Joni 8:21 - Kamano

²¹ Anante ete mago'ene anage huno zamasmi'ne, Nagra tmatre'na vnugeta Nagrikura hakregahaze, tamagra kumi tmifi frigahaze, Nagrama vnurega tamagra ovugosaze.

Anumzamofo Routage Avantafere

²¹ Anante ete mago'ene anage huno zamasami'ne, Nagra tamatre'na vanugeta Nagrikura hakregahaze, tamagra kumitmifi frigahaze, Nagrama vanurega tamagra ovugosaze.

Joni 8:21 Referans Kwoze

Joni 7:34

Tamagra, Nagrikura hakre gahazanagi, Nagria nagefore osugahaze. Hagi Nagrama umani'surega tamagra ovugahaze.

Joni 8:24

E'ina hu'negu, kumi'tamifi tamagra frigahaze hu'na Nagra neramasmue, na'ankure tamagra ma ama kema nehia Nera ama'ne, hutma tamentintima osnazana, tamagra kumi tamifi frigahaze. (Ekso-Uti 3:14, Jon 8:28, 8:58, 13:19, 18:5-8)

Joni 13:33

Mofavre zgamota antahiho, Nagra osi'a knafi tamagra nena manigahue. Tamagra Nagrikura hakregahaze, Jiu mono kva vahera anankea ko zamasmi'noe. Meninena ana kege nermasmue, Nagrama inantega vnurega tamagra omegahaze.

Efesasi 2:1

Korapara ke ruhanentagita, kumitmifi fri'nazane.

Joni 12:35

Jisasi'a kenona anage huno zamasmi'ne, Osi'a knafi Msamo'a tmagri amu nompina me'ne. Msama me'nenire kana nentenkeno hanimo'a tmagate oreno, iza'o hanimpima nevimo'a, iga nevio antahino keno nosie.

Joni 12:33

E'inagema hu'neana, fri'zamo avate'ma fore hanigeno frisnigu huama hu'ne.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Matiu 25:41

Nehuno anante aza hoga kazigama mani'namokizmia amanage huzmantegahie, tamagra kazusifi mani'naze, maniganeta kefo nemofone, ankero naga'amofoma retro'ma huzmante'nea tevava tevefi ufreho.

Matiu 23:39

Na'ankure Nagra neramasmue, meninteti agafa hutma tamagra Nagrira onagetma maninetma anage hugahaze. Anumzamofo agifima e'nemofona asomu hunteno huta hugahaze.

Proveps-Knare Nomaniza 14:32

Kefo avu'avama nehia vahe'mofona, ana kumi avu'avazamo azeri haviza hugahie. Hianagi fatgo vahe'mo'ma, frisigeno'a, agu'vazigahie.

Proveps-Knare Nomaniza 11:7

Kefozama nehia vahe' moma erinaku'ma amuhama nehia zamo'a frisigeno'a anama erinakuma amuhama nehiazamo'a, amane zankna hugahie

Joni 7:36

Ina knahu ke Agra huno, Tamagra, Nagrikura hakre'gahazanagi, Nagria nage fore osugahaze, hagi Nagrama mani'nesurega tamagra vuga osu'naze huno nehie?