Joni 6:27 - Kamano

²⁷ Fanane hania ne'zantera eri'zana e'oriho. Hagi fanane osu manevava hanaza ne'zanku nentahita eri'zana eriho, e'i ana ne'zana Vahe'mofo Mofavremo tamigahie. Na'ankure Nefa, Anumzamo azanko avoma'a retro huno Agri hugnare hunte'ne.

Anumzamofo Routage Avantafere

²⁷ Fanane hania ne'zantera eri'zana e'oriho. Hagi fanane osu manevava hanaza ne'zanku nentahita eri'zana eriho, e'i ana ne'zana Vahe'mofo Mofavremo tamigahie. Na'ankure Nefa, Anumzamo azanko avoma'a retro huno Agri hugnare hunte'ne.

Joni 6:27 Referans Kwoze

Kolosi 3:2

Monare zanku tamagesa areare nehuta, mopafi zankura tamagesa arerera osiho.

Joni 6:54

Mago'mo, Nagri navufa neneno, Nagri kora nesimo'a manivava asimu erisanige'na, Nagra vgare knazupa azeri otigahue.

2 Timoti 2:19

Ana hu'neanagi Anumzamofo nanekemo avempa huno arafuna reno me'ne, azanko avo (seal) me'negeno amanage huno kre'ne, Ra Anumzamofo nagare hu'za mani'naza vahera zamantahino keno hu'ne. Maka agi hanta nevaziza Ra Anumzane nehaza vahe'mo'za kefo mani'zampina maniagetagi'za maniho.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

Romu 6:23

Na'ankure kumimofo mizana fri'zane. Hu'neanagi Anumzamofo muse'zana, Kraisi Jisasi Rantimofompi mago'za hunterompge, amne manivava asimura tamine.

Joni 10:28

Nagra, mani'vava zamasimura nezmue. Hagi zamagra fanene osugahaze. Mago ne'mo'a nazampintira ohanaregahie.

Joni 6:51

Nagra ksefa mani'zamofo breti monafinti eramino'e, mago'mo ama ana bretima nesuno'a, agra manivava hugahie, E'i ana bretia Nagri navufa me'ne, ana navufamo maka mopafi vahe manivava asimu zamigahie.

Aposol 10:38

Tamagra ko antahi'naze Nazareti Jisasina inankna huno Anumzamo'a Ruotge Avamuteti'ene hanave areti'ene huhamprinte'ne. Ana higeno Jisasi'a vano huno knare hunezmanteno, Sata'ma knama nezmia vahera zamazeri so'e huzmante'ne, na'ankure Anumzamo'a Agrane mani'negeno ana hu'ne.

Joni 17:2

Maka vahete kvahu hihamu ami'nane, ana hankeno maka ami'nana vahera, Agra zamaza huno manivava mani'za zamigahie.

Matiu 6:19

Ama mopafina fenona eritru osiho, havi kfamo'ene, krogroheno erihaviza nehnigeno, kumza vahe'mo'za, nona anafe hu'za kumza segahaze.

Joni 6:58

Ama'i monafinti ermi'nea breti me'ne. Tmagehe'za ka'ma mopafi nete'za fri'naza ne'zana omne'ne, aza'o mago'mo ama bretima nesimo'a manivava hugahie.

2 Pita 1:17

Na'ankure Anumza Nafatimo Agra'a ra agi nemino, masa'a eriama nehuno, hanavenentake masa'afinti anage huno Jisasinkura hu'ne, ama'i Nagri Mofavre, navesinentena muse hunentoa Mofavre'ni'e hu'ne.

Filipai 2:13

Na'ankure Anumzamo tamagripi eri'za e'nerie, Agra tmagu'a tamazeri otigetma kezafa hutma eri'zama'a e'neriza zane, Agri avesi avariri hanave'a tami'ne.

1 Pita 1:24

E'ina hu'negu avontafepina anage hu'ne, maka vahe'mo'za trazankna hunazankino, maka konariri zmimo'a trazamofo amosregna higeno, ana trazamo hagege higeno, amosre'amo evuramiankna hugahaze.

Luku 3:22

Ruotage Avamumo'a maho namagna huno eramino avufare emanigeno, monafinkati mago agerumo'a anage huno, Mofavre nimoka tusiza hu'na Kagrikura muse hunegantoe.

1 Tesalonaika 1:3

Na'ankure tamagrama Anumza Nafatimofonte tamentinti nehuta, erizama enerita, avesintezamofo eriza enerita, Rantimo Jisas Kraisi'ma eforema hanigu, kazigazi hutma Anumza Nafatimofo avure e'nerizazankura antahirami vava nehune.

Kolosi 1:29

E'ina hu'negu Kraisima maka hankavema naminereti tusi hankavetina eri'zana e'nerue.

Joni 3:33

Iza'o, Agri agi agenke'a erimo'a, tamage huno Anumzamofo nanekegura nehie.

Aposol 2:22

Israeli vahe'motma ama kea antahiho, Nazareti ne' Jisasina, Anumzamo azeri oti'nea ne'mo, kaguva zane ruzahu'zane, avame'zana Anumzamo'a, Agripi runtanino amuno tamifina eri'zana erigeta, keta antahita hu'naze.

Joni 6:68

Saimon Pita'a ana kemofo nona'a Agri asmino, Rantimoka izante katreta vunaku hunkenka nehane? Kagri kemo manivava asimura nemie.

