Joni 3:29 - Kamano

²⁹ Mago vemo'ma a'ma erinaku nehigeno rone'amo oti'neno antahi nemino, aravema huku hia vahe'mofo ageruku muse nehie, e'ina higu nagrira muse zamo'a avite'ne.

Anumzamofo Routage Avantafere

²⁹ Mago vemo'ma a'ma erinaku nehigeno rone'amo oti'neno antahi nemino, aravema huku hia vahe'mofo ageru nentahino muse nehie. E'ina higu nagrira muse zamo'a avite'ne.

Joni 3:29 Referans Kwoze

Matiu 9:15

Jisasi'a zamagriku anage hu'ne, Aravema hute'ma kenaku eme atruma hu'naza vahe'mo'za, aravema husia ne'ma zamagranema maninesige'za zamasunkura osugahaze, tamagefi? Hu'neanagi mago kna ne'eankiza aravema hunaku'ma hania nera, zamagripintira avaretrete'za, anante zamagra nezana a'o hugahaze.

Revalesen-Hufo Hu'ne 21:9

Anantera 7ni'a ankeropinti magomo Anumzamofo tusi'a rimpahe vgare knazana 7ni'a zuompafi avite'nea erineno anage huno nasamine, ege'na Sipisipi anentama erisia ara kaveri haneno huno hu'ne.

Filipai 2:2

nagri muse zane, eri hagerafitma magoke antahintahire'ene, magoke avesizante'ene, magoke tmagu tamagesane, magoke avamupine, magoke antahintahire manigahaze.

Joni 16:24

Korapara Nagri nagifina mago'zankura nantahi onke'naze. Nantahigetma tamagra erigahaze, e'ina hanageno muse zantmimo'a avitegahie.

1 Joni 1:4

Tagra ama naneke negronankino, ama anazamo musezantia avitesiegu nehune.

2 Korinti 11:2

Kraisinte knare hutma mnisazegu hanave antahintahi nehue. Nagrama magoke vere, Kraisinte manisazema hu'noane. Vene omaseno agru hu'nea a'kna hu'nesage'na, tamagrira Kraisinte tamavrentesuegu nehue.

Luku 15:6

avreno nontema ehnatino'a, roneamokizmine tva'onte'ma nemniza nagara ke hanige'za esageno, anage huno zmasamigahie. Muse nagri ene eme hinketo. Na'ankure fnanema hu'nea sipisipia hago hakena eri fore hu'noe huno hugahie!

Matiu 25:1

E'i ana knafina mona kumamo'a 10ni'a venenene omase mofanemo'za lampe tavizami'a eriri eriri huza, a' erinaku hia ne' ome tutagiha hunaku vu'naza kna hu'ne.

2 Joni 1:12

Hakare naneke me'neana nonkre'na tamagra ne magopi umani'ne'na naneke nehamanenkeno tarimpa so'e hugahie.

Joni 17:13

Hu'neanagi Nagra, Kagrite menina ne-e'na, ama mopafina Nagra amanahu kea nehuankino, Nagri muse zamo'a (joy) zamagripi avitegahie.

Matiu 22:2

Mona kumamo'a mago kini ne'mo mofavre'amo arave huku higeno kave retro hu'neankna hu'ne.

Joni 3:30

Agri agimo mreri anagamu atresigeno, nagri nagimo uramisie.

Joni 15:11

Ama zanku'ma Nagra nermasmuana, Nagri muse zamo tmagri tmagu'afi me'nigeno, musezantmimo'a avitegahie.