Joni 12:6 - Kamano

⁶ Menima Judas Iskariotima ama kema nehiana, na'ankure agra zamunte omne vahe zamaza hunaku nentahino nosie, hagi agra kumza nere. Zgo tafente kva nehia nekino, ome nentazana osi'a anampinkati musufa eritere nehia ne'mo anage higeno,

Anumzamofo Routage Avantafere

⁶ Menima Judas Iskariotima ama kema nehiana, na'ankure agra zamunte omne vahe zamaza hunaku nentahino nosie, hagi agra kumza nere. Zago tafente kva nehia nekino, mago'a zagoma ome nentazana anampinkati musufa eritere nehia ne'mo anage higeno,

Joni 12:6 Referans Kwoze

Joni 13:29

Judasi zgo taferote (bogisi) kva nehia neki'za, mago'amo'za antahizana mago'a upama hunona ne'za ome miza sege, amunte omne vahe, zgo ome zaminogu Jisasi'a hunente hu'za zamagesa antahi'naze.

Jemisi 2:6

Hu'neanagi zamunte omane nagara zmazeri haviza nehaze. Feno vahe'mo'za knaza neramami'za, tmavare'za naneke hu tratera nevazafi?

Jemisi 2:2

Atru hu'nesafima mago feno ne'mo hentofa kukena erinehankreno, korire asa eri'nentanino efresnigeno, mago amunte omane ne'mo pehenage kukena huno monoma nehanafima efresiana,

1 Tesalonaika 5:22

Ana nehutma, maka havi avu'ava zampintira maniganeta maniho.

Galesia 2:10

Zamagra zamunte omane vahe zamaza huzankura antahizamiho hu'za hurante'naze. E'i ana eri'zana nagrira tusi'za huno navenesige'na erinaku nehua erizanku hu'naze.

1 Korinti 6:10

kumzafa vahe'ene, vahe'zante kenunu nehia vahe'ene, aka ti neno havia huno neginagi nehia vahe'ene, vahe'mokizmi zmarimpa zmazeri havizahu ke nehaza vahe'ene, krunage nehaza vahe'mo'za, Anumzamofo Kumapina uofregahaze.

Joni 10:13

Na'ankure agrira zgo erizante avrente'nazankino sipisipigura agesa ontahino, agra zamatreno fregahie.

Matiu 21:13

Jisasi'a anage huno zmasmi'ne, Anumzamofo avontafepima kre'nazana, nagri nona Anumzamofonte nunamu hunte no megahie hu'ne. Hianagi tamagra kumzafa vahe frakiza mnisnaza kuma retro nehaze. (Aisa 56:7)

Proveps-Knare Nomaniza 29:7

Fatgo vahe'mo'za zamunte omne vahe'mofo nomni'zankura antahi nezamiza kegva hunezmantaze. Hianagi kefo vahe'mo'za, anara nosaze.

Luku 8:3

Joana Kusa nenaro'e (Heroti eri'za vahe'mofo kva nere) Susana ene, mago'a rama'a a'nema zamagra'a fenozampinti Jisasima azama nehaza a'nene vu'naze.

Joni 12:5

na'a hanigeta ama msavena 3 hantreti'a silva zgorera atreta, zgo erita zamunte omne vahera zamaza osugahuno?