Joni 2:24 - Kamano

²⁴ Hu'nazanagi, Jisasi'a Agra kzigatira antahiozmi'ne. Na'ankure miko vahera Agra zamantahino zamage'ne.

Anumzamofo Routage Avantafere

²⁴ Hu'nazanagi, Jisasi'a Agra kazigatira antahi ozami'ne. Na'ankure miko vahera Agra zamantahino zamage'ne.

Joni 2:24 Referans Kwoze

Joni 6:64

Hianagi mago'amota tamentintia nosaze. Na'ankure ese agafareti Jisasi'a zamentinti osnaza vahera, nezmageno iza'o komoru hanige'za Agri'ma ahe simofona agu'a ko ke'ne.

Hibru 4:13

Mago'zamo'e huno Anumzamofo avurera, Agrama tro'ma hunte'nea zantamimo'a fraokigosie. Hianagi refkoma hanimofo avurera, ana maka'zamo'a amateke'za nehanigeta, tagranena tamage kege asamigahune.

Aposol 1:24

Ana hute'za nunamu hu'za, Ramoka kagra hakare vahe'mofo zamarimpa ke'nane. Hanki ama tare ne' trenpintira, inamofo huhampri antenampi taveriho.

Matiu 9:4

Jisasi'a zamagrama haza zamuzma negeno, anage hu'ne, Nahigetma kefo antahintahia tamagu'afina nentahize?

Joni 16:30

Tagra menina antahi'none, Kagra maka'zana antahi'nane, mago zankura vahe'mo'a kagenoka osugahie. E'ina'ma hanazante tagra tamentinti nehuta, Anumzantegati e'nane huta nehune.

Joni 5:42

Hianagi Nagra tamagrira tamage'noe, Anumzamofo avesinte'zana tamagri tamagu'afina omne'ne.

Revalesen-Hufo Hu'ne 2:23

Nagra ana a'mofoma amage'ma nentaza vahera zmahe fri'nena, maka mono vahe'mo'za ke'za antahi'zama hanazana, maka vahe'mofo antahizane, zmagu'zmagesa nege hu'za nehanage'na, magoke magokemozama zmavu'zmavama hanare, mizana zamitere hugahue.

Joni 21:17

Jisasi'a tagufa zupa ana kege huno asmi'ne, Saimon, Joni nemofoga, Nagrikura kvesi nenantano? Higeno Pita'a arimpa kna hu'ne, na'ankure tagufa zupama Nagrikura kve'nesio? Huno antahigea zankure. Pita'a Agriku hu'ne, Ramoka, Kagra maka'zana antahi'nane. Nagrama navesi negantoana Kagra antahi'nane. Higeno Jisasi ke nona'a asmino, Sipisipi zga'ni'a ne'zana zamio hu'ne.

Maki 2:8

E'i anage hu'za zamagesa nentahizageno, Jisasi'a zmagu'afi negeno, ame huno zmasami'ne, Na'a higetma tamaguafina e'inahu antahintahia nehaze?

Joni 6:15

Ana vahe'mo'za zamagraregati eme azeriza kini kvazmi manisie hu'za azeri otiku hzageno, Jisasi'a antahino keno nehuno, anantetira zamatreno agonarega Agraku mreri'ne.

Joni 1:42

Jisasinte Endru'a, Saimonina avreno vu'ne. Vigeno Jisasi'a negeno anage huno asmi'ne, kagra Saimonige Joni nemofoga mani'nane, kagri kagi'a Sifasi'e hugahaze. (E'i ana agima eri rukrehe'ma hu'neana Pita'e hu'ne.)

Aposol 15:8

Higeno Anumzamo vahe'mofo agu'a keno antahino hu'nemo'a, zamagritera eriama huno Ruotge Avamura zami'ne, na'ankure tagri'ma hu'neazana huno zami'ne.

Joni 4:16

Agra ana aku huno, Vunka, negvena ome ke hunka avrenka amare eno.