Joni 1:29 - Kamano

²⁹ Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

Anumzamofo Routage Avantafere

²⁹ Anante kotigeno Jisasi'a agrite egeno negeno, Joni'a amanage hu'ne, keho, Anumzamofo Sipisipi anentara, ama mopafi vahe'mokizmi kumira, Agra eri atregahie!

Joni 1:29 Referans Kwoze

1 Joni 2:2

Agra'a kumitimofona nona huno apaserante'ne, tagri kumike sese huorante'neanki, maka mopafi vahe kumi'ene sese huzmante'ne.

1 Joni 3:5

Hanki tamagra antahi'naze, Jisas Kraisi'a efore'ma hu'neana kumi eri atre'naku e'neakino Agripina kumira omane'ne.

1 Pita 1:19

Hianagi haviza osuno afuhe omne sipisipi anenta, Kraisi mrerisa koranu miza seramante'ne.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

Revalesen-Hufo Hu'ne 6:1

Anante nagra kogeno, sipisipi anentamo 7ni'a fukinu rekamerente'nea avontafepinti, mago fuki eriganopegeno, 4'a kasefa hu'za mni'naza zgafinti mago'zmimo'a monage'moma hiaza huno anage hu'ne, eno!

Revalesen-Hufo Hu'ne 12:11

Zamagra ana ne'mo'ma ha'ma huzmantea hara, Sipisipi anentamofo koranteti'ene agenke'ama huama hazareti agatenere'za, zamagra zmavufagura nontahi'za, zamagri'ma zmahe frizanku enena korera osu'naze.

Galesia 3:13

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Joni 1:36

Jisasi ne-egeno Joni'a negeno amanage huno hu'ne, Keho, amu Anumzamofo Sipisipi anentare,

Revalesen-Hufo Hu'ne 7:17

Na'ankure tra'mofo amunompima mni'nea Sipisipi anentamo, kegva huzmanteno asimu erino mni tinkapuite vanigeno, Anumzamo maka zamavunura eri homu huzmante vgaregahie huno hu'ne.

Aposol 8:32

Ana ne'mo'ma hampri'nea avontafemo'a, amanahu ke hu'ne, Sipisipi afu'ma ananke taga hunaku avare'za nevazankna hu'za nevu'za, sipisipi afu anenta azoka taga hunaku nehazageno, agira aka huno krafa osu'nea kna huno, Agra agira aka osu'ne.

Revalesen-Hufo Hu'ne 17:14

Ana kini vahe'mo'za Sipisipi Anentamofo ha' hunte'naku hugahazanagi, Sipisipi Anentamo'a zmaheno zmagateregahie. Na'ankure Agra ramokizmi, Ra mnineno, kini'mokizmi Kini manine. Agrama zamigi huno huhampri zmantege'za mni fatgo hu'namo'za, Agranena mnigahaze.

Revalesen-Hufo Hu'ne 15:3

Anumzamofo eri'za vahe Mosese zgame'ene Sipisipi Anentamofo zgame hu'za anage hu'naze, Tusiza hunka ruzahu eriza eri'nane, Ra Anumzamoka tusi hanavenentake hu'nane, Kagri kamo'a fatgo huno tamage hu'ne, maka kumapi vahe'mokizmi kini Nere!

Revalesen-Hufo Hu'ne 14:1

Anantera Sipisipi Anentamo'a Saioni agonare otinegeno, Agri agine, Nefa aginema kokovitema krente'neana 144 tauseni'a vahe'mo'za magoka oti'nazagena ke'noe.

Revalesen-Hufo Hu'ne 7:14

nagra anage hu'na asami'noe, Ranimoka kagra antahinane hu'na hugeno, Agra anage huno nasami'ne, ama'i zmagra tusi'a hazenkezampi ufretageno ha' vahe'mo'za nezamahazageno, zaza kukenazamia Sipisipi Anentamofo koranteti sese hugaru huzmantageza efeke hu'namoze.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

Revalesen-Hufo Hu'ne 19:9

Anantera ankeromo'a anage huno nasamine, Sipisipi anentamo'ma aravema hania nezantema agima hu'nemo'a muse hino hunka krento, mago'ane anage huno nasamine, Ama'i tamage Anumzamofo naneke

Revalesen-Hufo Hu'ne 14:10

Anumzamofo tusi'a rimpahe knazamofo waini erihavia huno tagi avitenea kapufinti neneno, ana vahe'mo'a ruotge ankero vahe'ene, Sipisipi anentamofo avure, havere te kasinkasi nehia tevefi atazana erigahie.

Revalesen-Hufo Hu'ne 13:8

Maka ama mopafi mni'naza vahe'ma, ahe'naza Sipisipi Anentamofo asimu eri avontafepi zmagima, monane mopanema tro'ma osu'neno kre ontenesia vahe'mo'za, ana afi zgarera monora huntegahaze.

Joni 3:16

Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

Revalesen-Hufo Hu'ne 19:7

Tagra musenkase huta ra agi amisune, na'ankure sipisipi anentamoma aravema hania kna egeno, ana ne'mofontema maresia a'mo'a retro huno mni'ne.

Revalesen-Hufo Hu'ne 14:4

Hanki ana vahe'mo'za a'nene savrira osu fatgo hu'za mani'naze. Na'ankure zamagrazmi agru hu'za mni'naze. Ama ana vahe'mo'za Sipisipi Anentamo'ma inaregama viana zmagra nevaririza vahere. Ana vahera Anumzamo'a ese hoza vasageakna huno maka vahepinti miza sezmante'neankino, Anumzamofone Sipisipi afu Anentamofo naga manigahaze.

