Joni 18:33 - Kamano

³³ E'ina higeno, anante Paeroti'a eteno ugagota vahe (gavana) nompi vuno, Jisasina kehuno, Kagra Jiu vahe'mokizmi Kinifi? Huno antahige'ne.

Anumzamofo Routage Avantafere

³³ E'ina higeno, anante Paeroti'a eteno ugagota vahe (gavana) nompi vuno, Jisasina kehuno, Kagra Jiu vahe'mokizmi Kinifi? Huno antahige'ne.

Joni 18:33 Referans Kwoze

Joni 19:12

Ana kema antahiteno'a Paeroti'a aza huno katufe atrenaku tusiza huno agesa antahi'ne. Hianagi Jiu kva vahe'mo'za kezati'za, kagrama ama ne'ma katufe atresunka, kagra Sisa knampa omni'nane! Mago'mo kini manigahue hanimo'a, Sisana ha' rentegahie.

Joni 19:3

Zamagra Agrite ete'vute nehu'za, Husga hunte'za ankaza nente'za, Keho, ama Jiu vahe'mokizmi kinia! Nehu'za avugosafi mago'ene ruhapa hapa hu'za ahe'naze.

Joni 18:37

E'inage higeno Paeroti'a asmi'ne, higenka Kagra kinio? Jisasi ke nona'a hu'ne, Kagra Nagriku'ma kinie nehanana tamage. Ama'na kegafare Nagra ama mopafina efore hu'noe. Nagra ama'na agafare ama mopafina e'noe, tamage naneke huama hunaku e'noe. Maka vahe'mo'za tamage nanekegu zamave'ma nesimo'za, Nagri nagerute zamagesa ante'za nentahiza tamage nehaze.

Joni 12:13

Antahite'za tofe zafamofo ani'na hantagi'za e'neri'za, ome ke'za amrara nehu'za kezati'za, Tza huogu ke'za netune! (Hosana!) Ramofo Agifi ne-ea nera agi'a hentesga hanune! Israeli vahemofo kinia agi'a hentesga hanune!

Maki 15:2

Paeroti'a agenoka huno, Kagra Jiu vahe'mokizmi kini mani'nano? huno Jisasina antahige'ne. E'ima kagra nehanane huno Jisasi'a hu'ne.

Matiu 27:11

Jisasi'a anante ra kumamofo kva (Gavana) ne' avuga uotigeno agenoka huno, Kagra Jiu vahemokizmi Kini mani'nano? Izo e'ima kagra nehanane, huno Jisasi ke'nona hu'ne.

1 Timoti 6:13

Nagra Anumzamofo avufi negasmue, maka'zama asimu ami'nea ne'ene, Kraisi Jisasi tamage kema Pontias Pailoti avufima huama hu'negu,

Joni 19:9

Eteno Paeroti'a kuma'afi ufreno, Jisasinku anage hu'ne, Kagra igati e'nane? Hianagi Jisasi'a magore huno agri kenona'a osu'ne.

Joni 12:15

Korera osiho Saion veara, Keho tmagri Kinimo, agaho ve donki afumofo agumpi manino ne-e. (Zek 9:9)

Joni 1:49

Higeno Natanieli'a Agri ke'nona amanage hu'ne, Hurami nere, Kagra fatgo hunka Anumzamofo nemofoga mani'nane. Kagra Israeli vahe'mokizmi Kini nere.

Matiu 27:27

Rankumate kva ne'mofo sondia vahe'mo'za Jisasi avare'za ana nemofo kumapi mika sondia vahe nemniza kumate ufrageno regaginte'naze.

Luku 23:2

amanage hu'za erigafa hu'za naneke hunte'za, tagra konkeno ama ne'mo'a havi kante Jiu vahetia zmareno nevuno, Sisana takesi zgoa omiho nehuno, Agra'agura huno Nagra Kraisina kini mani'noe hu'ne.

Joni 18:34

Jisasi kenona huno, Kagra kagesafinti ke nehampi, mago'a vahe'mo'za Nagri'kura kasmi nagenka nehano?

Joni 18:38

Paeroti'a antahige'ne, tamage nanekea inanknahu ke me'ne? Anagema huteno'a, megi'a atiramino Jiu kva vahete vuno anage hu'ne, Mago havizana nagra, Agripina ke'na erifore osue.

Joni 19:4

Mago'ene Paeroti'a ete atiramino, Jiu kva vaheku amanage huno zamasmi'ne, Keho, ama ne'ma nagrama avare'na tmagrite'ma neoana, antahisazana mago keaga Agri'ma hunte'zana omne'ne.