Jona 1:3 - Kamano

³ Ramo, Jonama ke hunteno, vuoma hirega atreno freno Tasisi atreno vunaku agesa antahi'ne, Jopa uramino Tasisi vuku nehia vente kefore huteno, vania zana mizaseno ventefi mrerino, Ramofo avatetira freno, afete Tasisi vu'ne.

Anumzamofo Routage Avantafere

³ Higeno Ra Anumzamo'ma Jonama hunteno, vuoma hirega ovuno atreno freno Tasisi vunaku agesa nentahino, Jopa uramino Tasisi vuku nehia vente ome kefore huteno, vania zana tafera mizaseteno Ra Anumzamofona atreno freno, afete Tasisi kumate vu'naku ventefi mareri'ne.

Jona 1:3 Referans Kwoze

Jenesis 4:16

Ana higeno Ra Anumzamofo avatetira Keni'a atreno Ideni hozamofo zge hanati kaziga vuno, Nodi mopare umani'ne.

Aposol 9:36

Jopa kumatera Jisasi amage nentea a'mofo agi'a Tavita'e. Ana a'mofo agima (Griki kefi eri rukarehe'ma hazana Dokasi'e hu'naze. Ama ana agimofo agafa'a, dia afure hu'ne) agripina knare eri'zamo avite'negeno upa'ma nehu'za zamasunku zampima nemaniza naga miko zupa zamaza hu'ne.

Aposol 9:43

Pita'a mago'a zaza kna, afu akruteti hanave'zantami tro nehia ne' Saimoni'ene Jopa mani'ne.

Jona 4:2

Ramofontega nunamu huno asmi'ne. Ramoka muse (plis) hugantoe. Ese agafareti nagra ko antahi'noe, Ninivea eri haviza osugahane hu'na kumani'are mani'nena antahi'noe. Antahite'na mopani'a atre'na, Tasisia nagra fre'na vu'noe! Na'ankure, Kagra kasunku nehunka knare huzmante Anumzane, agzone huzmantenka kasunku'zamo avite Anumzane, zamazeri haviza hugahue hana vahera ana nosane.

2 Tesalonaika 1:9

Ama ana vahe'mo'za havi mizazami e'neriza, Ramofonteti'ene hanavenentake masa'afintira atre'za afete'are mni'ne'za, zamata erivava hugahaze.

1 Korinti 9:16

Na'ankure nagra knare musenke hanuazankura nagia e'origahue. Mono kema hu'zana Anumzamo huo huno hunante'nea eri'zanki'na ana eri'zama e'orisuna nagra havizantfa hugahie.

Aposol 26:19

Ana hu'negu, Kini Agripaga, monafinkati'ma ege'na ava'nagnazama ke'noazama amage'ma onte'zamo'a amuho hunantegahie.

Aposol 15:38

Hianagi ko'ma avareke Pamfili'a kumate nevakeno, zanatreno eri'za e'o'ri vu'negu Poli'a hamponatino i'o, avareta ovugahu'e hu'ne.

Luku 9:62

Jisasi'a anage huno asmi'ne, mago'moma hozama erino nevuno, rukrehe rukrehe huno vanimo'a, Anumzamofo Kumapina vugara osu'ne.

Jenesis 3:8

Kinaga zasi antegeno Anumzamo hozafi ne'egeno agasasanke nentahi'ne hozafi zafa asoka fraki'ne mni'na'e.

Aposol 9:38

Jopa kumamo'a Lida kuma tva'onte me'ne, Pita'a anantega Lida kumate mani'ne hianke nentahiza, Jisasi amage nentaza disaipol nagamo'za tare ne'tre huznantageke, vuke hampo'nage huke, Tagriku tavega ontenka muse hugantonaki (plis) ko eno huke ome asami'na'e.

Aposol 9:42

Anama hia nanekemo'a Jopa kokampina zamukino vuno eno higeno, rama'a vahe krerfamo'za Ra Anumzamofonte zamentinti hu'naze.

Jona 1:10

Ana ke nentahi'za, tusi zamanogu nehu'za, anage hu'za antahige'naze, Kagra inankna hazenke hu'nane? Na'ankure Jona'ma Anumzamofo ke rutagreno fre'nea kea, ana nagara zamasmige'za antahi'nareti hu'naze.