Revalesen-Hufo Hu'ne 5:8

Hagi ana sipisipi afu anentamoma avontafe'ma omenerige'za, 4'a zmasimu eri'za mni'naza zgaraminki, 24'a elda kva vahe'mo'za, sipisipi anentamofo agafi zmarenare'za magoke magoke'mo'za zavena (harp) erine'za, zmente zmente mananentake'zama kre sramnavu'za mevite'nea korire zuompa erinazana, e'i anazana Anumzamofo nagamofo nunamune.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

Revalesen-Hufo Hu'ne 21:9

Anantera 7ni'a ankeropinti magomo Anumzamofo tusi'a rimpahe vgare knazana 7ni'a zuompafi avite'nea erineno anage huno nasamine, ege'na Sipisipi anentama erisia ara kaveri haneno huno hu'ne.

Revalesen-Hufo Hu'ne 6:16

Ana nehu'za agonamofonku'ene havemofonkura anage hu'naze. Tagri tagofetu eraminka, kini tratema maninemofo avure'ene, sipisipi anentamofo rimpa herante zampintira refiteranto,

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Revalesen-Hufo Hu'ne 21:27

Hagi pehena zane, havi anumzante mono hunente'za, havigema nehaza vahe'mo'za, ana kumapina uofretfa hugahaze. Hianagi Sipisipi anentamofo asimu eri avontafe'afima, zmagima me'nenimo'zage ana kumapina ufregahaze.

1 Joni 4:10

Ama ana avesi'zana, tamage tagra Anumzamofona avesi ontenonkeno, Agra'a tagrira avesi ranteno, magoke ante'nea Nemofona huntegeno, kumitimofona nona huno apaserante'ne.

1 Timoti 2:6

Tusi'a mizanteti Agra'a avufga atreteno, maka veara miza seranteno, Anumzamo huhampri ante'nea kna eri ama hu'ne.

1 Korinti 15:3

Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi tagri kumiku huno efri'ne.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Revalesen-Hufo Hu'ne 5:6

Anante kogeno mago sipisipi anentamo'a kini tramofone, 4'a kasefa hu'za zmasimuma ante'za mni'naza zgaramimofo amunompi oti'nege'za, 24'a elda kva vahe'mo'za regorave hunte'naze. Ana sipisipi anentara korapa ahenaza sipisipi anenta kna hu'ne. Ana sipisipi anentamofona 7ni'a pazive huntegeno, 7ni'a avurga hunte'neankino, e'i ana avurgamo'a Anumzamofo 7ni'a avamutaminkino, maka kaziga mopafi huzmantege'za nevaze.

Hibru 9:28

Hu'negu Kraisi'a magoke zupa frino rama'a vahe kumira eritrezamtene. Agrama henkama esu'no'a kumiti eritrerante'nakura omegahianki, Agriku'ma tusiza hu'za avegama ante'namokizmi zmahokeno zmavrenaku egahie.

Galesia 1:4

Jisasi asimu'a atreno kumitia atrerante'ne. E'inama hu'neana Anumza Nafatimofo avesi avaririno, mopafima amama meni mni'nona kefo avu'avazampinti tahokeno tazahunaku anara hu'ne.

Aposol 13:39

Ama ana nete'ma zamentinti hanu'za fatgo vahe manigahaze. Mosese kasegemo'a tamazeri fatgo osugahie.

Matiu 1:21

Ne'mofavre ksentegahianki, ana mofavremofo agi'a, Jisasi'e hunka agi'a antemio, na'ankure Agra vahe 'amokizmi kumi'zmifinti zamaza hugahie.

Revalesen-Hufo Hu'ne 21:14

Ana rankumamofo keginama hu'neana, 12fu'a havenu trara anteteno, ana haveramimofo agofetu regrino kegina hu'ne. Ana 12fu'a haveramintera, Sipisipi anentamofo 12fu'a aposol nagamokizmi zmagi metere hu'ne.

Hibru 2:17

E'ina hu'negu Agri'a nefune nesaroma hunentea avu'ava huno mika'zampina nehuno, Agra Anumzamofo avurera asuragiranteno ke'are oti fatgohu prisi ne' nemanino, vahe'mokizmia kumizmi nona huno magoke zupa apasezmante ne' mani'ne.

Joni 1:35

Anante zupa Joni'a, amagema nenta'a disaipol netrema'ane oti'neno,

Joni 1:43

Mseno kotigeno Jisasi'a Galili vunaku nehuno Filipi ome negeno, Nagri namage anto hu'ne.

Joni 2:1

Tareknamofo efi knazupa, arave hunaku Kana kumate Galili kaziga nehzageno, Jisasi nerera'a anante mani'ne.

Joni 4:42

Zamagra ana ara amanage hu'za asmi'naze, kagrama hana kegukera tamentinti nosune, hagi tagra tagesafinti antahita tamentinti nehune. Agra tamage maka kokankoka vahemota tzahu nere.

Joni 6:51

Nagra ksefa mani'zamofo breti monafinti eramino'e, mago'mo ama ana bretima nesuno'a, agra manivava hugahie, E'i ana bretia Nagri navufa me'ne, ana navufamo maka mopafi vahe manivava asimu zamigahie.