Joni 5:24 - Kamano

²⁴ Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Anumzamofo Routage Avantafere

²⁴ Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti nehimo'a manivava asimu eri'neankino, vahe'ma refko hania knafina, fri'zana agatereno ko asimu erino mani'ne.

Joni 5:24 Referans Kwoze

Joni 3:36

Aza'o Nemofonte amentinti hanimo'a manivava asimu erigahie. Hagi iza'o Nemofo kema rutagresimo'a asimura e'origahie. Hanki Anumzamofo tusi'a rimpahe knazamo agrite megahie.

Joni 3:18

Aza'o Agripitema amentintima himofona refko huno nanekea hunonte, iza'o Agrite'ma amentintima nosimofona, trate ko avrenteno keaga hunte'ne. Na'ankure Anumzamofona magoke Mofavre'amofo agirera, agra amentinti osigu ana nehie.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

Romu 8:1

Ana hu'negu menina Krais Jisasi'ene hagerfi'naza vahera, havi vahere huozamantegosie.

Joni 6:47

Tamage hu'na Nagra neramasmue, aza'o amentinti hanimo manivava asimura erigahie.

Joni 3:16

Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

Joni 11:26

Maka vahe'mo'za mani'neza Nagrite zamentinti hanazana, ofri'tfa hugahaze. Amama nehua kegura kagra kmentintia nehampi?

Joni 20:31

Hianagi ama kre'naza avomo hugasmisigenka kmentinti nehunka, Jisasi'a Tzahu ne', Anumzamofo Ne'mofavre, Kraisi'e hunka kmentinti hanunka kagra manivava mani'zana Agri agireti erigahane.

Joni 8:51

Tamagerfa hu'na neramasmue, Keni'a nentahimo'a, agra ofrigahie.

1 Tesalonaika 5:9

Na'ankure Anumzamo'a rimpahe'zama'a erigahaze huno huorantene. Hianagi Ranti Jisasi Kraisimpinti tahokeno taguvazizana erisunegu huhamprirante'ne.

1 Joni 5:1

Iza'o Jisasinku Kraisi'e huno amentinti hanimo'a, Anumzamofo mofavre. Iza'o Nefanku'ma avesintesimo'a, Mofavre'a avesintegahie

Maki 16:16

Hagi iza'o Nagriku amentinti nehuno, mono ti fre snimofona Anumzamo'a agu'vazina knare huno manigahie. Hianagi iza'o amentinti osanimo'a, keagafi manino fanana hugahie.

1 Joni 3:14

Tagra antahita keta hu'none, fri'zampintira atreta tasimu eri kaziga mani'none, na'ankure amentintima nehia nerafuna avesinentonkure. Iza'o rumokizamiguma avesi nontesimo'a, fri vahekna huno mani'ne.

Joni 12:44

Jisasi'a ranke huno amanage hu'ne, iza'o Nagrite amentinti hanimo'a, Nagritekera amentinti osugahianki, Agrama hunantege'na e'nomofonte amentinti hugahie.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

1 Pita 1:5

Tamagra Anumzamofonte tamentinti hazageno, Anumzamo'a hanave'areti kegva huramante'neankita, so'e hutma manigahaze. Tamagri tamahokeno tamaza hunaku retro huntegeno me'neankino, e'i anazama haniana mona mopa vgamare'nea knazupa eama hugahie.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Joni 4:36

Ana ne'zama hamre'namo'za hago mizazamia knare hu'za eri'naze. Hagi ana rga'ama hamre'nazana manivava mani'zante vahera zamare'za vu'naze, ana nehina aza'o hozama hankresnimo'ene, hozama hamresi'mokea, znagu'a musena magoka hugaha'e.

Joni 6:50

Ama'ina bretia monafinti ermi'neankino, mago'mo'ma nesuno'a ofri manigahie.

Joni 6:51

Nagra ksefa mani'zamofo breti monafinti eramino'e, mago'mo ama ana bretima nesuno'a, agra manivava hugahie, E'i ana bretia Nagri navufa me'ne, ana navufamo maka mopafi vahe manivava asimu zamigahie.

Joni 6:58

Ama'i monafinti ermi'nea breti me'ne. Tmagehe'za ka'ma mopafi nete'za fri'naza ne'zana omne'ne, aza'o mago'mo ama bretima nesimo'a manivava hugahie.