Joni 14:23 - Kamano

²³ Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Anumzamofo Routage Avantafere

²³ Higeno Jisasi'a ana kenona'a anage huno zamasmi'ne, Iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 14:23 Referans Kwoze

Joni 14:21

Iza'o Nagri kasegema amage antesimo'a, Nagrira avesinantegahie, iza'o Nagri'ma avesinantenimofona Nenfa'a agrira avesintegahie, hnige'na Nagra avesintena, Nagra'ni'a agrite efore hugahue.

Joni 14:15

Nagri'ma navesinantesuta kasegeni'a amage antegahaze.

1 Joni 2:24

Hagi tamagra, ko'ma ese'ma antahi'naza tamage kea atrenkeno tamagripina meno, tamagra ko'ma antahinaza mono kemo tamagripi me'nenigeta, anahu kna huta Nemofonte'ene Nefampina manigahaze.

1 Joni 4:4

Mofavre naganimote Anumzamofo mofavre mani'naze. Mani'nageno tamagu'afima mani'nea Avamu'mo'a, mopafima mani'nea havige avamura agatere'ne.

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

Joni 10:30

Nenfa'ene, Nagranena magoke mani'no'e.

Joni 6:56

Mago'mo Nagri navufa neneno, Nagri korama nesnimo'a, agra Nagripi manige'na, Nagra agripi nemnue.

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Jenesis 1:26

Hagi Anumzamo amanage huno hu'ne, vahe tro hamnena tagrikna hu'za manine'za, maka'za kva nehu'za nozamene, nmamo'za hare'za vano nehazane, kumate zgagfane, mopafi kaza nehza zgarami kegva hugahaze.

Revalesen-Hufo Hu'ne 21:22

Ana rankumapina mago ra mono nona nagra onketfa hu'noe. Na'ankure Hanavenentake Ra Anumzamo'ene, Sipisipi anentamo'ene znagrake ana rankumofo mono nona mni'na'e.

Jenesis 11:7

E'i zanku tagra uramita ke'zmi eri svari hamnenke'za, zamagra zamageru ruzanku havia hanaze.

Revalesen-Hufo Hu'ne 22:3

Ana kumapina magore huno zmazeri havizama hu'zana omnena, Anumzamofone, Sipisipi anentamofo kini tramoke'za me'nena, kazokzo eri'za vahe'amo'za monora huntegahaze. (Jen-Agf 3:14-19)

Joni 8:51

Tamagerfa hu'na neramasmue, Keni'a nentahimo'a, agra ofrigahie.

Joni 8:52

Jiu vahe'mo'za Jisasinku anage hu'za asami'naze, menina tagra antahi'none, hankromo kagu'afi mani'ne. Abrahamu'a fri'negeno, kasnampa vahe'mo'zanena anazanke hu'za fri'nazagenka, Kagra anage nehane, iza'o nanekeni'a avariri simo'a, agra ofrigahie hunka nehane.

Joni 14:24

Iza'o Nagri'ma avesi onantesimo'a, Nagri kea amage ontegahie. Ama kema nentahizana Nagri kea omne'ne, hianagi Nenfa'ma hunantege'na e'nomofo ke nontahize.

Joni 15:10

Tamagrama kasege ni'ama amage' antesuta, tamagra Nagri navesimofo agu'afi manigahaze, Nagrama, Nenfa kasegema amage ante'na, Agri avesizamofo agu'afi mani'noankna huta manigahaze.

Joni 16:27

Hagi Nenfa'a tmagrira Agra'a avesinermante, na'ankure tamagra Nagrira tamavesinenteta Nagrikura Anumzamofonteti e'ne huta tamentinti hu'naze.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

1 Joni 2:5

Hianagi aza'o Agri kema amage antesimofona, tamage e'i ana vahepina Anumzamofo avesizamo fatgo huno megahie. E'inama hanigeta tagra antahita keta nehuta, Agripi manigahune.

1 Joni 5:3

Na'ankure ama'i Anumzamofo avesi'zane, tagra amage nentonkeno, ana kasege'amo'a kna noramie.

2 Joni 1:6

Hanki menina avesinte'zane, Agri kasegemo'ma hu'nea kante anteta tagra kana vanune. Ama ana kasegea kagrama ese agafare ko antahi nanankinka, kagra ana kante vu fatgo hugahane.

Revalesen-Hufo Hu'ne 21:3

Anantera antahugeno kini tratetira, ranke huno anage hu'ne, keho, Anumzamofo mono nomo'a vahe'ene nemaniankiza, Agra zamagrane nemanisigeno, Agri vea zmagra nemanisageno, Anumzamo Agra'a zamagri amu'nompina manigahie.