Joni 12:49 - Kamano

⁴⁹ Na'ankure Nagrani'a antahintahifinti ama nanekea nosue, hianagi Nfanimo Agra hunantege'na e'nomo, zamasmio hianke ana naneke'age nehue.

Anumzamofo Routage Avantafere

⁴⁹ Na'ankure Nagrani'a antahintahifinti ama nanekea nosue, hianagi Nfanimo Agra hunantege'na e'nomo, zamasmio hianke ana naneke'age nehue.

Joni 12:49 Referans Kwoze

Joni 14:10

Nenfampi Nagra manugeno, Nenfa'a Nagripi mani'ne hua kegura, nahigenka kmentintia nosane? Nagra nagesafinti kea kagrira nonkasmue, hianagi Nenfa'a nagu'afi mani'nemo, Agra kaguvaza hu eri'za e'nerie.

Joni 8:26

Nagra rama'a zanku keaga nehu'na tamagrira refko hurmante'naku nehue. Hianagi hunantege'na e'nomo'a tamage Nere, Agripinti antahi'noa ke, Nagra ama mopafi vahera nezmasmue.

Joni 5:30

Nagra navesitera mago'azana osugahue. Anumzamofo ke nentahi'na anante zganena refko nehue. Ana kema refko'ma huana mago kante ante'na nezganoe. Na'ankure Nagra navesi'zantera kenontoe, hagi Agrama hunantege'na e'nomofo avesite refkoa nehue.

Joni 17:8

Na'ankure Kagrama nasmi'nana kea Nagra zamasmi'noe. Zamagra anankea eneri'za Nagrikura tamage Agriteti e'ne nehu'za, Agra huntegeno e'ne hu'za zamentinti nehaze.

Joni 14:31

Hianagi ama mopafi vahe'mo'a antahino keno hugahie, Nagra Nenfana navesinentoe, Nagra Nenfa'ma huo hunoma humanante'neaza nehuanki, otinketa amafintira vamneno.

Joni 15:15

Nagra ru'ene kazokzo eri'za vahe'ni'e hu'na tmagrikura osugahue, na'ankure kazokzo eri'za vahe'mo'a kva'amo'ma hiazana ontahi'ne. Hianagi Nagra rone'nimote hu'na tmagrikura nehue, na'ankure Nenfantegati maka'zama Nagrama antahuazana, tmagrira neramasmue.

Joni 8:42

Jisasi'a anage huno zamagrira zamasmi'ne, Anumzamo'ma tmagri nerfa'ma mani'neasiana, tamagra Nagrira navesi nantasine, na'ankure Nagra efore hu'noana, Anumzamo hunantege'na e'noe. Nagrani'a navesitera ome'noe, hagi Anumzamo hunantege'na e'noe.

Joni 3:32

Agrama antahino keno hu'nea zante Agra naneke'a huama nehie, hianagi mago'mo'e huno agi agenke'a antahi anira osu'naze.

Joni 3:11

Tmagerfa hu'na negasmue. Kema nehunana, antahita keta hu'nona zanku huama nehunkenka, ana nanekegura kagra antahi noramine.

Revalesen-Hufo Hu'ne 1:1

Anumzamo'a eri'za vahe'araminte kofta huno fore'ma haniazana, oku'a me'nea ke Jisasi'a ankero ne'a amino huntegeno, eriza ne'are Joninte emeri ama hu'ne.

Joni 5:19

E'inage hzageno Jisasi kenona zmirera amanage huno zamasmi'ne, Nagra tamagerafa hu'na neramasmue, Nemofo'a Agra'a avesitera mago'zana hugaosu'neankino, ke'nesigeno Nefa'ma huveri'nesia zanke, Nemofo'a anazanke hugahie.

Joni 6:68

Saimon Pita'a ana kemofo nona'a Agri asmino, Rantimoka izante katreta vunaku hunkenka nehane? Kagri kemo manivava asimura nemie.

Joni 7:16

Ana kemofo nona'a Jisasi'a amanage hu'ne, Nagrama rempima huneramuana, Nagri zana omne'ne, Nagri'ma hunantege'na e'nomofo Agri sune.

Joni 8:28

Jisasi'a anage hu'ne, tamagrama Vahe'mofo Mofavrema azeri sgama hanutma, tamagra antahi ankeretma Agra ama ana Nere hugahaze, Nagra'ni'a nagesafintira nosuanki, Nenfa'ma rempi hunami'nea ke'age nehue.

Joni 14:24

Iza'o Nagri'ma avesi onantesimo'a, Nagri kea amage ontegahie. Ama kema nentahizana Nagri kea omne'ne, hianagi Nenfa'ma hunantege'na e'nomofo ke nontahize.