Joni 20:16 - Kamano

¹⁶ Jisasi ana a'ku hu'ne, Maria! Higeno a'mo rukrehe huno Jisasinku Hibru kefinti, Rabonai! (ana kemofo agafa'a Hibru kefina Hurami ne're) hu'ne.

Anumzamofo Routage Avantafere

¹⁶ Jisasi'a ana a'kura huno, Maria! Higeno a'mo'a rukrehe huno Jisasinku Hibru kefinti, Rabonai! (ana kemofo agafa'a Hibru kefina Rempi hurami nere hu'ne.)

Joni 20:16 Referans Kwoze

Joni 10:3

Kafante kva ne'mo agrira kafana anagintegeno, sipisipimo'za agri ageru nentahize. Ana afu kva ne'mo Agri'a sipisipimokizmi zamagi neheno, zamavreno vugota nehie.

Joni 1:38

Jisasi'a amage'a nevakeno rukrahe huno neznageno, Na'anku nehakra'e? huno znantahigege'ne, Hurami ne'moka inante Kagra nemnine? hu'ne antahigena'e.

Aposol 10:3

Mago kinaga ferura 3 kilokinaza higeno, agra kefatgo huno ava'nagna'za kegeno, Anumzamofo ankeromo efreno anage hu'ne, Koniliasio! higeno,

Aposol 9:4

traka huno mopafima nemseno'a, agrama mago kezankema antahi'nea kemo'a anage hu'ne, Sol! Sol! Na'a higenka Nagrira kna nenamine?

Joni 6:25

Ome hakre'za hagerimofo kantu kaziga Jisasima azeri fore nehu'za, amanage hu'za Agrira antahige'naze, Hurami ne'moka (Rabbai) Kagra nazupa amarera e'nane?

Jenesis 22:11

monafinti Ra Anumzamofo ankeromo kezatino, Abraham! Abraham! Higeno ama mani'noe hu'ne.

Joni 20:28

Tomasi ke nona huno Jisasi asmi'ne, Nagri Ranimoka, nagri Anumzane!

Joni 13:13

Tamagra Nagrikura rempi hurami Ne'ene, Rantie nehazana, tamagra tamage nehaze, Nagra ana nere.

Joni 11:28

Mata'a anage huteno, vuno nenunkna Mariana sumi huno agesafi asmi'ne, Hurami ne'mo ne-eno kagriku ke nehie, huno asmi'geno,

Joni 5:2

Jerusale kuma'mofo kaha hagente'za, Sipisipi Kafane hu'naza tvaonte mago tiru me'nege'za, Hibru kefina Betsaida hu'za nehaze. Anantera 5fu'a hanko no kinte'naze.

Joni 3:2

E'i ana ne'mo'a kenage hanimpi Jisasinte eno amanage huno antahige'ne. Hurami ne'moka antahi'none, Kagra hurami ne' Anumzamofontegati e'nane. Mago'mo'a Kagra hanaza huno amanahu avame zana osugahie, Anumzamo agrane mani'nesimo hugahie.

Joni 1:49

Higeno Natanieli'a Agri ke'nona amanage hu'ne, Hurami nere, Kagra fatgo hunka Anumzamofo nemofoga mani'nane. Kagra Israeli vahe'mokizmi Kini nere.

Luku 10:41

Hianagi Ramo'a, kenona'a anage hu'ne, Mata, Mata, kagra antahintahi hakare maka'zanku nehunka antahigna nehane.

Matiu 14:27

Hianagi ame huno Jisasi'a anage huno zmasmi'ne, akoheta maniho, ama Nagre, huno higeno,

Jenesis 45:12

Keho, tamagra negageno, nagna'nimo Benjameni enena nege, nagra nagipinti ama kea tamagrira nermasmue.

Jenesis 22:1

Mago'a kafua agateretegeno Anumzamo Abrahamu areheno ke'ne. Anumzamo'a amanage hu'ne, Abrahamuo higeno ama mani'noe huno Abrahamu hu'ne.

Maki 10:51

Anante Jisasi'a anage hu'ne, na'a hugante'nuegu kavenesie? Hurami ne'moka, ete navu kenaku nehue.