegu, zamagri kea antahiozamita kankamuna ozamunke'za, havige mono nerafu'za tagrikura ke hara hurante'naze.

Hibru 13:22

Hagi nafuheta hanavetina ama upa avoma kreramuana tamagesa antahi'so'e hiho.

Aposol 9:22

Hianagi Soli'a, antahintahi'afina hageno nevuno Jisasi'ema nehaza nera tazahu ne' Kraisi'e huno eri ama huno tusiza huno hanavetino nehigeno, ana kema Damaskasima mani'naza Jiu vahe'mo'za, nentahiza inankna huta nanekea huntesune ha hu'za kea osu'naze.

1 Tesalonaika 2:2

Tagri'ma Filipai kumate'ma tazeri haviza nehu'za, nerahe'za hu'nazazana, tamagra antahi'naze. Hianagi Anumzamo'ma tazeri hanavetigeta, Agri knare musenkea huama huta tamagri'enena neramasamunkeno, maka vahe'mo'za ha'rerante'naze. (Apo 16:19-24, 17:1-9)

1 Korinti 15:3

Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi tagri kumiku huno efri'ne.

Aposol 4:12

Mago vahe'mo'e huno tza huga osu'ne, na'ankure ama mopafi vahe'motafina, tahokehehesia agi'a ontami'neanki, magoke ne' Jisas Kraisi agifi, Anumzamo'a tahokehegahie.

Aposol 18:28

Na'ankure agra hampo'natino Jiu vahera zamazeri hagro huno, mika vahe zamufi avontafepinti eriama huno Jisasi'a Tazahu Nere (Kraisi'e) hu'ne.

Aposol 17:3

ana kemofo agafa'a eriama nehuno huzamerino, Kraisina ahesnageno ata eriteno fripintira otigahie hu'ne. Ama ana Jisasinku'ma nehuana e'i Kraisi'e.

Juti 1:17

Hu'neanagi navesima neramantoa nenafugata tamagera okaniho, Rantimofo Jisasi Kraisi aposol naga'mo'za tamasimiza,

2 Pita 1:1

Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

1 Pita 5:12

Hanki Sailasi'a nazahigeta ama atupa avona kre'no'e, nagrama kena antahinama agri'ma huana, fatgo huno Ramofona amage nentea nenafu mni'ne. Nagra ama atupa avoma kreneramuana, tamazeri hanaveti ke hu'na, Anumzamofo tamage asunku zankura kreneramuanki, ana asunkuzantera oti hanavetiho.

Kolosi 1:2

Kolosi kumate'ma Anumzamofo nagama, ke amage'antetma fatgo hutma Kraisimpima nemniza tafuhe'motarega, Anumza Nafatimofontegati asunku'zane, rimpa fruzamo'a tamagritega vie.

Filipai 1:1

Poli'nane, Timoti'ene Krais Jisasi kazokzo eri'zampi tragoteta kina hu'neta, Filipai kumate Anumzamofo naga Krais Jisasinte tamentinti nehaza vahe'ene mono kva nagamotane, eri'za tamaza hu'za eneriza naga'motma kre neramu'e.

Efesasi 1:1

Poli'na, Krais Jisasi aposol eri'za ne'mo'na Anumzamo Agra'a avesite huhampri nantenege'na, Efesasi kumate zmentinti nehaza naga'ma (Saints) mani'ne'za, Krais Jisasinte tamage zamentinti nehu'za amage' nentaza vahetega ama avona kre netroe.

Galesia 6:11

Hanki nagrani'a nazampinti ama ranra avontamimpinti avoma krerami'noanki, tamagra keho.

Aposol 28:28

E'ina hu'negu tamagra antahi ankeresazana, Anumzamo tahokehe'zana megi'a vahete atregeno e'ne hu'zama zamagra antahigahaze.

Aposol 20:27

Na'ankure Anumzamofo miko avesi'zama'a nagra korera osu'na hu'ama hu'na neramasmue.

Galesia 3:28

Hanki Jiu vahero Griki vahera omnita, kazokzo vahe'ene amne vahera omnita, veo aro omni'naze. Na'ankure tamagra maka'mota Kraisi Jisasimpina magoke mani'naze.

Aposol 6:7

Anumzamofo kemo'a mago'ane ra huno nevigeno, amagema nentaza disaipol nagamo'za Jerusalemi kumapina rama'a efore nehageno, ra'ma'a Jiu prisi vahe'mo'za zamentinti hu'za ke amage'anteme vu'naze.

Aposol 9:13

Hianagi Ananaisi'a ke'nona'a huno, Ra Anumzamoka nagra rama'a vahepinti, nama'a vahe krerafama Kagrite'ma zamentintima nehaza vahe'ma Jerusale kumapima mani'naza zamahe'neana ana ne'mofo agenkea nagra antahi'noe.

Hibru 6:9

Nafuheta tagra ama anahukna ke nehunanagi, tagra antahinone ama anazamo'a tamagritera fore osugahianki, tagra antahima tamunana knare tamavutmavama nehanageno, tamagu vazigahie huta nehune.

2 Pita 2:21

Na'ankure fatgo avu'avamofo kama ke'za antahizama osu'neza, ruotge kasegema rutragazasina knarezantfa hisine.

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.