Joni 12:48 - Kamano

⁴⁸ Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vgare knare, henka'a refko huntegahie.

Anumzamofo Routage Avantafere

⁴⁸ Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vagare knare, henka'a refko huntegahie.

Joni 12:48 Referans Kwoze

Luku 10:16

Anante Jisasi'a disaipol nagakura anage huno zmasamine, Iza'o tamagri kema antahi tamamisamo'za, Nagri ke antahi namigahaze. Iza'o tamagrima tmatresamo'za Nagri natregahaze. Hagi Nagrima natresimo'a hunantege'na e'nomofo atregahie.

Romu 2:16

Hagi mago kna ne-enkino Anumzamo'a Jisas Kraisimpi ana miko vahe'mofo oku'a antahintahizmia refko hugahie. Ama knare musenkemo hu'nea kante neramasamue.

2 Tesalonaika 1:8

Hanki Anumzamofo ke'za antahiza nosuza, Ranti Jisasi Kraisi knare musenke novaririza vahera, nona'a huno knazana eme zamigahie.

Joni 11:24

Mata'a amanage huno Jisasina asmi'ne, nagra antahi'noe, henkama otisaza zupa vgare knarera, agra otino asimu erigahie.

Hibru 12:25

Kema neramasamia Anumzamofo kema rutregezankura kava hiho. Na'ankure Israeli vahe'mo'za Sainai agonareti kema zamasamige'za rutagre'nazana Agrira agate'orenazanki, tagra inakna huta monafinti kema rutragesunana Agrira agateregahune?

Hibru 2:3

Anumzamo'ma tahoke'neazama tamagenama humisuta, tagra inankna huta rimpa hezana agateregahune? Ama ana tahoke'zana esetera Ramo hu'ama higeno, Agrite'ma zamentintima nehaza vahete amara higeta ke'none.

Joni 5:45

Nefante naneke hurantegahie hutma Nagrikura tamagesa ontahiho, kema hurmantesia nera Mosese'e, Mosesete tamagu'a antetma tamentintina hu'naze.

Matiu 21:42

Jisasi'a anage huno zmasmi'ne, Anumzamofo avontafepina tamagra hampritma nonkazo? Nogi vahe'mo'za knare osu'ne hu'za eritre'naza havemo'a, nomofo renagentete asente'nageno azeri hanaveti have menina fore nehie. Ama'i Anumzamo tro hu'neankino, tvurera so'e zantfa fore nehie. (Sam-Zga 118:22-23)

2 Korinti 4:3

Tagrama knare musenke huama hunazamo'ma ama'ma nosiana, fananema hanaza vahe'mo'za amara nosaze.

Luku 20:17

Hianagi Jisasi'a nezmageno anage hu'ne, na'ante amanage huno avontafepina krentene. Nogi vahe'mo'za zmesra huntaza havemo'a, no renegentete ugagota huno azeri hanaveti have fore hu'ne? (Sam-Zga 118:22)

Luku 17:25

Hu'neanagi ese'zana Agra rama'a knazampi unefresigeno, ama mni'nona gnafi vahe'moza zmefi humigahaze.

Luku 9:26

Iza'o nagriku'ene keniagu'ene agazema hunante'simofona, Vahe'mofo Mofavremo'ma Agra'a masa'afine, Nefa masa'afine ruotge ankero vahe zgamofo masafinema esuno'a agrira eme agaze huntegahie.

Luku 9:22

anage hu'ne, Vahe'mofo mofavremo'a ruzahu ruzahu knazampi unefresigeno, mono kva vahe'mozane, ugagota prisi vahe'mo'zane, kasegere ugota hu'naza vahe'moza, zmefi humiza ahesageno friteno, tagufa knare otigahie.

Luku 7:30

Hianagi Farisi mono vahe'mozane, kasegere ugagota hu'naza vahe'mo'za, Anumzamo'ma zamagri'ma zmaza hunaku retro hu'neazana zmefi humi'naze. Na'ankure zamagrira Joni'a mono tina fre ozmante'ne.

