Joni 7:48 - Kamano

⁴⁸ Mago ran kva vahe'motafi, Farisi vahe'mota, Jisasintera tamentintia nehumpi nosu'ne?

Anumzamofo Routage Avantafere

⁴⁸ Hagi mago rankva vahe'motafi, Farisi vahe'mota, Jisasintera tamentintia nehumpi nosu'ne?

Joni 7:48 Referans Kwoze

Joni 12:42

Ana hianagi hakare'a mono kva vahe'mo'za zamentinti Agrite hu'naze. Hianagi Farisi vaheku kore hu'za Jisasi'a, Kraisi'e hu'za huama osu'naze, anagema hanage'za mono nompinti (Sinagog) zamahe fegi atre'zanku kore hu'za osu'naze,

1 Korinti 2:8

Ana antahintahizana magore huno meni gnafi kva vahe'mo'za antahi ama osu'naze. Na'ankure antahi ama hu'nazasina, hanave'ane Ramofona ahe'za keka zafarera ohantizasine.

1 Korinti 1:20

Antahi'zane nera ina mani'ne? Avontafe'ma kre antahi'zane nera ina mani'ne? Ama knafi ke hafra hu nera ina mani'ne? Anumzamo ama mopafi antahi'zane vahera, antahintahi'zazmia zmazeri neginagi nehie.

Joni 7:26

Keho, Agra amate kevumokizmi zamufi naneke nehiana nahige'za kea nosaze? Kva vahe'mo'za Agrama Kraisi mani'negura, antahi'nafi?

Aposol 6:7

Anumzamofo kemo'a mago'ane ra huno nevigeno, amagema nentaza disaipol nagamo'za Jerusalemi kumapina rama'a efore nehageno, ra'ma'a Jiu prisi vahe'mo'za zamentinti hu'za ke amage'anteme vu'naze.

Joni 7:50

Nikodimasi'ma kenagepi Jisasinte vu'nea kva ne'mo, amu'no zamifi mani'nereti amanage huno zamasmi'ne.

Matiu 11:25

Ana knazupa Jisasi anage huno nunamuna hu'ne, Nenfaga monane, mopamofo Ra mni'nane, susu huna musenke hugantoe antahi'zane vahe manita, antahi ankerenone nehaza vahetera, eri frakinenka, osi mofavre'gna hu'naza vahete eri ama hu'nane.

Luku 23:13

Hagi Paeroti'a ugota prisi vahezgane, kva vahezgane, vahetamine kehutru huno,

Joni 3:1

Farisi vahepinti mago nera agi'a Nikodimasi, Jiu vahe'mokizmi mono kanisol ne' mani'ne.

Joni 7:49

Hianagi ama vahe kevua, kasegema ontahi'nagu havizamofo agu'afi mani'naze.