Luku 9:35

Anante mago agerumo hampopinti eno anage hu'ne. Ama'i Nagri Mofavre, Nagra huhampri ante'nomo'e. Hanki ke'amofona antahimiho.

Hibru 12:16

Atrenkeno kefo avu'avazamo'a tamazeri traka nosina, koma Isoma Anumzamofo amagena hunenteno, ese mofavremo eri asomuma atreneakna osiho.

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Hibru 4:11

E'ina hu'negu manifruhu kumapima ufre'zankura hankavenetita, ke ontahi vahe'mo'za ke runetrage'za fanane hunazankna huzankura kva hanune.

Kolosi 2:22

E'inahu tra kea mopafi vahe'mo rempi huneramiankino, ana tra kema amagema nentaza zamo'a amnezankna hugahie.

1 Korinti 9:2

Hianagi mago'a vahe'mo'zama antahizana aposol vahera omni'ne nehazanagi, tamage tamagritera aposol vahe mani'noe. Na'ankure Ramofonte aposel eri'za eri'noa zamofo nena rga'a tamagra mani'naze.

1 Korinti 6:13

Ne'zana narimpamofo suzane, narimpamo'a nezamofo suzanagi, ana taregara Anumzamo'a znazeri haviza hugahie. Kavufga monko avu'ava'za hunka eri haviza hu'zana omne'neanki, Ramofo suza menegeno Ramo'a, tvufgamofo su'ane.

Romu 4:11

Oku avufgama tga hu'zana amentinti huzamofo avame zankino, ko Abrahamu'a amentinti higeno Anumzamo'a avregeno, fatgo nere huno huntene. Oku avufgama tga osunere anagea huntene. E'ina hu'negu oku zamavufga tga osu vahe'mo'za zamentintima haza vahe'mokiziminena, Anumzamo'a fatgo hu'naze huno huzmantesigeno, Abrahamu'a avamupina nezmafaza hugahie.

Joni 15:24

Mago'a vahe'mo'za e'orinaza kaguva eri'zama zamagri amu'nompi e'ori'noasinia, kumi'zmia omnesine. Hianagi menina kaguva eri'zani'a kazanagi, Nagri'ene Nenfanena ha' renerantaze.

Joni 14:6

Jisasi'a anage huno asmi'ne, Nagra kana mani'na, tamage ke manina, asimumofo agafa Nagra mani'noe, mago'mo'a aru kantetira Nenfantera ovugahie. A'o, Nagriteti vugahie.

Joni 11:42

Nagra antahi'noe, hakare zupa keni'a nentahine, hianagi kema nehuana ama oti'za mani'naza vaheku hu'na Nagra nehue, Kagra hunantake'na e'noe hu'za zamagra zamentinti hanagu nehue.

Joni 8:18

Nagra tamage ke huama Nagrani'agu nehugeno, hunantegena e'noa Nenfa'a Nagriku tamage huno huama nehie.

Maki 9:7

Anante hampomo refitenezmantegeno, mago agerumo amanage ana hampopinti hu'ne, ama'i tusiza hu'na navesima nentoa Mofavreni'e. Agrama hania kea antahi amiho!

Maki 1:11

Monafinti mago agerumo amanage hu'ne, Kagra navesimanegantoa mofavre'nimokagina muse hugantoe.

Matiu 17:5

huno kema nehigeno, msa'ane hampomo tmino refite nezmantegeno, mago ageru'mo hampopinti anage hu'ne, Ama'i Nagri Ne'mofavre, Agriku navesi nentena, tusiza hu'na musena hunentoe, ke'a antahi amiho!

Matiu 3:17

Higeno, monafinkati mago ageru'mo huno, Ama'i Nagrama avesinento'a magoke Mofavre, hige'na Nagra tusi'a muse Agrira hunentoe.

Jemisi 1:11

Na'ankure zgemo'a amuho'ane marerino, ana trazana te hagage higeno, amosre'amo'a hagage huno evuramigeno, konariri'amo'a fnane nehie. Anahukna hu'za feno vahe'mo'za, ana fenozmine fanane hugahaze.

2 Korinti 4:18

Hagi negonazantera tavua onkesunanki, onke'nonazante tavua kesune. Na'ankure negona zamoa omanegosie, hianagi okenona zamo'a mevava hugahie.

Matiu 8:20

Jisasi'a amanage huno agrira asami'ne, afi kramofona mopafina kerigama'a me'ne, hare'za vanoma nehaza namamofona noma'a me'ne. Hagi Vahe'mofo Mofavre'mofona asenima anteharege huno masesia zana omane'ne.

Proveps-Knare Nomaniza 9:5

rukrehe huta nagrite etma ne'zana eme neneta, waini tima tro'ma huntenoana eme neho.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Joni 3:15

Hanigeno aza'o, Agripi amentinti hanimo'a, manivava asimu erigahie.

Joni 6:47

Tamage hu'na Nagra neramasmue, aza'o amentinti hanimo manivava asimura erigahie.

Joni 6:53

Ananku Jisasi'a anage huno zamasmi'ne, Tamage rfa hu'na neramasmue, Vahe'mofo Mofavre'mofo avufane, korane onesutma tamasimu eritma mani'zana tamagripina omnegahie.

Joni 6:62

Inankna hugahie, Vahe'mofo Mofavremo'ma negesageno ko'ma mani'nerega ete marerisigetma na'ane hugahaze?