Joni 8:51 - Kamano

⁵¹ Tamagerfa hu'na neramasmue, Keni'a nentahimo'a, agra ofrigahie.

Anumzamofo Routage Avantafere

⁵¹ Tamagerfa hu'na neramasmue, Keni'a antahino amagema nentemo'a agra ofrigahie.

Joni 8:51 Referans Kwoze

Joni 5:24

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Joni 15:20

Ko'ma tmasmi'noa kegu tamagesa antahiho, kazokzo eri'za ne'amo'a, kva vahe'a knara osu'ne. Nagri'ma nazanva ante'nesu'za, tamagri enena anahu kna hu'za tmazanva antegahaze, ke'ni'a amage antenare'sina, tmagri kea ana zanke hu'za antahizasine.

Joni 6:50

Ama'ina bretia monafinti ermi'neankino, mago'mo'ma nesuno'a ofri manigahie.

Luku 2:26

Ruotge Avamumo korapa averi huno, ofri mani'nenka, Ra Anumzamo taza hania ne' Kraisina huntena fore hinkenka ketenka frigahne, huno asami'negeno antahino mani'ne.

Hibru 11:5

Enoku'a amentinti higu Anumzamo avregeno ofrineno, monafinka marerigeno onke'naze. Na'ankure ofrino mni'nerera Anumzamofo avurera fatgo huno mni'negeno, Anumzamo muse hunteno avare'ne.

Joni 8:55

Tamagra Agrira antahinomize, hianagi Nagra antahi'na ke'na Agrira hu'noe, hankina Nagrama hu'na, Agrira antahi'na kena osu'noe hanuana, havige hu'na tmagrikna hugahue, hianagi Nagra Anumzamofona antahina kena hu'nena, ke'a erizafa nehue.

Joni 8:12

Anante Jisasi'a mago'ene anage huno zamasmi'ne, Nagra'ni'a ama mopamofo Msa mani'noe, aza'o namge'ma esimo'a hanimpina vano osugahie. Hianagi asimu eri Msa erigahie.

Matiu 16:28

Nagra tamage hu'na neramasmue, meni ama otitma mni'nafintira mago'amota ofri'mni'netma negesageno Vahe'mofo mofavremo'a kini manino egahie.

Joni 8:52

Jiu vahe'mo'za Jisasinku anage hu'za asami'naze, menina tagra antahi'none, hankromo kagu'afi mani'ne. Abrahamu'a fri'negeno, kasnampa vahe'mo'zanena anazanke hu'za fri'nazagenka, Kagra anage nehane, iza'o nanekeni'a avariri simo'a, agra ofrigahie hunka nehane.

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 17:6

Nagra Kagri kagi kagenkeka'a kokankoka vahe'pinti'ma avare nami'nana vahera zamasmi ama hu'noe. Zamagra Kagrika'a vahe, Nagrira nami'nane, hagi zamagra keka'a antahi'za amage' ante'naze.

Hibru 2:9

Osia knafi ankero agorga azeri fenkate'nea nera tagra Jisasina kenone, menina azeri antesga huno msazama'areti kini fetori antente'ne. Hu'negu Anumzamo asuragirantenegu mikamotagu huno frizampina ufrene.