Joni 19:4 - Kamano

⁴ Mago'ene Paeroti'a ete atiramino, Jiu kva vaheku amanage huno zamasmi'ne, Keho, ama ne'ma nagrama avare'na tmagrite'ma neoana, antahisazana mago keaga Agri'ma hunte'zana omne'ne.

Anumzamofo Routage Avantafere

⁴ Mago'ene Paeroti'a ete atiramino, Jiu kva vaheku amanage huno zamasmi'ne, Keho, ama ne'ma nagrama avare'na tmagrite'ma neoana, antahisazana mago keaga Agri'ma hunte'zana omne'ne.

Joni 19:4 Referans Kwoze

Joni 19:6

Vugote'naza pris vahe'ene, mono no kegva nehza vahe'mo'za (gad) Agri'ma nege'za amanage hu'za kezati'naze, aheta hantiho, aheta hantiho! Hzageno Paeroti'a zamasmi'ne, Tamagratmi avretma rugeka zafare ome aheho, na'ankure nagra mago hazenke'a omne'nege'na negoe, huno zamasmi'ne.

Joni 18:38

Paeroti'a antahige'ne, tamage nanekea inanknahu ke me'ne? Anagema huteno'a, megi'a atiramino Jiu kva vahete vuno anage hu'ne, Mago havizana nagra, Agripina ke'na erifore osue.

Luku 23:4

Anante Paeroti'a ugagota prisi vahe'ene, ana vahe kevugura anage huno zmasamine, nagra ama ne'mofompina mago hazenke zama'a kena eri fore osue.

Luku 23:47

Sondia vahe'mokizmi kva ne'mo anazama hiazama negeno'a, agafa huno Anumzamofo agi erisaga nehuno, tamage ama fatgo ne'kino hazenkea omnene hu'ne.

1 Joni 3:5

Hanki tamagra antahi'naze, Jisas Kraisi'a efore'ma hu'neana kumi eri atre'naku e'neakino Agripina kumira omane'ne.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

1 Pita 2:22

Agra kumira osuno, mago havigea agipintira osu'ne. (Ais 53:9)

1 Pita 1:19

Hianagi haviza osuno afuhe omne sipisipi anenta, Kraisi mrerisa koranu miza seramante'ne.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Luku 23:41

Tagra tamage huta hazenke hu'noa zamofo nona'a, eriga knaza eneru'e. Hianagi ama ne'mo'a mago hazenke osu'ne.

Matiu 27:54

Anante 100ti'a sondia vahe'mokizmi kva ne'ene, mago'ama Jisasinte kvagri'naza sondia vahe'moza imima enerigeno fore hiaza nege'za tusi kore nehu'za, Tamage ama Nera Anumzamofo Mofavre! hu'naze.

Matiu 27:24

Paeroti'a keana maka vea'moza ra kege hazageno, mago'za huga nosuno tifino hakare vea zamufi aza sese nehuno, ama ne'mofo kora kumira nagripina omanegahianki, tmagri zane hu'ne.

Matiu 27:19

Paeroti'a ke refakohu tra'are'ma mani'negeno'a, nenaro'a ke atregeno vu'ne. Meni kenagera mse'ne'na Agrite'ma ke'noa avanamo'a tusi ngogofe'ne. E'i Nera fatgo ne' mani'neanki, mago zana huonto.

Matiu 27:4

amanage hu'ne, hazenke'a omane ne'ma komoru hu'na avare tamuana, nagra kumi hue huno hige'za zamagra anage hu'naze, tagri zana omane'neanki kagri'zane hu'naze.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.

Joni 18:33

E'ina higeno, anante Paeroti'a eteno ugagota vahe (gavana) nompi vuno, Jisasina kehuno, Kagra Jiu vahe'mokizmi Kinifi? Huno antahige'ne.