Joni 6:51 - Kamano

⁵¹ Nagra ksefa mani'zamofo breti monafinti eramino'e, mago'mo ama ana bretima nesuno'a, agra manivava hugahie, E'i ana bretia Nagri navufa me'ne, ana navufamo maka mopafi vahe manivava asimu zamigahie.

Anumzamofo Routage Avantafere

⁵¹ Nagra kasefa mani'zamofo breti monafinti eramino'e, mago'mo ama ana bretima nesuno'a, agra manivava hugahie, E'i ana bretia Nagri navufa me'ne, ana navufamo maka mopafi vahe manivava asimu zamigahie.

Joni 6:51 Referans Kwoze

Luku 22:19

Hagi Jisasi'a bretima erino Anumzamofo susu hunteteno korino nezamino anage hu'ne. Ama'i Nagri navufa tamagrikure huno tami'neanki, nenesutma tamagesa antahinamiho.

Joni 6:33

Na'ankure Anumzamofo bretia e'i ama monafinti erami'neankino, miko mopafi vahera zamasimu zamigahie.

Joni 3:13

Mago'mo'a monafinka mrerino ovu'ne. Hagi Agra monafinkati'ma erami'neana, Vahe'mofo Mofavremo erami'ne.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Hibru 10:20

Jisasima tagriku'ma fri'neazamo, kasefa huno asimu eri kama tavravemo runkaniregeno, Ruotgema hu'nefinka kana anagirante'ne.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

1 Pita 2:4

Kraisi'a asimu eri have mni'nemofonte tamagra Agrite neaze. Ana havea vahe'mo'za haviza hu'ne hu'za eri atrenazanagi, Anumzamo'a huhamprintegeno, Agri avurera mrerisa have me'ne.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

Joni 3:16

Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

Joni 1:29

Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

1 Joni 4:14

Tagra negeta huama huta Nefa'a, Nemofo huntegeno ama mopafi vahe'mota tahoke heno taza hunaku e'ne.

1 Joni 4:10

Ama ana avesi'zana, tamage tagra Anumzamofona avesi ontenonkeno, Agra'a tagrira avesi ranteno, magoke ante'nea Nemofona huntegeno, kumitimofona nona huno apaserante'ne.

1 Joni 2:2

Agra'a kumitimofona nona huno apaserante'ne, tagri kumike sese huorante'neanki, maka mopafi vahe kumi'ene sese huzmante'ne.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Efesasi 5:25

Vene'nemotma, a'ne tmia tamagu'areti zmavesi zamanteho, Kraisi'ma mono kevu'agu agu'areti avesi zamanteno zamahoke heno ana a'ku (sios) fri'nea kna hiho.

2 Korinti 5:19

Na'ankure Anumzamo'a Kraisimpi ama mopafi vahera, Agrane tazeri mago hu'ne, vahe'mo'zama kumi'ma hu'nazana antahizmino nona hunozmante. Hagi erimago huno manizamofo knare naneke huama hanunegu, tagrira tami'ne.

Joni 7:38

Anumzamofo avontafepi kre'nere, Aza'o, Nagrite amentinti nehnimo'a negahie, Agri agu'afinti manivava timo hageno evugahie. (Aisa 58:11)

Joni 3:14

Mosese hagage kokampi osifa'vema erintesga hu'nea kna hu'za, Vahe'mofo Mofavrea azeri antesga hugahaze.

Joni 3:36

Aza'o Nemofonte amentinti hanimo'a manivava asimu erigahie. Hagi iza'o Nemofo kema rutagresimo'a asimura e'origahie. Hanki Anumzamofo tusi'a rimpahe knazamo agrite megahie.

Joni 5:24

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Joni 6:35

Jisasi anage huno zamasmi'ne, Nagra asimu eri bretia mani'noe, aza'o Nagrite esnimo'a aga'zankura osugahie. Hagi aza'o Nagriku amentinti hanimofona tinkura mago'ene ave'ositfa hugahie.

Joni 6:41

E'igu Jiu vahe'mo'za Agrikura ke hakare hu'naze, na'ankure Agrama huno Nagra ana breti monafinti erami'noe hiazante zamarimpa haviza nehige'za ke hakare hu'naze.

Joni 6:47

Tamage hu'na Nagra neramasmue, aza'o amentinti hanimo manivava asimura erigahie.

Joni 6:48

Nagra'ni'a manivava hu'mofo bretia mani'noe.

Joni 6:50

Ama'ina bretia monafinti ermi'neankino, mago'mo'ma nesuno'a ofri manigahie.

Joni 11:26

Maka vahe'mo'za mani'neza Nagrite zamentinti hanazana, ofri'tfa hugahaze. Amama nehua kegura kagra kmentintia nehampi?