Maki 16:16

Hagi iza'o Nagriku amentinti nehuno, mono ti fre snimofona Anumzamo'a agu'vazina knare huno manigahie. Hianagi iza'o amentinti osanimo'a, keagafi manino fanana hugahie.

Maki 12:10

Hanki ama naneke Anumzamofo avontafepi krente'nazana hampritma ontahinazo? Nogi vahe'mo'za haviza hie huza atre'naza havemo'a, no renage antepinka no azeri hanaveti have fore hu'ne.

Matiu 25:31

Vahe'mofo Mofavremo ete hanave'afine msa zama'afima mika ankero zga'anema esuno'a, Agra masa nentake tra'are emanigahie.

Aposol 3:23

Mika vahe'mo'za ana kasnampa ne'mofo kema ontahisnamo'kizmia, zamahe nefrino, vahe'afintira zamahenati tregahie.

Maki 8:31

Anante Jisasi'a erigafa huno amage'ma nentaza disaipol naga'a rempi huzamino, Vahe'mofo Mofavremo'a rama'a ata e'nerisigeno, mono kva vahe'mo'zane, ugagota kva vahe'mo'zane, kasegere ugagota hu'naza vahe'mo'za zmefi humiza ahefrisageno, tagufagna maseteno otigahie huno zmasami'ne.

Matiu 10:15

Tamage hu'na neramasmue, Anumzamo'ma keagama refako huzupa, Sodomune, Gomora kumate korapa hu'neazana, agatereno ranknaza erigahie.

Joni 6:39

Anumzamo hunantege'na Nagra e'nomofo avesira anahu hu'ne! Nagri'ma maka vahe'ma nami'nefintira mago'moe huno fnane osugahie, hagina vgare knarera zamazeri otigahue.

Joni 8:47

Aza'o Anumzamofo naga mani'nenimo'a, Anumzamofo naneke nentahie, ama'na agafare tamagra nontahize. Na'ankure tamagra Anumzamofo nagara omni'naze.

Aposol 17:31

Na'ankure ama mopama Agrama refako hania kna, agra'a fatgo avu'ava zampi ko huhampri tegeno me'ne. Mago ne' huhampri ante'neana miko vahera amate huzameri huno fri'nefinti azeri oti'ne.

Hibru 4:12

Na'ankure Anumzamofo kemo'a kasefa huno me'neno, eri'za enerino, tarega kaziga asanenea kazimofo asenezama'a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi'nefine, zaferinamofo asinu'afi ufreno tga nehuno, tavutavazane tagutagesamofo avesizana refko nehie.

Hibru 10:25

Jisasi'ma esia knamo'a kofta nehigu, mago'amo'zama magopima atruma hu'zama netrazaza huta, magopima atruma hu'zana otresune. Tamagra antahinaze, Kraisi'ma esiakna hago kofta nehigu, ozeri hanaveti azeri hanaveti hanune.

1 Pita 1:5

Tamagra Anumzamofonte tamentinti hazageno, Anumzamo'a hanave'areti kegva huramante'neankita, so'e hutma manigahaze. Tamagri tamahokeno tamaza hunaku retro huntegeno me'neankino, e'i anazama haniana mona mopa vgamare'nea knazupa eama hugahie.

2 Pita 3:3

Hu'neanangi tamagrama ketma antahitma hanazana, vgama reknafina, tamage kema huhaviza hu vahe'mo'za, tamage kemofona huhaviza nehu'za, zamagra'a havi zmaguzmagesa nevaririza,

2 Pita 3:7

Hianagi ama mopane monane henkama refkoma hanianknarera Agra tevenuti kre fanane hugahue, huno kea huntegeno me'ne. Hagi Anumzamofo avu'avama nosaza vahe'enena zmahe fnanene hugahie.