Joni 3:2 - Kamano

² E'i ana ne'mo'a kenage hanimpi Jisasinte eno amanage huno antahige'ne. Hurami ne'moka antahi'none, Kagra hurami ne' Anumzamofontegati e'nane. Mago'mo'a Kagra hanaza huno amanahu avame zana osugahie, Anumzamo agrane mani'nesimo hugahie.

Anumzamofo Routage Avantafere

² E'i ana ne'mo'a kenage hanimpi Jisasinte eno amanage huno antahige'ne. Rempi hurami ne'moka antahi'none, Kagrama hurami ne' Anumzamofontegati e'nane. Mago'mo'a Kagrama nehanaza huno amanahu avame zana osugahie, Anumzamo agrane mani'nesimo hugahie.

Joni 3:2 Referans Kwoze

Joni 5:36

Hianagi Nagrama hanua navu'navamo'a, Joni'ma hu'nea avu'avazana agtere'ne. Na'ankure Nenfa'ma nami'nea eri'za Nagra eri vgaresnugu e'nerue, ana eri'zama e'nerua eri'zamo, Nagrira eriama hugahie, na'ankure Nfa'nimo hunantege'na e'noe.

Aposol 10:38

Tamagra ko antahi'naze Nazareti Jisasina inankna huno Anumzamo'a Ruotge Avamuteti'ene hanave areti'ene huhamprinte'ne. Ana higeno Jisasi'a vano huno knare hunezmanteno, Sata'ma knama nezmia vahera zamazeri so'e huzmante'ne, na'ankure Anumzamo'a Agrane mani'negeno ana hu'ne.

Aposol 2:22

Israeli vahe'motma ama kea antahiho, Nazareti ne' Jisasina, Anumzamo azeri oti'nea ne'mo, kaguva zane ruzahu'zane, avame'zana Anumzamo'a, Agripi runtanino amuno tamifina eri'zana erigeta, keta antahita hu'naze.

Joni 9:16

E'ina hu'negu mago'a Farisi vahe'mo'za anage hu'naze, e'i ana nera Anumzamo'a huntegeno ome'ne, na'ankure mni fruhu kna ana ne'mo kegva nosie. Hianagi mago'amo'za anage hu'naze, inankna huno kumi ne'mo'a amanahu kaguvazana erifore hugahie? Anage nehu'za keha're'za amu'nompinti vahera refko hu'naze.

Joni 12:37

Jisasi'a rama'a kaguvaza (mirakol) huzmeri hu'neanagi, zamagra zamentintia Agritera osu'naze.

Joni 1:38

Jisasi'a amage'a nevakeno rukrahe huno neznageno, Na'anku nehakra'e? huno znantahigege'ne, Hurami ne'moka inante Kagra nemnine? hu'ne antahigena'e.

Matiu 22:16

Hute'za zamagri zmage nentaza naga'ene, Herodima amage nentaza disaipol naga'ane, magoka huzmantage'za Jisasinte vu'za anage hu'naze. Rempi huzami nere, tagra antahi'none, Kagra tamage ne'tfa mni'nenka, tamage ke'moma hu'nea kante antenka Anumzamofo kankura rempi hunezmine. Mago'mofonkukera nosane, na'ankure mago'mofontega nontane.

Joni 7:31

Hianagi ana vahe kevufinti hakaremo'za, Agrite zamentinti nehu'za anage hu'naze, Mesaia'ma esuno'a, Agra hakare'a avame'zama ama ne'moma nehia zana agtereno hugahifi ana osugahie?

Joni 20:16

Jisasi ana a'ku hu'ne, Maria! Higeno a'mo rukrehe huno Jisasinku Hibru kefinti, Rabonai! (ana kemofo agafa'a Hibru kefina Hurami ne're) hu'ne.

Joni 15:24

Mago'a vahe'mo'za e'orinaza kaguva eri'zama zamagri amu'nompi e'ori'noasinia, kumi'zmia omnesine. Hianagi menina kaguva eri'zani'a kazanagi, Nagri'ene Nenfanena ha' renerantaze.

Joni 3:26

Nehu'za Joninte e'za amanage hu'za asmi'naze. Hurami (Rabbai) ne'moke, Jodan timofo kantu kaziga kagrane mani'neama, Agri agi hu'ama hu'nana ne'mo'a, mono ti fre nezmantege'za mika vahe'mo'za Agrite nevaze.

Maki 12:14

Zamagrama Jisasinte'ma ne-eza anage hu'naze, Hurami ne'moka, tagra antahi'none, kagra tamagege nehunka, mago vahekura koro nosunka, havi vahe'ene fatgo vahe'ene mago'zanke hunka Anumzamofo fatgo kankura rempi huneraminketa nentahune. Hagi knare Sisana takesia amigahumpi omigahune?

Filipai 1:14

Kinama hu'noa agafare maka nenfu'zane nasarhe'zane zamagu'areti Rantimofona antahi nemi'za, korora osu'za hanaveti'za Anumzamofo nanekea zamagiteti huama nehaze.

Matiu 23:7

Hagi vahe'mo'za maketi kumapima humusema hunezmante'za, rempi huzami vahere'ma hu'za hanaza'zanku zmenesie.

Matiu 23:8

Hu'neanagi tamagrikura rempi huzami vahere hu'za osiho. Na'ankure Rempi hurami'nera Magoke mni'negetma, tamagra ana miko'a kogna mni'naze.

Joni 2:11

Agra'a kaguva avu'ava zama'a erigafa huno Jisasi'a Galili kaziga Kana kumate nehuno, Agri'a hihamu msa zama'a eri ama hige'za, Agri amage nentaza disaipol naga'mo'za Agrite zamentinti hu'naze.

Joni 4:31

Vahe'ma zamarenaku vu'nege'za amage nentaza disaipol nagamo'za Jisasina tutu hunte'za, hurami ne'moka (Rabbai), ne'zana no hu'naze.

Joni 6:2

Tusi'a vahe krerfamo'za Agrira avariri'za vu'naze, na'ankure krima vase'naza vahe'ma kaguvazana huno zamazeri so'e hige'za nege'za avariri'za vu'naze.

Joni 10:38

Hianagi Nagra eri'zama'a e'nerugetagi, tamagra tamentintia Nagrikura nosaze, eri'zama eruazante negetma tamentinti hiho, e'inama hanuta keta antahita hanazana, Nagra Nenfampi manugeno, Nenfa'a Nagripi mani'ne hugahaze.

Joni 14:10

Nenfampi Nagra manugeno, Nenfa'a Nagripi mani'ne hua kegura, nahigenka kmentintia nosane? Nagra nagesafinti kea kagrira nonkasmue, hianagi Nenfa'a nagu'afi mani'nemo, Agra kaguvaza hu eri'za e'nerie.