Joni 10:10 - Kamano

¹⁰ Hanki kumzafa vahe'ma esuno'a, kumzafa seno, ahe nefrino, eri haviza hunaku egahie. Nagrama e'noana zamagra zamasimu e'neri'za, ana asimu eri avitetfa hanazegu e'noe.

Anumzamofo Routage Avantafere

¹⁰ Hanki kumzafa vahe'ma ne-eana kumzafa seno, ahe nefrino, eri haviza hunakuke egahie. Nagrama e'noana zamagra zamasimu e'neri'za, ana asimu eri avitetfa hanazegu e'noe.

Joni 10:10 Referans Kwoze

Luku 19:10

Na'ankure vahe'mofo Mofavremo'a, fanane hu'naza vahe hakeno zmavarenaku e'ne.

Joni 6:51

Nagra ksefa mani'zamofo breti monafinti eramino'e, mago'mo ama ana bretima nesuno'a, agra manivava hugahie, E'i ana bretia Nagri navufa me'ne, ana navufamo maka mopafi vahe manivava asimu zamigahie.

Joni 12:47

Iza'o nanekeni'a nentahino, namage nome simofona kea huontegahue, na'ankure Nagra ama mopafi vahe refko hunaku ome'noe, hianagi mopafi vahe zamaza hu'na zamavrenaku e'noe.

Joni 6:33

Na'ankure Anumzamofo bretia e'i ama monafinti erami'neankino, miko mopafi vahera zamasimu zamigahie.

Joni 3:17

Na'ankure Anumzamo Mofavre'a huntegeno ama mopafima e'neana, mopafi vahe refko hinogu huntegeno ome'ne. Hagi Agripinkati vahe'mo'za zamagu'vazizana erisaze huno huntegeno erami'ne.

1 Timoti 1:15

Ama'i tamage nanekegino, hakare'a vahe'mo'za zamentinti hugahaze. Na'ankure Krais Jisasi'a kefoza nehaza vahe zamahokehesigu ama mopafina erami'ne. Ana agu'afina nagra zamagtere'na hakare vahera kefo'zana hu'noe.

Joni 10:1

Nagra tamagerafa hu'na neramasmue, iza'o sipisipi keginamofo kafanteti agu'afi uofreno, ruganteti tka'uresimo'a, kumzafa ne'kino, vahe'za avazu hugahie.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Hibru 7:25

E'ina hu'negu Agrite'ma etenoma, Anumzamofontema esimofona magoke zupa agu'vazinkeno mni vava hugahie. Na'ankure Agra manivava hu'neno, Anumzamofontega nunamu huno zamaza nehie.

2 Pita 1:11

E'inahu kantema vnageno'a, Ranti Jisas Kraisi'ma taguvazi nemo'a, manivava kuma'amofo kafana anagi hagro hanigeta ufregahaze.

Hibru 6:17

Anahukna huno Anumzamo'a huvempa hu'neakino, anama huvempa hu'nea kemofona azeri hanavetino, erisanti haregahaze hu'nea vahetera huvempa huzmantene.

Matiu 23:13

Hu'neanagi kva hiho, kasegere ugagota hu'naza vahe'ene, Farisi vahe'mota, tamagi'ari hutma tavre vahe mni'naze. Mona kumapima vunaku haza vahera, tamagra kafa erigita ahenkani renezmantaze. Na'ankure tamagra tmia unofretma zmatrage'za ufrenaku'ma haza vahera unofraze.

Romu 2:21

Tamagrama vahe'mokizmi rempi hunezamita, hagi nahigeta tamagra'a rempi huta nontahize? Tamagra musufa oseho huta nezmasamize. Hianagi tamagra'a musufa nosazo?

Matiu 18:10

Tamagra kva hiho, amana ne'onse mofavre nagara zmage fenka otreho. Na'ankure nagrama nermasmuana monafina zamagri ankeromo'za, mika zupa monafinka mni'nea Nenfa avugosa negaze.

Maki 11:17

Ana huteno agafa huno rempi hunezamino anage huno zamasmi'ne, amanage huno Anumzamofo avontafepina krente'ne, Nagri nona mika kaziga vea'moza nunamu hanaza no me'ne, hianagi tamagra kumzafa vahe'moza fraki nonkuma eri tro nehaze. (Aisa 56:7, Jer 7:11)

Joni 12:6

Menima Judas Iskariotima ama kema nehiana, na'ankure agra zamunte omne vahe zamaza hunaku nentahino nosie, hagi agra kumza nere. Zgo tafente kva nehia nekino, ome nentazana osi'a anampinkati musufa eritere nehia ne'mo anage higeno,

Matiu 21:13

Jisasi'a anage huno zmasmi'ne, Anumzamofo avontafepima kre'nazana, nagri nona Anumzamofonte nunamu hunte no megahie hu'ne. Hianagi tamagra kumzafa vahe frakiza mnisnaza kuma retro nehaze. (Aisa 56:7)

Joni 5:40

Hianagi Nagrite'ma e'netma tmasimu eri'zankura tamagrira tamavesra nehie.

Joni 10:11

Nagra'ni'a knare sipisipi kva ne' mani'noe, Knare sipisipi kva vahe'mo'a Agra'a sipisipireku huno asimura atregahie.

Matiu 18:11

[Vahe'mofo mofavre'ma e'neana fanane hu'naza vahe hakreno zmarenaku e'ne.]